Adlis n Tmusni - Isteqsiyen i d-Yettuɣalen Daymen

AMAZRAR N UDLIS N TMUSNI

D acu i d Adlis n Tmusni?

Deg 1981, Aẓeṭṭa n Radyu Tamasiḥit yesnulfa-d amazrar n unuɣen si Tira Iqedsen i yigerdan deg ukatar n uwelleh n ussefrey i tlurt n Japun. Ur neẓri ara isemda ara yesɛu umazrar-nni deg Japun akked umaḍal meṛṛa . Isem n umazrar-a s taglizit d “Superbook”

Inadiyen yettwaxedmen deg neɣ mbeɛd uwelleh n ussefrey sseknent belli amazrar agi yessen yiwen n rrbeḥ werǧin yella-d yakkan. Adlis n Tmusni, daɣen yessen isem n “Animated Parent and Child Thear”, d isem n umazrar di tiliẓi i d-yettwaxedmen sɣur “Tatsunoko Productions” di Japun i yemɛawanen akked Uẓeṭṭa n Radyu Amasiḥi deg Iwunak Yedduklen. Mi d-yeffeɣ umazrar agi di Japun, ad d-nini ugar n rebɛa imelyan n yimdanen i iwalan yal tadwilt n ddurt n Udlis n Tmusni deg Tiliẓri, d ayagi i yeǧǧan i Tira Iqedsen ad uɣalent d adlis yettwazenzen akter di tmurt.

Seg Japun, amazrar Adlis n Tmusni iɛedda-d deg umaḍal meṛṛa seg Asya ɣer Temrikt Ugafa. Deg 1989, di tlemmast n tazɣent tadamsant d tsertit, Adlis n Tmusni yebda yettɛeddi-d deg tadukli tasuvyatit s yigemaḍ yessewhamen. Tidwilin n Udlis n Tmusni ttɛeddint-d d timezwura deg terga taɣelnawt tasuvyitit. CBN yeṭṭef-d azal n setta imelyan n tebratin sɣur warrac, i iwerran Tira Iqedsen i lǧil ajdid. Ɣer tura, Tarbeɛt n Udlis n Tmusni i warrac imecṭaḥ d yiwen si ger wahilen n tigawt srid i warrac yettwasnen mliḥ di Ukranya.

Seg wasmi i d-tebda deg Japun, amazrar-nni yennerna deg wugar n 106 n tmura, yettwasuqel ɣer 43 n tutlayin i yettwalin ugar n 500 n yimelyan n yimdanen.

Ɣef ddemma n tetiknulujiyin timaynutin n useddu n wass-a, izurar ineṣliyen sruḥen azal-nsen i tsuta-yagi yessnen mliḥ taɣamsa. Iwakken ad ifru wugur-agi, CBN tessnulfa-d yiwet n tmuɣli i d-ittuxeylen tikkelt nniḍen, tettwaxdem-d s uselkim yerna tettḥerrik n Wedlis n Tmusni. Iswi-nneɣ d asnulfu n umazrar amaynut ara yerren tajmilt i tneflust taneṣlit , i ibeddlen tudert , yerna ad tettuqeddem i tsuta tamaynut.

Amek ara ad d-aɣeɣ iDVDiyen n imazraren?

S unekcum ɣer Terbaɛt Wedlis n Tmusni. Mi ara tkecmeḍ ɣer Terbaɛt n Adlis n Tmusni, ad d-teṭṭfeḍ s wudem awurman yal taqsiṭ tamaynut n Wedlis n Tmusni . Rnu-yas, ad ak-d-nceggeɛ snat n tenɣal baṭel si yal taqsiṭ tamaynut deg yiwen n uɣlaf ijebbden i tzemreḍ ad tehduḍ i wiyaḍ. Tukci-nwen ara d-ittwakksen seg tebzert daɣen ad d-tefk afus i yimmal n teqsiḍin n Wedlis n Tmusni yerna ad tawi Awal n Yillu i yigurdan n ddunit meṛṛa. Siwel 1-866-226-0012 neɣ Tzemreḍ ad tlemdeḍ ugar ɣef terbaɛt n Wedlis n Tmusni dagi

AMIḌAN-IW

Amek ara xedmeɣ ma ttuɣ awal-iw uffir neɣ isem-iw n useqdac ?

Ma tettuḍ awal-ik uffir , sit ɣef useɣwen " qqen " d asawen ɣef usebter . Di tebwaṭ-nni yeldin , sit ɣef " ttuɣ awal-iw uffir " ddaw n wurti " awal uffir " n tferkit

Mi ara tettekkiḍ ɣef " ttuɣ awal-iw uffir " , tiferkit tamaynut " tiririt n wawal uffir " ad d-tban dɣa ad teskecmeḍ isem-ik n useqdac akked yisem-ik , sakin sit ɣef " kemmel " . Sakin ilaq ad tesneqdeḍ imayl-ik u ad k-id-imudd yimayl s wawal uffir amaynut . i tzemreḍ ad tesqedceḍ deg usmel web s yisem-ik n useqdac .

ma yella imiren , tebɣiḍ ad tbeddleḍ awal-ik uffir i wayen isehlen akken ad tecfuḍ fell-as, imiren ilaq Yessefk ad tekkiḍ ɣef useɣwen n wudem deg yimayl i d-remseḍ dɣa ad tizmireḍ ad tbeddleḍ awal uffir s yiwen n wawal nniḍen amaynut i tzemreḍ ad tesqedceḍ deg usmel-nneɣ web .

Ma tettuḍ isem-ik n useqdac nermes aɛeggal n terbaɛt n Wedlis n Tmusni S yimayl i tesqedceḍ i wesnulfu n umiḍan .

Ayɣer i ilaq ad jerrdeɣ ?

Ticki tjerrdem, tzemrem ad tesnulfum yiwen uwadem , ad teskelsem igmaḍ-nwen , sekles Iḥricen-nwen i tḥemlem, jmeɛet-d TinqiḍinIfazen, mbaddalem Tinqiḍin-nwen Ifazen mgal arrazen yelhan yerna Tesxedmem tinqiḍin-nwen Ifazen iwakken ad tawim asnerni n uwadem-nwen n umaɣnu udmawan !

Amek ara tjerrdeḍ ɣer Udlis n Tmusni TV?

Akken ad tjerrdeḍ ɣer Udlis n Tmusni TV:

Sit ɣef “Ujerred” deg temnaṭ n agejdan n usmel web.
Asfaylu n usekles ad yeldi dɣa ad tuḥwaǧǧeḍ ad teččareḍ tiferkit .
Ma tesɛiḍ 12 n yiseggasen neɣ drus, ad ak-d-yettunefk ad d-tefkeḍ tansa imayl n yiwen si ger imawlan.
Ma yella ɣur-k 13 n yiseggasen neɣ ugar, ilaq ad tefkeḍ tansa-ik n yimayl, akken ad tremseḍ imayl n cbn anida i ilaq ad tekkiḍ ɣef useɣwen akken ad tremdeḍ amiḍan-ik.
Ma telliḍ d aɛeggal n tmezdagnut CBN tettaɛraḍeḍ ad tjerrdeḍ agrud ugar n 13 iseggasen, kečč yessefk ad tesqedceḍ tansa-nniḍen n yimayl i wegrud-agi, lmeɛna-s ad ternuḍ amiḍan n tmezdagnut CBN - ayagi d amiḍan amaynut.

Amek ara beddleɣ awal-iw uffir d telɣut-nniḍen tudmawanin?

Akken ad tbeddleḍ awal-ik uffir neɣ talɣut-ik tudmawant , yessefk ad tizmireḍ ad tazneḍ amiḍan-ik . Sit mbeɛd ɣef yisem n umaɣnu-ik deg yixef n usebter. Mi ara tewḍeḍ ɣer asebter n umaɣnu-ik, sit ɣef “Snifel Amaɣnu” s ayeffus n umaɣnu n uwadem-ik. Ad tizmireḍ ad tbedleḍ awal-ik uffir d telɣut-nniḍen tudmawanin

Amek zemreɣ ad beddleɣ asekkil n umaɣnu-inu udmawan?

