Adlis n Tmusni

Tamsirt:

Mi ara tḍelmeḍ alebɛeḍ, nadi ad tsemḥeḍ.

Asemmad

• Imaɣnuten n yiwudam

  • Yeɛqub ( Ilemẓi)

    Issin Ugar
    

    Yeɛqub ( Ilemẓi)

    

    Yeɛqub, lmeɛna n yisem-is "axeddaɛ", ilul-ed yeṭṭef-d aggerz n gma-s Ɛisu ( d ayen iwumi neqqar tarbaɛt iǧehden!) Yeɛqub ibeddel aḍebsi-ines n leǧwaz mgal lḥeqq n umenzu n gma-s Ɛisu. Yuɣal d ameṛkanti yerna ɣer tagara yemṣalaḥ akked gma-s. Di Fanwil, Illu ibeddel-as isem-is i Yeɛqub yerra-t Isṛayil, lmeɛna-s “ d ageldun akked Illu” Di lweqt n llaẓ, Yeɛqub iṛuḥ ɣer Maṣer anda mmi-s, Yusef, yella d argaz wis sin mbeɛd Ferɛun.

    • Ifyar n Tira Iqedsen

      • Laṣel n Ddunit 28:15
      • Laṣel n Ddunit 25:23
      • Laṣel n Ddunit 25:29-34
      • Laṣel n Ddunit 27
      • Laṣel n Ddunit 28
      • Laṣel n Ddunit 29
      • Laṣel n Ddunit 31
      • Laṣel n Ddunit 32
      • Laṣel n Ddunit 32:28
      • Laṣel n Ddunit 33
      • Laṣel n Ddunit 42
      • Laṣel n Ddunit 49

  • Ɛisu

    Issin Ugar
    

    Ɛisu

    

    Yettusema Ɛisu s yisem-agi, i lmeɛna-s "imceɛɛeṛ", axaṭer asmi i d-ilul yella d azubaɣ yerna iɣum d ccɛeṛ amzun d ibidi n ccɛeṛ. Ɛisu iffeɣ-d d amezwaru akked gma-s akniw, Yeɛqub, i t-id-iṭṭfen seg uggerz. Imɣur-d iḥemmel lexlawi yerna iẓwer di ṣṣyada Ɛisu “yezzenz” lḥeqq-is n umenzu i Yeɛqub s uḍebsi n leǧwaz. Ɛisu akked Yeɛqub mfaraqen aṭas n iseggasen, lameɛna Ɛisu isemmeḥ-as dɣa mṣalaḥen.

    • Ifyar n Tira Iqedsen

      • Iɛebraniyen 12:16
      • Laṣel n Ddunit 25:25
      • Laṣel n Ddunit 36:1
      • Laṣel n Ddunit 25:27
      • Laṣel n Ddunit 25:28
      • Laṣel n Ddunit 25:30-34
      • Laṣel n Ddunit 26:34-35
      • Laṣel n Ddunit 32
      • Laṣel n Ddunit 33

  • Isḥaq

    Issin Ugar
    

    Isḥaq

    

    Isḥaq, i lmeɛna n yisem-is “yeḍsa”, d ammemit awḥid n Abṛaham akked Ṣara. Illu iburek Isḥaq, dɣa Isḥaq yuɣal d ameṛkanti. Yella d imhenni, dɣa mi akken s-ččuṛen ifilistiniyen at tismin lebyur-is, yexḍa i ccwal Deg wayen ara yennaɣ yid-sen, ibeddel amkan iṛuḥ yeɣza lebyut d ijdiden. Isḥaq yemmut di leɛmer-is 180 n iseggasen, mbeɛd mi d-yuɣal Yeɛqub akked twacult-is si Mizubutamya .