Akken ad tbeddleḍ admawan n Udlis n Tmusni, yessefk ad tḍefreḍ imecwaṛen-a:

Qqen.
sit ɣef uskar n uwadem-ik nnig tunigin tunnigt n usmel . ad teldi tnaka n udiwenni udiɣ ad tesriḍ ad teṭfeḍ deg tugna n uwadem-ik , ayen ara k-id-imudden asebter n umaɣnu-ik .
Ɣer tama n uwadem-ik , ad twaliḍ awalen " Ssuq " akked " taxezant” awadem-ik . deg-s kra iceṭṭiḍen deg texzant-is akken ad tkecmeḍ ɣer llebsa-yagi , sit ɣef tqeffalt n wawal " TAXEZANT " dɣa llebsa n texzant-ik ad d-banen .
Tzemreḍ ad d-tesɛeddayeḍ imagraden n texzant-ik s uneccab i d-yezgan si yal tama . tzemreḍ daɣen ad d-tesbaneḍ anaw n llebsa tuzzigt s ufran seddaw n tugniwin tigejdanin n texzant-ik. Taggayin n yimagraden gzant : a) AKK b) Iceṭṭiḍen n uqerru c)Usawen d) Ussawen e)Isebbaḍen akked f) Deffir-uɣawas. Ma yella tettekkaḍ ɣef yiwen seg iferdisen-a , ala iferdisen n wanaw-agi ara d-ibanen .
Dagi ara tizmireḍ daɣen ad tbeddleḍ tiɣmi n uglim d wallen n uwadem-ik .
ma tebɣiḍ ad ternuḍ imagraden nniḍen ɣer texzant-ik , yessefk ad tekkiḍ ɣef tqeffalt “SSUQ” Ayagi ad d-yawi imagraden imaynuten i tzemreḍ " ad tɛerdeḍ " yerna “ ad taɣeḍ " baṭel neɣ s ubeddel n TenqiḍinIfazen . ticki “tuɣeḍ-d” amagrad s usiti ɣef tqeffalt "aɣ” , neɣ ɣef tqeffalt " aɣ ayen yellan” ara d-ibanen nnig ugdil . tiqeffalin " ssuq " akked " texzant " ticki tɛerḍeḍ kra , amagrad-agi ad yeqqim ɣef uvaṭar-ik . daɣen ad iruḥ ɣer texzant-ik

Amek zemreɣ ad jerrdeɣ aṭas n yigerdan ?

Amek i nswel anagraw n usekles d asireg n waṭas n yigerdan akken ad qqnen ɣer tansa imayl n yiwen n umaraw . ihi, mi ara tjerrdem yal yiwen seg warraw-nwen , yal yiwen deg-sen yezmer ad yesɛu isem-is n useqdac d yiman-is zemren daɣen ad sɛun Tinɣiḍin-nsen Ifazen yerna ad d-snulfun Awadem-nsen srid

Ayen ilaqen d tukksa n umiḍan i d-tesnulfaḍ yakan, sakin ad tḍefreḍ yiwen n useḍru n ujerred am akken i d-yewwi umiḍan n tazwara , s usekcem n isem n useqdac akked yisem uffir amaynut i yal agrud , s useqdec n tansa-agi imayl .

URAREN

Dacu i d TinqiḍinIfazen ?

TinqiḍinIfazen ttwajemɛent s wurar n wuraren deg WedlisnTmusni.TV sɣur iseqdacen yettwaskelsen . Seg tura, tzemreḍ ad terzuḍ ɣer usebter-nneɣ n temzizelt yerna ad tbeddleḍ tineqqiḍin mgal attekki deg temzizelt-nneɣ. Neɣ tzemreḍ ad ten-tesxedmeḍ akken ad tesnerniḍ amaɣnu yinek udmawan s yiselsa yelhan .

D acu-ten ibadtiyen d wamek i ten-id-ttawin?

Ticki tjerrdeḍ ɣer Adlisntmusni.TV, tzemreḍ ad d-trebḥeḍ ibadtiyen i tenqiḍin-nni i d-trebḥeḍ. Rnu awadem-ik Adlis n Tmusni, ad tjerrdeḍ akked ugar nniḍen. Simmal tetturareḍ simmal tetterbaḥeḍ ibadtiyen!

Amek ara rnuɣ urar-iw amenyaf n umaɣnu-inu?

akken ad ternuḍ urar smenyif, qqen ɣer usmel web (mbeɛd mi tjerrdeḍ) mbeɛd sit ɣef tqeffalt "URAREN" deg ufeggag n tunigin yugaren. Sit ɣef wurar i tebɣiḍ ad ternuḍ. Ticki asebter n wurar yeldi, ad twaliḍ tugna n "adebbuz yuli-d". Seld ad tsiteḍ ɣef tugna agi, ad yettwarnu wurar ɣer usebter-ik n umaɣnu ddaw n " Asmenyif " akked tebdart-agi i d-yettbanen i d-yeldin mi ara tsiteḍ ɣef tewlaft n umaɣnu-ik n uwadem sennig tunigin yugaren akk isebtar n usmel.

Zemreɣ ad urareɣ uraren ma ur jerrdeɣ ara ?

Ih, tzemreḍ ad turareḍ uraren akk deg AldisnTmusni.TV ɣas ma yella you tjerrdeḍ ara.

Ad ternum uraren imaynuten ??

Ih , nxeddem dima aleqqem n UdlisnTmusni.TV s wuraren imaynuten akked tmahilin yessedhawen . Wali uraren-nneɣ ineggura deg usebter-nneɣ n wurar.

Amek ara tsenseḍ imesli n wuraren ?

Yal urar yesɛa asefren ara yeǧǧen ad yegzem isemda n ṣṣut akked/neɣ aẓawan Sit ɣef tezmilt n uẓawan akken ad tgezmeḍ neɣ ad terreḍ ṣṣut . Ma ulac tazmilt n uẓawan , sit ɣef " Iɣewwaṛen " , " Aẓawan yensa " neɣ " isemda n ṣṣut yettwasensen " .

Ḥwaǧeɣ aseɣẓan uzzig akken ad urareɣ uraren ?

Tzemreḍ ad tḥwiǧeḍ lqem aneggaru n useɣẓan aflici . Yerna uraren-agi ittwaflacin ur teddun ara ɣef iPad, iPod neɣ iphones. Sider Flash dagi baṭel !

AMEYYEZ SRID

Ilaq-iyi kra n useɣẓan uzzig akken ad waliɣ adlis n umeyyez Icaliyen n Tira Iqedsen n Gizmu?

Izmer ad tiḥwiǧeḍ imeɣri Adobe PDF akken ad twaliḍ adlis n umeyyez srid . Sider-it-id da baṭel !

Tesɛiḍ kra n tengawin nniḍen n umeyyez srid i yigerdan ?

Tzemreḍ ad tjerrdeḍ akken ad d-remseḍ imayl n yal ass ara k-yaɣenAcqirrew n Wass di Tira Iqedsen . Yal ass, Acqirrew n Wass di Tira Iqedsen yettqeddim i yigerdan taseddart di Tira Iqedsen ara ad ɣren, syin uraren . . . ara ten-iɛawnen ad issinen taseddart-nni n Tira Iqedsen yerna ad t-fehmen ciṭṭuḥ mliḥ d wamek ara ad ṭṭebqen taseddart-nni di tudert-nsen. Uraren gzan Anadi n Wawalen, Aaṭas n Yifranen akked Aɛiwed n Tseddart

TALƔUT N IMAWLAN

acuɣer i d-tesnulfaḍ asmel-agi web ?

Nxeddem lmeǧhud-nneɣ akken ad d-nesnulfu amkan usedhu anda agrud-ik ad yebɣu ad d-yas , ad yurar, yerna ad imbaddal tiktiwin s yirmad-nneɣ Ama yeɛna , n uraren-nneɣ i yigerdan, n Tira-nneɣ Iqedsen srid, Adlis n Tmusni Rradyu , axellaq-nneɣ n yisekkilen udmawanen, neɣ isteqsiyen-nneɣ imyigawanen ɣef Yillu, Nebɣa ad zhun warrac ɣef usmel-nneɣ s ulmad n Tira Iqedsen u ad imɣuren deg wassaɣ-nsen akked Yasuɛ.

Asmel-a web yella d aɣelsan i yigerdan ?

Nfeṣṣel asmel-nneɣ web akken ad yili d adeg aɣelsan i yigerdan, meɛna laman ifazen i yigerdan d aḥuddu n yimawlan-nsen neɣ wid yellan d imasiyen fell-asen deg irmad-nsen srid Ad k-nsebɣes ad tesɛeddiḍ lweqt akked wegrud-k srid , mačči kan akken ad tɛaseḍ irmad-is wad s-tselmdeḍ, meɛna daɣen i usebɣes-is s wayen ara yelmed deg usmel-nneɣ . I ugar n telɣut , ma ulac uɣilf walit Asebter n Telɣut i Yimawlan

Amek zemreɣ ad qqneɣ ma ttuɣ isem n useqdac-iw ?

Tzemreḍ daɣen ad tesqedceḍ tansa-ik imayl deg umḍiq n yisem-ik n useqdac akken ad teqqneḍ . Neɣ tzemreḍ ad tremseḍ aɛeggal seg terbaɛt n Udlis n Tmusni. .

Ad t-ḥekmeɣ deg umiḍan n Udlis n Tmusni n mmi ?

Ih. Mi ara yili egrud- ( ur yewwiḍ ara 13 n yiseggasen ) ad ijerred ɣer usmel web n Udlis n Tmusni Arrac, ad a k-nceggeɛ imayl akken ad tezreḍ s lebɣi-s akken ad ittekki di tmezdagnut-nneɣ ajerred n ugrud-ik ad siɛemed ad yekcem ɣer yal ṣṣenf n leqdicat yessedhayen deg usmel ,akken ad tettekkiḍ deg temzizelt neɣ ad isekles tineqqiḍin i d-iḥeṛṛ s wuraren-nneɣ srid . Nezmer daɣen ad ak-d-nazen s wudem askudan imayl i wakken ad k-d-nelɣu uraren imaynuten yettwarnan ɣer usmel neɣ imzizwren i izemren ad ɛeǧben agrud-ik . Talɣut meṛṛa i d-yettwaleqqmen deg usmel-a tettwaseqdec i usnerni n usmel-nneɣ akked usefreḥ n ugrud-ik. I ugar n telɣut , ma ulac uɣilf walit Asebter n Telɣut i Yimawlan

TIMZIZWERT & ARRAZ

Amek ara tettekkiḍ deg temzizelt ?

Tanfayt i uttekki deg temzizelt deg : UdlisnTmusni.TV i d-iteddun:

Jerred ɣer usmel . Ayagi yeṭṭef amkan deg uḥric n ufella ayeffus n usmel .
Urar uraren deg usmel, ticki teqqneḍ ɣer usmel . Simmal igmaḍ-ik ulin, simmal ad trebḥeḍ TinqiḍinIfazen Tinqiḍin-agi Ifazen ttwakelsen deg umaɣnu-ik , izemren ad d-iban ɣef usebter n umaɣnu - tzemreḍ ad tkecmeḍ ɣer usebter n umaɣnu-ik s ttawil n uwadem-ik udmawan i yellan deg yixef n yal asebter n usmel .
akken ad tettekkiḍ deg temzizelt , yessefk ad truḥeḍ ɣer usebter " timzizzelt " , aseɣwen-agi yella deg ufran n tunigin deg yixef n yal asebter. Ticki telliḍ deg usebter-a , sit ɣef " Ttekki Tura " akken ad tettekkiḍ di yam amzizwer dɣa ayenni ad ak-yawi ɣer usebter n uttekki deg umzizwer ibanen. Tiferkit n uttekki ad ak-d-tmel acḥal i ilaqen n TenqiḍinIfazen akken ad tettekkiḍ deg temzizelt yerna ad ak-d-yessuter acḥal tebɣiḍ ad tettekkiḍ . S wakka , ma yella tettekka deg temzizelt n 250 n TenqiḍinIfazen u tesɛiḍ 800 n TenqiḍinIfazen n rrbeḥ s wurar ,tzemreḍ ad tettekkiḍ deg temzizelt 3 n tikkal ( 750 n TenqiḍinIfazen ) yerna ad ak-d-yegri 50 n TenqiḍinIfazen Ticki teskecmeḍ amḍan n uttekki i tebɣiḍ, sakin ad tettekkiḍ ɣef " KCEM ƔER TEMZIZELT " dɣa ad tjerrdeḍ ɣer temzizelt .

Amek zemreɣ ad ẓreɣ ma rebḥeɣ ?

Ad d-nessiwel i wmerbeḥ n yal tamzizwert s yimayl akken ad as-nefk iwellihen ugar ɣef wamek ara d-yawi arraz-is. Iyimttekkiyen akk yesɛan seddaw n 13 n yiseggasen , ad yettwazen yimayl ɣer tansa n yimayl n yimawlan-nsen .

Amek zemreɣ ad ssutreɣ arraz-iw ?

Tarbaɛt n Udlis n Tmusni ad k-d-ttermes s yimayl akken ad ak-d-temmel amek ara d-tawiḍ arraz-ik . S umata , ad ak-d-ssutren tansa akken ad ak-d-nazen arraz s lbusṭa .

Acḥal n wakud i ttaṭṭafent temzizlin s umata ?

Akud n temzizeliyin ittbeddil, maca tzemreḍ ad twaliḍ izmaz n tagara , i d-yettwaseknen ɣef yal timzizzelt . Ur tettu ara ad twaliḍ Asebter n Temzizelt d Warrazenakken ad tissineḍ tilisa n temzizelt .

Acḥal akken ilaq iwakken ad d-awiɣ arraz-iw ?

Wid irebḥen sɛan ddurt ikemlen ( sebɛa n wussan ) i wakken ad rren i imayl i d-yettuceggɛen sɣur terbaɛt n Udlis n Tmusni si ssaɛa-nni i d-ittbanen ɣef imayl. Ma yella ur nesɛi ara lexber sɣur-wen deg wakud-a , yessefk ad nefren wayeḍ-nniḍen ara irebḥen.

Acḥal n tikkal i tettheggim timzizelt ?

Nettheggi timzizelt yal ass n useggas . Arrazen i nettmuddu si TenqiḍinIfazen ɣer DVD n Udlis n Tmusni, ɣer tkarḍiwin-isefka akked iPads, akked ugar ayagi akk.

melmi ara d-yeffeɣ umazellaw n temzizelt ?

Win irebḥen deg temzizelt yettwafernen deffir umdal n temzizelt .

Ayɣer i d-ttbinent temzizelt ɣer temnaṭ-nni n yimenẓaw n yiwunak yeddukklen ??

Isuḍaf d yilugan icudden ɣer temzizelt berra n yiwunak yeddukklen ad aɣ-ḥebsen i wasmi ara d-nesnulfu timzizlin tigraɣlanin .

D acu ara xedmeɣ ma ur bɣiɣ ara ad d-awiɣ arraz-nni ?

Ma tferneḍ ur d-tettaṭṭafeḍ ara arraz ,err-d i yimayl-nneɣ s uskan bellu ur tebɣiḍ ara ad t-id-tremseḍ . Ad nefren imiren yiwen n amarbeḥ nniḍen .

Isteqsiyen nniḍen ɣef temzizelt ?