    • Ifyar n Tira Iqedsen

      • Laṣel n Ddunit 26:23-25
      • Laṣel n Ddunit 22
      • Laṣel n Ddunit 23:1
      • Laṣel n Ddunit 24
      • Laṣel n Ddunit 26:1
      • Laṣel n Ddunit 26:10-11
      • Laṣel n Ddunit 26:23-25
      • Laṣel n Ddunit 35:27-29

  • Ribka

    Issin Ugar
    

    Ribka

    

    Mi akken Ribka, tameṭṭut n Isḥaq, terf-d s tadist n wakniwen, teẓẓul ɣef llufanat-nni yellan ttennaɣen di tɛebbuṭ-is. Illu isbeggen-as-d d akken akniwen-nni ad uɣalen d sin n leǧnas ara yemfaraqen yerna ameqqran ad yeqdec ɣef umecṭuḥ. Deg wayen ara tettkel ɣef Yillu, tebda tettheddi taxazabit ɣef mmi-s i tḥemmel, Yeɛqub. Mi temmut, tettwamḍel di lɣar n Maxfila.

    • Ifyar n Tira Iqedsen

      • Laṣel n Ddunit 25:22
      • Laṣel n Ddunit 24
      • Laṣel n Ddunit 25:19-26
      • Irumaniyen 9:10-12
      • Laṣel n Ddunit 25:27-34
      • Laṣel n Ddunit 27:1-40
      • Laṣel n Ddunit 27:41-46
      • Laṣel n Ddunit 49:30-31

• Tividyutin

  Yeɛqub Yewwi-yas i Ɛisu lḥeqq-is n umenzu

  • 

    Yeɛqub Yewwi-yas i Ɛisu lḥeqq-is n umenzu

  • 

    Ɛisu Imṣalaḥ akked Yeɛqub

  • 

    Isḥas Iburek Yeɛqub

  • 

    Yeɛqub Isemma Fanwil

  • 

    Ribka Theddeṛ ɣef Yeɛqub akked Ɛisu

  • 

    Yeɛqub Yettnaɣ d Yillu

  • 

    Yeɛqub akked Ɛisu - Asefru n Leslak

  • 

    Ribka Tessebɣas Lexdeɛ

• I & T

  • D acu d-teqqarent Tira Iqedsen ɣef wayen yeɛnan ṭṭbiɛa tawḥidt n sin yemdanen am Yeɛqub akked Ɛisu?

    Ɛni mačči d ayen yessewhamen d akken sin yemdanen ur sɛin ara aṭbaɛ n iḍuḍan kifkif-iten? Illu ixleq-ed yal yiwen deg-nneɣ weḥd-es ulac sin am netta. Ula qbel ad d-tlaleḍ, Illu yeẓra kullec fell-ak ( Ihellilen 139:13-16) Sfuglet timgirda, qeblet lemgarda yellan ger imdanen tḥemdem Illu imi k-yerra d awḥid.
    
    
    
    Ẓer leḥmala n Yillu d uɣawas-is ɣur-ek

    • Ihellilen 139:13-16

  • Amek i d-tesbeggen teqṣiṭ n Yeɛqub akked Ɛisu d akken lefɛayel-nneɣ sɛan daymen ayen swayes i d-gellun?

    Lefɛayel akk sɛan ayen swayes i d-gellun, am meqqrit ama mecṭuḥit, llhan neɣ diri-ten, ttɛeddayen neɣ ttdumun “ Ma yella... dɣa” d amenzay n “ssebba-ayen i d-tegla” yellan di ddunit yerna d ayen nettwali di Tira Iqedsen akk. Mi ara nuɣal ɣer deffir, ad naf ayen swayes i d-teglan lefɛayel n Adem akked Ḥewwa, i gennulen talsa meṛṛa- ula d kečč Lefɛayel-ik mačči kan d kečč ara nnalen lemeɛna ula d wiyaḍ daɣen. Xemmem mliḥ ayen sayes izemren lefɛayel-ik ad glun uqbel ad txedmeḍ kran.
    