Ma ulac aɣilif senqed aslagen n umzizwer

IZRIREN N UDLIS N TMUSNI - TIDWILIN

Di Tazwara

Ayɣer tadwilt-agi ur d-tbeggen ara belli llan setta wussan ujendi belli setta n wussan yemxallafen n txelqit?

Lecɣal ifazen n txelqit n Yillu banen-d akka s tewzel deg yiwen ulemmeɛ. Ur aɣ-yeǧǧi ara lexṣaṣ n wakud ad d-nbeggen ugar deg wussan n txelqit.

Acuɣer Cciṭan iban-ed s yisem n Lusifar deg igenni ?

Aṭas imazzagen n Tira Iqedsen i iɣilen belli Cciṭan zik d lmelk iǧehden i wumi qqaren Lusifar . Meɛna mi iɛuṣa Illu, yuɣal yexṣer yerna diri-t . Tira Iqedsen nnant-aɣ-d : “Amek akka! Teɣliḍ-d seg yigenni, ay Lusifar, mmi-s n lefjer! Tebbenṭaḥeḍ-d ɣer lqaɛa, a win yerran ddaw uḍar-is leǧnas! (Icɛaya 14:12, EEO).

Anwa i d lmalayek imcumen ?

Lmalayek imcumen d wid i yesseqneɛ Cciṭan ad kecmen deg uɛaṣi-ines yerna ad ttekkin deg lɛesker-is n ccwaṭen Adlis n Uweḥḥi n Yuḥenna imeslay-ed fell-as s wudem u uzamul, yerra Cciṭan d Lweḥc ameqqran ma lmalaykat am yitran n yigenni Yiwet n licara nniḍen tban-d deg igenni : D yiwen n lweḥc ameqqran, d azubaɣ am tmes, isɛa sebɛa n yiqerra akked ɛecra n wacciwen; ɣef yiqerra-s, sebɛa n tɛeṣṣabin Taẓeɛkukt-is tferḍ-d tis tlata n yitran n yigenni, dɣa tḍegger-iten-id ɣer lqaɛa (Aweḥḥi n Yuḥenna 12:3-4 EEO).

D acu sen-yeḍran i lmalayek mi ttwawten deg umennuɣ dɣa nnerfaɛen?

Nessexdem tilelli deg usnulfu iwakken ad d-nesken amennuɣ i d-yellan ger lmalayek yelhan d wid n diri. Mi ara yettwaḥaz yiwen n lmelk, ur ittzmir ara ad ittekki deg umennuɣ.

Ayɣer i ibeddel Lusifar talɣa akken ad yecmet akk annect-en ? Ɛni ur d-yusi ara " am lmelk n tafat" iwakken ad aɣ-iɣurr?

Abeddel n ṣṣifa n Lusifar yella d allus n berra n wamek i yexṣer yerna yuɣal diri-t Si tama-nniḍen , yezmer ad yeɛreḍ ad iɣur medden mi ara ad ibeddel ṣṣifa ad yer iman-is d lmelk yelhan . Tira Iqedsen nnant-aɣ-d ɣef uɣurru n Cciṭan mi d-tehder, Meɛna ur whimeɣ ara! Imi Cciṭans, s timmad-is, ittbeddil ṣṣifa, ittarra iman-is d lmelk n tafat (2 Ikurintiyen 11:14 EEO).

D Yasuɛ neɣ d Illu Ababat i gelḥan di leǧnan n Ɛidin?

D Illu i gellan ileḥḥu s tmanaget di leǧnan Neglem-it-id am wakken ittfeǧǧiǧ yerna d aṛebbani, yerna nesken-it-id ixeddem lberhan. Tira Iqedsen beggenent-ed belli Axellaq yelha s tidet di tlemmast n txelqit-is: “Tameddit n wass, slan i ṣṣut n Umeɣlal Illu ileḥḥu di leǧnan, dɣa Adam akked tmeṭṭut-is ffren ɣef Umeɣlal Illu ger ttjur n leǧnan” (Laṣel n Ddunit 3:8, EEO).

Uqbel ad ččen Adem akked Icca lfakya-nni ittwaḥermen, acuɣer izem-nni ur iẓdim ara ɣef yemdanen neɣ iɣersiwen?

Uqbel ad denben Adem akked Icca, leǧnan n Ɛidin yella d lǧennet yennakmalen. Illu yefka i Adem akked Icca ad selṭnen ɣef lqaɛa, yerna iɣersiwen ur ẓeddmen ara ɣer yemdanen. Aṭas imazzagen n Tira Iqedsen i yettwalin belli uqbel ad denben Adam d Icca, iɣersiwen akk llan tetten leḥcic.

Deg umennuɣ-nni i d-yettwaseknen , acuɣer ajenwi n Mixayil tceɛel deg-s tmes?

Nesseqdec yiwen n ttesriḥ n usnulfu iwakken ad d-nbeggen Mixayil s ujenwi n tmes i d-ismaktayen ajenwi-nni n tmes ur yeǧǧin ara Adem d Icca ad kecmen ɣer leǧnan n Ɛidin. Tira Iqedsen ḥekkunt-ed : Mbeɛd mi ttwaqecɛen, Illu Ameɣlal yessers Ikaruben iǧehden i d-yezgan ɣer tama n usamer n leǧnan n Ɛidin. Tira Iqedsen ḥekkunt-ed : Mbeɛd mi ttwaqecɛen, Ameɣlal yessers Ikerrruben iǧehden ɣer tama n usamer n leǧnan n Ɛidin.

Ajeṛṛeb

Acuɣer i ilaq Abraham ad iqeddem d asfel izimer neɣ ikerri?

D Illu s yiman-is i d-isersen lɛada n wesfel n iɣersiwen ɣef ddnubat n yemdanen. Mbeɛd ddnub n Adem d Icca, Illu ixdem-asen-d llebsa seg uglim n iɣersiwen. Aṭas mbeɛd, mi d-yefka Illu Ccariɛa n lɛahd aqdim i wegdud n wat Isṛayil, yefka-d lewṣayat n uqeddem n kra n iɣersiwen d iseflawen ɣef ddnubat. Tira Iqedsen nnant-aɣ-d: "Ɣef leḥsab n ccariɛa n Musa, qrib kullec ittizdig s idammen. Axaṭer mebla tazzla n idammen ulac leɛfu (Iɛebraniyen 9:22 EEO). Aɣersiw-nni ara ittuqeddmen ilaq ad yili mebla lɛib. Ayagi ittmetil-ed Yasuɛ Lmasiḥ ur nesɛi ddnub i gemmuten ɣef ddnubat n talsa. Timelsa n izimer-nni ittuqeddmen d licara n tmelsa n Yasuɛ n Lmasiḥ Tura mi yemmut Yasuɛ Lmasiḥ ɣef ddnubat n ddunit, iseflawen n iɣersiwen ur laqen ara akk.

D acu-tent tugniwin-nni deg dexxan n wesfel-nni ?

D tiswiɛin iǧehden n yimal n Abraham , ladɣa tiswiɛin n lferḥ akked tmeṭṭut-is Ṣara d mmi-s Isḥaq , akked di tallit-nni iweɛren anda Illu ad s-yini i Abraham ad iqeddem Isḥaq d asfel.

Amek i yella wallal n leḥsab i yesɛa Isḥaq?

D amsiḍen, d yiwet n tmacint i gxeddmen leḥsabat s tguri n tɛeqqayin neɣ tɛeqqucin deg tesɣarin s teɣzi neɣ deg iṭṭuṭac.

Mi d-yeḥka Abraham tikkelt-nni anda i d-rzan ɣur-es tlata-nni inebgawen, acuɣer i d-seknem Yasuɛ am akken yella d yiwen si gar-asen?

Ullis n tirza-yagi iafzen tbeggen-d s wudem unṣib belli d Ssid i yerzan ɣer Abraham Tira Iqedsen nnant-ed ɛinani belli Ssid yerza ɣer Abraham yerna yehder yid-es. Awal iɛibrani yettwasuqlen s "Ssid" d "Yahwah, isem ittuqedsen n Yillu. Imusnwen n ddin qqaren belli mi akken i d-iban Illu di ṣṣifa n wemdan di Lɛahd Aqdim, d Yasuɛ i d-ittbanen.

D acu i d-yeqsed Illu mi akken i s-yenna i Abraham, dɣa s dderya n dderya-k leǧnas n ddunit merra ad tubarken–i merra axaṭer tuɣeḍ-iyi awal?

Illu yettbeccir s tlalit n Mmi-s , Yasuɛ Lmasiḥ. S tmuɣli n wemdan, Yasuɛ ad yili si dderya n dderya n Abraham akked Isḥaq. S Yasuɛ, imdanen n ddunit merra zemren ad jerben lbarakat ifazen n Yillu: leḥmala, leɛnaya, rreḥma akked leɛfu.

Yeɛqub d Ɛisu

tzemreḍ ad yi-d-tiniḍ ugar ɣef Lḥeqq n umenzu ? Lḥeqq n umenzu yella d ansay neɣ d lamer sɣur Yillu ?

Lḥeqq n umenzu tella d lɛada ixeddmen anda ammemit amenzu ad d-yeṭṭef sin imuren n weḥric n lwert n baba-s Ammemit amenzu yettuɣal daɣen d lmuqeddem n twacult , yerna iwerret leḥkem aɣedman n baba-s . Di ccariɛa i d-yefka Illu n wat Isṛayil, lḥeqq n umenzu n ummemit yettwaḥrez iwakken ababat ur t-ittak ara i wmecṭuḥ, lameɛna d win yettafen lemzzeyya.

Illu yenna i Ribka d akken dderya n dderya n mmi-s amenzu ad teqdec ɣef dderya n dderya n umecṭuḥ Acuɣer i d-yenna Yillu ayagi?

Mi akken llan sin-nni n warrac di tɛebbuṭ n yemma-tsen, Illu yessen ṭṭbiɛa n yal yiwen deg-sen akked leǧnas ara d-yefɣen si mkul yiwen deg-sen. ( Ad d-nesmekti belli Illu yenna i nnbi Irmiya: "sneɣ-k uqbel ad k-id-xelqeɣ di tɛebbuṭ n yemma-k) Ssneɣ-k uqbel ad k-xelqeɣ di tɛebbuṭ n yemma-k; uqbel ad d-tlaleḍ, ɛezleɣ-k-id i wakken ad tiliḍ d nnbi i leǧnas (Irmiya 1:5 EEO)]. Ɣas akken Yeɛqub akked Ɛisu sɛan leɛyub di ṭṭbiɛat-nsen, Ɛisu ittban-ed am akken istehzay di temsal n ṛṛuḥ imi yezzenz lḥeqq-is n umenzu mgal yiwen iḍebsi n leǧwaz. Tili lḥeqq-is n umenzu iḍmen-as lewɛud i yexdem Illu i Abṛaham. Lameɛna Tira Iqedsen nnan-t-ed d akken Ɛisu ur yefki ara lqima i lḥeqq-is n umenzu (Laṣel n Ddunit 25:34 EEO). Leɛnaya n Yillu ur telli ara kan ɣef Ɛisu, lameɛna ɣef Yeɛqub.

Acuɣer i yettlusu Ɛisu aqerruy n wuccen d uglim n wuccen mi ara yettṣeggiḍ?

Ittlus-it iwakken ad ifer iman-is mi ara ittṣeggiḍ. D yiwet n lɛada ixeddmen deg uḥric-agi n umaḍal di tallit-nni

Acuɣer i gessewṣel Ɛisu, di timuhbet-is, ad yezenz lḥeqq-is n umenzu s yiwen uḍebsi n leǧwaz?

Ɛisu ixuṣ tterbegga yiman akked uwelleh di temsalt-agi. Ɣas akken yenna-d yenzef si laẓ, mebla ccekk mačči dɣa d tidet. Imuqel kan ɣer lexṣaṣ-is n imiren-nni kan, ur imuqel ara quer wayen swayes ara s-d-iglu wayenni mbeɛd mi geǧǧa lḥeqq-is n umenzu. Izmer lḥal ixemmem belli lḥeqq n umenzu ur yesɛi ara azal annect-nni imi baba-s icuqqet-it.

Acu n leǧwaz i gqeddem Yeɛqub i Ɛisu?

Neẓra akk belli d leǧwaz n leɛdes. Tira Iqedsen nnant-aɣ-d: Yeɛqub ifka i Ɛisu aɣrum d leǧwaz n leɛdes. Ičča, iswa, dɣa yekker iruḥ. Swakka, Ɛisu ur ifki ara lqima i lḥeqq-is n umenzu. (Laṣel n Ddunit 25:34 EEO).

D acu n lbaraka i d-ittwabedren ɣef ummemit?

Lbaraka d abdar n wayen yelhan ɣef walebɛeḍ. Di liḥala-yagi, d aberreḥ n ubabat ɣef lxir ara d-yeḍrun i mmi-s. Imi ababat d netta i d lmuqeddem n twacult, lbaraka-ines timawit tesɛa taẓayant akked igmaḍ n tidet ɣef sseɛd n yimal n win ara istnefɛen.

Amek i tezriḍ belli argaz-nni ukud yennuɣ Yeɛqub d Yasuɛ?

Mbeɛd mi kfan amennuɣ yerna argaz-nni iruḥ, Yeɛqub isemma i wemkan-nni Finyil ( lmeɛna-s “udem n Illu”), dɣa yenna: Walaɣ Illu udem s udem, yerna ur mmuteɣ ara." (Laṣel n Ddunit 32:30 EEO). Ihi tura neẓra belli Yeɛqub yella ittnaɣ akked Illu. Yal tikkelt i deg i d-iskan Illu iman-is, ayagi isem-is ( Tiyufani). Dɣa yal tikkelt i deg i d-isken Illu iman-is di lqaɛa di ṣṣifa n wemdan, imusnawen n ddin qqaren belli d asken n Yasuɛ

Deg umennuɣ-nni i d-yettwaseknen , acuɣer ajenwi n Mixayil tecɛel deg-s tmes?

Nesseqdec yiwen n ttesriḥ n usnulfu iwakken ad d-nbeggen Mixayil s ujenwi n tmes i d-ismaktayen ajenwi-nni n tmes ur yeǧǧin ara Adem d Icca ad kecmen ɣer leǧnan n Ɛidin. Tira Iqedsen ḥekkunt-ed : Mbeɛd mi ttwaqecɛen, Illu Ameɣlal yessers Ikaruben iǧehden i d-yezgan ɣer tama n usamer n leǧnan n Ɛidin. Tira Iqedsen ḥekkunt-ed : Mbeɛd mi ttwaqecɛen, Ameɣlal yessers Ikerrruben iǧehden ɣer tama n usamer n leǧnan n Ɛidin.(Laṣel n Ddunit 3:24 EEO).

Serreḥ i ugdud-iw ad iruḥ!

Mi akken i s-d-ihder Illu i Musa seg inijel ireqqen, acuêr i s-d-yenna i Musa as yekkes irkasen-is axaṭe amkan-nni ittwaqeddes?

Amkan-nni anda i gbedd Musa yuɣal d imqeddes axaṭer Illu ibeggen-d tilin-ines. Di tmura n usamer, tella lɛada-yagi n tukksa n isebaḍen neɣ arkasen mi ara yekcem walebɛed ɣer imeḍqan usligen am uxxam Deg yiwen uswir lqayen, arkasen n Musa llan umsen, dɣa tukksa-nsen d asteɛref n Musa d akken d amednub i yella yerna yella di tilin n Yillu Imqeddes

Amek issawḍen iseḥarran-nni n wefrag n Ferɛun beddlen iɛekkzan-nsen ɣer izerman?