    
    
    Ẓer leḥmala n Yillu d uɣawas-is ɣur-ek

    • Laṣel n Ddunit 3:16-19

  • Ɛni ilaq ad nadin ssmaḥ mi ara neḍlem yiwen ?

    Illu ittɣawal ad ɣ-isemmeḥ - lameɛna nukni ur nettɣawal ara ad nsemmeḥ i wiyaḍ. Tira Iqedsen sselmadent-aɣ d akken Illu d Win ittsemmiḥen “ Mi ara nettnadi Ssmaḥ-is, Iwɛed-aɣ i ula d nukni d akken ad ɣ-isemmeḥ ( 1 Yuḥenna 1:9) Yasuɛ immeslay-ed aṭas ɣef ssmaḥ mi akken yella di ddunit yerna iṛekkez mliḥ ɣef wazal yesɛa ssmaḥ. Yasuɛ yenna-d “ Semmḥet i wiyaḍ, dɣa ad tettwasemmḥem”( Luqa 6:37). Meɛna iɛeggen-aɣ-d daɣen ɣef wayen swayes ara d-iglu lqella n ssmaḥ di temɛayt-nni n unekkaṛ n lxiṛ ( Matta 18:23-35) Tamɛayt n umemmit iḍaɛen ( Luqa 15) tṛekkez ɣef ttuba lameɛna daɣen tbeggen-ed acḥal i nuḥwaǧ ad nexdem lmeǧhud-nneɣ iwakken ad nettnadi ad nsemmeḥ mi ara neḍlem alebɛeḍ.
    
    
    
    Ẓer leḥmala n Yillu d uɣawas-is ɣur-ek

    • 1 Yuḥenna 1:9
    • Lusa 6:37
    • Matta 18:23-35
    • Lusa 15

  • Deg wacu i yettili ssmaḥ am usefk ?

    Ssmaḥ d asefk i tzemreḍ ad tefkeḍ neɣ ad teṭṭfeḍ. D asefk i awen-isserḥen si tugdi, terẓeg akked ula si ttaṛ. Tira Iqedsen sselmadent d akken ilaq “Ilit telham yerna ḥninit gar-awen, ttemsamaḥet gar-awen akken i awen-isemmeḥ Yillu di Lmasiḥ” ( Ifasusiyen 4:32) Yasuɛ iɛeggen-d s tidet ɣef wayen yeɛnan lqella n ssmaḥ: Ma tsemmiḥem i yemdanen ddnubat-nsen, Baba-twen n igenwan a wen-isemmeḥ ula i kunwi. Lameɛna, m’ur tettemmiḥem ara i yemdanen, Baba-twen daɣen ur wen-ittsemmiḥ ara ddnubat-nwen. (Matta 6:14-15) Err aɛeggen-agi deg ul acku , am i yal asefk, ɣer ɣur-ek i tella ma yella ad tmuddeḍ neɣ ad tagiḍ ssmaḥ
    
    
    
    Ẓer leḥmala n Yillu d uɣawas-is ɣur-ek

    • Ifasusiyen 4:32
    • Matta 6:14-15

  • Amek i d-tesbeggen tudert n Yeɛqub d akken ur nezmir ara ad s-nerwel i Yillu?

    Di tallit n Yeɛqub, imdanen ɣilen belli iṛebbiten-nsen ttilin kan deg imukan anda ttɛicin. Lameɛna Yeɛqub yelmed d akken Ameɣlal yella di yal amkan Mi akken yella yerwel ɣef gma-s, targit-nni i yexdem tbeggen-as-d d akken Ameɣlal yettili daymen yid-es. Tzemreḍ ad trewleḍ ɣef medden meɛna ur tezmireḍ ara ad trewleḍ neɣ ad tefreḍ ɣef Yillu Illu iwɛed d akken ad yettili daymen yid-wen
    
    
    
    Ẓer leḥmala n Yillu d uɣawas-is ɣur-ek

    • Laṣel n Ddunit 28:10-21