Iseḥḥaren n Ferɛun sxedmen tizemmar n Cciṭan iwakken ad ɛawden ad xedmen lberhan-nni i gexdem Musa s uɛekkaz-is. Musa ur yesɛi ara tazmert n lberhan, D illu i ybeddlen aɛekkaz n Musa ɣer wezrem, mbeɛd ɣer uɛekkaz.

Acuɣer ur iṣub ara Ferɛun takerrust-is ger waman n lebḥer azeggaɣ?

Llan iẓra deg ubrid-is yerna leɛsker-is ttazalen-d deffir-es, ayenni ur t-yeǧǧi ara ad issebɛed.

Yemmut ferɛun mi nnejmaɛen waman ?

Tira Iqedsen ur d-tennint ara s wudem unṣib d akken Ferɛun yemmut, ihi ur nesɛi ara tteḥqiq d akken yeɣreq. Lameɛna, lɛesker merra n Ferɛun i d-iḍefren at Isṛayil di lebḥer mmuten. Tira Iqedsen nnant-ed : Uɣalen-d waman, ɣummen ikerrusen, imnayen akked lɛesker merra n Ferɛun itebɛen At Israyil di lebḥer; yiwen deg-sen ur imniɛ.(Tuffɣa 14:28 EEO).

Ɛecra n Lumur

Acuɣer ittmeslayen aṭas ɣef wayen yeɛnan ilugan " ma d tadwilt thedder-d ɣef lumur n Yillu?

Musa ur issexdem ara awal “ilugan”. D igerdan i gesseqdacen ugar awal-agi "ilugan", i yellan d awal i wumi i gcudd xir n " lumur " . Musa isemma i ɛecra-nni n lumur d lumur, ma d iḥricen nniḍen n ccariɛa isemma-yasen d lewṣayat d yinezrafen Musa ur yesseqdec ara awal " ilugan " ala deg wayen yeɛnan lamer i yettunefken i wegdud d akken ur yettqerrib ara ɣer udrar.

Acuɣer i sen-issuter Musa d akken ad d-jemɛen tamana lqis kan n wayen ilaqen i wass?

Illu yumer-d s wayagi iwakken ad isselmed i wegdud ad tteklen ɣef unubu-ines n yal ass. Zemren ad sɛun tteḥqqiq d akken Illu ittɛasa fell-asen yal ass yerna ittnubu-d i wayen uḥwaǧen yal ass.

Acuɣer i s-d-isbeggen iman-is Illu i Musa tikkelt am tmes, tikkelt-nniḍen am teftilt i s-idawaren?

Neẓra belli Illu isbeggen-d iman-is i lɣaci s waṭas n wudmawen. Ihder-as-d i Musa seg inijel ireqqen ( Tuffɣa 3:2) akked di tagut (Tuffɣa 34:5), Rruḥ Iqedsen yers-d ɣef Yasuɛ am tetbirt ( Yuḥenna 1:32), dɣa ass wis xemsin, Rruḥ Iqedsen yusa-d am waḍu iǧehden akked ilsawen n tmes ( Lecɣal n Yimceggɛen 2:1-4).

Ɣer tagara n tedwilt, mi akken Musa yettẓala weḥd-es deg udrar, d acu i d-iṣubben ɣer tama-s ?

D Illu id-ittṣṣubun deg ṣṣifa n tagut Tira Iqedsen nnant-aɣ-d : Ameɣlal iṣubb-d di tagut, iqqim dinna yid-s, indeh s yisem n Umeɣlal (Tuffɣa 34:5 EEO).

Acali Ameqqran

Amek armi yessaweḍ Dawed yenɣa izem ?

D tazmert i Yillu i d-yersen ɣef Dawed dɣa yefka-yas tabɣest d lǧehd akken ad ineɣ izem-nni. Tikkelt-nniḍen, Dawed yenɣa ursel ( 1 Camwil 17:37-37)

Acuɣer i yextar Illu yiwen ilemẓi am Dawed iwakken ad yili d agellid i d-itteddun n wat Isṛayil?

Illu imuqel s ul n Dawed dɣa iwala belli yesɛa lebɣi akken ad s-yaɛ awal yerna ad s-yeɛǧeb ( 1 Camwil 13:14; 16:7)

Acuɣer i yesmar Camwil zzit ɣef uqerru n Dawed?

Camwil ismar zzit ɣef uqerru n Dawed iwakken ad isbeggen belli Illu iɛzel-it i yiwen n leqdic uzzig S imeslayen nniḍen, Illu ifren-it iwakken ad yili d agellid i d-itteddun n Wat Isṛayil. Rnu-yas, zzit d azamul n Rruḥ Iqedsen Tira Iqedsen nnant-ed d akken mi yesmar Camwil zzit ɣef uqerru n Dawed Rruḥ Iqedsen yers-d s tezmert ɣef Dawed seg wass nni d asawen. (1 Camwil 16:13).

D acu-t wallal n uẓawan i yella yetturar Dawed ?

Dawed yekkat snitra tamecṭuḥt neɣ agambri.

Anwa-t wergaz-nni i gettihiyen deg wat Isṛayil, yerna acuɣer i t-d-seknem yeqqar-ed kra n leḥwayeǧ i d-yenna Gulyat di Tira Iqedsen?

Iwakken ur xellɛen ara kra n yigerdan s tillin-nni ur nettfakka yerna yettgallan n Gulyat, nesnulfa-d yiwen ufilistini i nsemma Fikul iwakken ad yawi ciṭ n taḍṣa.

Acḥal yesɛa di leqqed Gulyat?

Tira Iqedsen nnant-ed belli Gulyat yesɛa setta n yiɣallen akked tardast di lqedd (1 Camwil 17:4).

Annect yella umezrag n Gulyat?

Tuzert n usɣar n umezrag-is annect n ufeggag n uẓeṭṭa, ma d tistent-is, tewzen sett meyya n yiṣurdiyen n wuzzal. (1 Camwil 17:7).

Acuɣer tadwilt tesken-d Dawed irefd-d yiwen weẓru kan mačči xemsa?

Ma yella Tira Iqedsen nnant-ed belli Dawed ijmeɛ-d xemsa n yeẓra, nukni nrekkeẓ ɣef tenqiṭ talemmast n teqsiṭ, d akken s liman deg Illu akked tezmert-is, Dawed yeɣleb Guylyat s yiwen yildi akked yiwen weẓru. Ɣef ddemma n lweqt, ur nezmir ara ad nesken ttfaṣil akk n yiwet n teqsiṭ n Tira Iqedsen.

Tidwilin merra n udlis n Tmusni sɛant 28 n dqayeq iwakken ad ttɛeddayent di lweqt yesɛan 30 n dqayeq. (Ayagi ad ɣ-yefk tagunit akken ad nawi Adlis n Tmusni i waṭas n igurdan di tmura yedduklen n Marikan akked di ddunit) Ma yella nerra deg leḥsab tizlatin n ulday d usefreg akked usfari n tagara , nesɛa kan azal n 22 n dqayeq iwakken ad d-neḥku taqsiṭ s lekmal-is. Aḥric seg wakud-agi yettunefk i Ɣiles akked Lunǧa di twennaḍt-nsen tatrart iwakken arrac ad lemden tamsirt n tudert yesɛan azal meqqren . Akken i tettwalim, drus kan n wakud i nesɛa iwakken ad d-nwali akk timeẓra n teqsiḍin n Tira Iqedsen. Nessaram yerna nettmenni d akken icaliyen n Ɣiles akked Lunǧa ad mudden i warrac lebɣi akken ad issinen ugar ɣef teqsiḍin-a. Yiwen seg yiswiyen n umazrar n Udlis n Tmusni d amuddu n leḥrara i yigerdan ad ɣren Tira Iqedsen.

D acu-t ccuɛ-nni imdeheb yellan ɣef Dawed mi akken itteddu ad yennaɣ akked Gulyat?

Ccuɛ-nni isken-d Rruḥ n Umeɣlal i d-yersen ɣef Dawed iwakken ad iɣleb Gulyat (1 Camwil 16:13 EEO).

Did David kill Goliath with the sling or the sword?

Dawed yenɣa Gulyat s yildi neɣ s ujenwi? Tira Iqedsen nnant-ed belli Dawed yesseɣleb ɣef Gulyat s yiwen weẓru akked yildi. Mbeɛd mi yeɣli Gulyat ɣef lqaɛa, Dawed yeddem ajenwi n Gulyat dɣa yenɣa-t (1 Camwill 17:49-51).

Areɛɛed

Anda i tella tamdint taqburt n Babil?

Dawed yenɣa Gulyat s yildi neɣ s ujenwi? Tamdint n babil tezga-d deg temnaḍt-nni i wumi qqaren ar ass-a lɛiraq . Di Lɛahd Aqdim, “Babil” teqsed-d ɣef tikkelt tamdint n Babil akked temnaṭ n Babiluni

Did Daniel and King Darius live around the same time as Shadrach, Meshach, Abednego, and King Nebuchadnezzar?

Dawed yenɣa Gulyat s yildi neɣ s ujenwi? Danyil akked ugellid Daryus ɛacen di tallit n Cadrax; Miycax, Ɛabid-Nagu akked Nabuxadnuẓur? Ɣef ddemma n lekyasa i s-yefka Illu, Danyil yeṭṭef imukan inabaḍen yesɛan azal meqqren seddaw n tezrart n yigelliden : Nabuxadnuẓur, Biltacaṣar, akked Daryus.

D acu-t ṭṭabeɛ-nni yersen ɣef weẓru-nni i iɣumen tasraft-nni yizmawen?

Dawed yenɣa Gulyat s yildi neɣ s ujenwi? Iwakken ulac win ara iɛerḍen ad iḥerrek aẓru-nni iwakken ad d-isellek Danyil, rran talaxt ger weẓru-nni d uɣummu n tesraft n yizmawen. Sakin agellid ittekka s tugna yellan ɣef txatemt-is ɣef talaɣt-nni akken ad d-yeǧǧ ṭṭabeɛ. D ṭṭabeɛ n ugellid yerna ulac win ara t-ibeddlen.

Amek Danyil yewweḍ yessen isem n Lunǧa imi akken kan i d-yenna belli ur yessin ara ismawen n Ɣiles akked Lunǧa?

Dawed yenɣa Gulyat s yildi neɣ s ujenwi? Danyil ur yessin ara ismawen-nsen mi akken i d-kecmen s axxam-is, lameɛna kra n lweqt mbeɛd, yesla Ɣiles ibder-d isem n Lunǧa.

Acuɣer ur d-seknem ara imcektiyen-nni ttwaḍegren ɣer tesraft n yizmawen?

Dawed yenɣa Gulyat s yildi neɣ s ujenwi? Akken kan i genna Daryus i yimcektiyen-nni n Danyil belli tura ad walin acḥal yeǧhed ureɛɛed n yizmawen, Adlis n Tmusni yerra Ɣiles, Lunǧa akked Gizmu s axxam. Adlis n Tmusni yerra-ten axaṭer lemden tamsirt yeɛnan lxedma n wayen yellan lḥeqq, ɣas akkeni mačči d ayen isehlen.

Lɛid Umulli Amezwaru

Itri n Bit-Liḥim iban-ed di lweqt n tlalit n Yasuɛ neɣ sin iseggasen uqbel? Imusnawen-nni wwḍen mi akken yellan Yasuɣ d llufan neɣ d aqcic amecṭuḥ?

Imazzagen n Tira Iqedsen ur msefhamen ara ɣef teswiɛt tiseddi anda i d-iban yitri akked wanda wwḍen imusnawen-nni. Kra ttxemmimen belli itri-nni iban-d mi d-ilul Yasuɛ, imusnawen walan itri-nni, syin akin bdan asikel-nsen, ḍɣa d agguren neɣ d isaggasen bac wwḍen. Tamuɣli nniḍen taqqar-ed, itri-nni iban-d uqbel talalit n Yasuɛ, dɣa imusnawen-nni bdan asikel-nsen uqbel dɣa wwḍen-d di lawan tlalit n Yasuɛ. "Nuwil amezwaru" ibeggen-d lefhama-yagi taneggarut n tedyanin. Ayagi yeǧǧa arrac daɣen i yeẓran idayniyen ansayen ad xedmen assaɣ akked udaynin n "Nuwil amezwaru" .

Deg udaynin n wesɣar neɣ deg yiwen yifri i ylul Yasuɛ?

Tira Iqedsen nnant-ed belli Yasuɣ yers deg lmedwed, yellan d amkan anda setten iɣersiwen. Linǧil n Luqa yeḥka-d, Tesɛa-d mmi-s amenzu. Tettel-it, dɣa tesgen-it di lmedwed, axaṭer ur ufin ara amkan deg uxxam n yimsafren (Luqa 2:7 EEO). Di tama nniḍen, Tira Iqedsen ur d-tennint ara belli lmedwed-nni yella deg udaynin neɣ deg ifri. “Nuwil Amezwaru” teṭṭafar tamuɣli tansayant n tlalit n Yasuɛ deg yiwen n udaynin n usɣar " Ayagi yeǧǧa igerdan iwalan idayniyen n wansayen ad d-afen iman-nsen ɣer usayes n tilin n " Nuwil amezwaru".

Anda tella terbaɛt n lmalayek i d-ibanen i yimeksawen yerna cennun tamanegt n Illu?

Ma tmuqlem mliḥ, ad twalim d izummal n lmalayek i icennun deg igenni.

Ɛni s tidet banen-d lmalayek di akked sufella n uddaynin anda ilul Yasuɛ ?

Neẓra belli lmalayek banen-d i yimeksawen i gellan di leǧwahi-nni. Ɣas akken Tira Iqedsen ur d-tennint ara belli lmalayek llan akked Yusef , Meryem d Yasuɛ, iban belli tili Illu iceggeɛ-d lmalayek ara iḥerzen llufan-nni, ɣas ad ilin ur d-ttbanen ara i wid yellan dinna. Yiwen uhellil ihedder-d ɣef lmalayek n Illu i gḥerrzen: Ma terriḍ Ameɣlal taseddart-ik, ma terriḍ Win Ɛlayen d amkan anda i tettdariḍ, Ur d-tɣelli twaɣit fell-ak, Ur d-tettqerrib lmuṣiba aqiḍun-ik. Ad yamer i lmalayek-is, Ad ttɛassan fell-ak anda ma teddiḍ. Ad k-ttawin ger yifassen-nsen, I wakken aḍar-ik ur t-ikkat ara wugur (Ihellilen 91:9-12 EEO) Rnu ɣer waya , nga tilelli-nneɣ d timerna i wakken ad d-nessufeɣ tamuɣli meqqren n umaḍal aṛebbani di lawan n tlalit n Umsellek.

Lberhanat n Yasuɛ

Anwa aḥric n leɛmer iwumi d-heddren " Lberhanat n Yasuɛ"

Tidwilin n Udlis n Tmusni s umata ttwanulfan-d i yigerdan yesɛan gar 5 ar 12 iseggasen Acu kan , imi mgaraden yigerdan di tneflit-nsen taruḥanit , aḥulfu-nsen ɣer tgensas n twaɣit akkedd ṣṣenf n wahilen i nnumen ttwalin-t , nessumer-asen i yimawlan ad xemmemen i tedwilin i glaqen i yal yiwen seg arraw-nsen . Ɣef kra n tedwilin, ad nenhu imawlan ad walin tadwilt uqbel ad tesneɛten i warraw-nsen

Cciṭan iban-d deg aṭas n tedwilin n Udlis n Tmusni. Ayɣer i d-yettwaglem am uzrem yettferfiren s wafriwen d ujeḥniḍ ?

Tira Iqedsen ur d-teglement ara s wudem uzzig Cciṭan , i wumi qqaren daɣen lusifar neɣ Iblis, ihi nesseqdec turagt tamexluqt akken ad d-nbeyyen uɣur yezmer ad d-yecbu . Di tedwilt " Di Tazwara", mi akken ad d-iban Lusifar i tikkelt tamezwarut am lmelk deg igenni, ittwaglem-d am lmelk yessewhamen s icebbuben iwraɣen. Mi gɛuṣa Illu, yuɣal d taxelqit tamcumt, dɣa icebbuben-nni-ines iserḥen uɣalen d acciwen. Daɣen, tafekka-s tuɣal tecba azrem, am win yellan di leǧnan n Ɛidin. Walit Laṣel n Ddunit 3:1) Ur nebɣi ara ad d-iban Cciṭan d awadem ara yettwafehmen s lbaṭel am yiwen wemcum ittnecraḥen. Nebɣa ad fehmen warrac belli yella uɛdaw n tidet yerna diri-t d amcum.

Acuɣer yiwen argaz yellan ger lɣaci yuɣal d Cciṭan ?

Di tira n tedwilt-agi, argaz-nni isem-is "Anaysayer" yemmal-d ccekk , ttmesxir akked tkerkas . Yuḥenna 8:44 teqqar-ed that Cciṭan d “ababat n lekdeb” Si tazwara, Cciṭan yella d ababat n lexdeɛ d usexreb Di lemtel, yuɣal d azrem di leǧnan n Ɛidin.

Acuɣer Cciṭan iban-d di tbuciṭan? D netta i d ssebba ?

Cciṭan ur d-yeskir ara tabuciḍant, yerna ayen i d-yeqqar ibeggen-d belli ur tt-yexdim ara. Di tedwilt, nexdem am akken tabuciḍant-nni ad tebdu ad trennu uqbel ad d-iban Cciṭan Daɣen, Tira Iqedsen ur d-nnint ara belli d Cciṭan i d-snekren tabuciḍan-nni. Lameɛna, Matta 8:26 yenna-yaɣ-d belli Yasuɛ imiren yekker-d, “iɛegged” ɣef waḍu akked lebḥer, dɣa tethedden liḥala Deg imukan nniḍen di Linǧil, awal “iɛeggeḍ” yettwasexdem mi ara isuɣ Yasuɛ s udabu ɣef tzemmar n Cciṭan. ( Wali Matta 17:18, Marqus 9:25, akked Luqa 9:42) Nessexdem ttesriḥ n usnulfu iwakken ad d-nesken amek inelmaden-nni ur ttkilen ara ɣef Illu imi xelɛen deg tbuciḍant-nni yerna ugaden ad ɣerqen.

Acuɣer argaz-nni yettwazedɣen s yir rruḥ deg iẓekwan n Igadariyen yessexlaɛ yerna ṣṣut-is yessewham?

Ṣṣut-is iṭṭenṭun am akken aṭas i d-iheddren seg-s, axaṭer yettwazdeɣ s waṭas n yir lerwaḥ. Luqa 8:31-32 icudd ɣer “leǧnun” (asget) i s-d-iheddren i Yasuɛ. Tira Iqedsen gelment-ed argaz-nni ittwazedɣen s wudem ibanen di Marqus 5, 1-20 akked Luqa 8, 26-39.

Ɣer tagara n "Lberhanat n Yasuɛ", nettwali amek Mirakulu yessaweḍ "ikellex" s yiwen n lxiḍ yefren, yerna neẓra belli aṭas n iseḥaren i gessexdamen dduxan akked lemriwat iwakken ad "sferfɛen" tiɣawsiwin am ikersiyen n baylek. Meɛna amek i gexdem Mirakulu iwakken ad d-issufeɣ apurṭabl n Ɣiles seg lǧib-is?

Iwakken ad innekmal yiwen useḥḥer am wagi, iseḥḥaren n webrid ssexdamen s umata wid i sen-d-ittaken afus iwakken ad kellxen imsebriden s tuffra yerna mebla ma faqen.

Imensi anegarru

Acuɣer i gbedd Yasuɛ ɣef tqacuct n yiwen uremmuɛ n yeẓra?

Ihedder i yizummal n lɣaci, yerna imi i gella deg yiwen wemkan ɛlayen, ayenni ittaǧǧa wiyaḍ a s-d-slen.

Acuɣer i d-yenna Gizmu belli “Lmasiḥ” lmeɛna-s “Win ittwaxtaren” mačč “ d Win ittwadehnen”?

Awal “Lmasiḥ” s umata yettwasuqqel s shala kan ɣer “Udhin” Yasuɛ yella mebla ccekk yettwadhen sɣur Illu, axaṭer yenna-d: Rruḥ n Ssid atan fell-i; Idhen-iyi ad beccreɣ Linǧil i yimeɣban, Iceggeɛ-iyi-d ad berrḥeɣ i yimerhan tilelli, ad iniɣ i yiderɣalen: Walit! Ad beccreɣ tilelli i wid yettwaɛeṣren, yerna ad berrḥeɣ aseggas n nneɛma sɣur Ssid (Luqa 4:18-19 EEO). Lameɛna azwel n "Lmasiḥ" n Yasuɛ yesɛa anamek n lqayen ugar yerna yennekmal. Yettwadhen d nnbi, d lmuqeddem yerna d agellid! Ɣas akkeni, ur d-yusi ara am ṣṣenf n ugellid i bɣan lɣaci, axaṭer yenna i Bilaṭus: "Tageldit-iw mačči d tageldit n lqaɛa". Lemmer tagelda-w si ddunit-agi, iɛessasen-iw ad nnaɣen fell-i i wakken ur d-ɣelliɣ ara deg ufus n Iyahudiyen "Tagelda-w mačči si ddunit-agi”(Yuḥenna 18:36 EEO). Yasuɛ d Agellid n tgeldit n Yillu!

D acu i d anamek n "Husana?

D awal iɛibrani anamek-is, “ Sellek-aɣ, nettɛenni ɣur-ek!” D aberreḥ n leḥmadi n wegdud mi akken i d-yekcem Yasuɛ ɣer Yarucalim. D imeslayen n Uhellil 118:25, “Ay Ameɣlal, di leɛnaya-k, Efk-d leslak! Di Leɛnaya-k a Yahwa, fk-aɣ-d tarnawt (EEO)

Acu meḥsub "Barux Ḥaba Bicim Adunai"?

D taɛibranit, yerna anamek-is, “Yettubarek win i d-yussan n yisem n Umeɣlal” Isuɣan n wegdud sterḥiben s Yasuɛ d Lmasiḥ yettuweɛden, yerna ittbeggin-ed Ahellil 118:26, Barket win i d-yusan s yisem n Umeɣlal. Nburek-ikun seg uxxam n Umeɣlal” (EEP)

Acuɣr i gerkeb Yasuɛ ɣef uɣyul?

Yasuɛ yella isnekmalay yiwen seg iciriyen ɣef Lmasiḥ Aciri-yagi yeqqar-ed: Ini i yimezdaɣ n Yarucalim, Atan ugellid-im iteddu-d ɣur-m, Yunez, irkeb-d ɣef ujḥiḥ, mmi-s n teɣyult."(Matta 21:5 EEO).

Acuɣer i d-tessun tiseḍwa n tezdayt ?

Mi yekcem Yasuɛ ɣer Yarucalim, imezdaɣ-is ttḥerriken ifurkawen n tezdayt akken ad streḥben yes am Lmasiḥ. Ifurkawen n tezdayt llan ttḥerriken am yizamulen n trennawt . Di ddunit taqburt, ifurkawen n tezdayt ttwasxedmen iwakken ad mmagen agellid neɣ imeqranen n lɛesker irebḥen.

Acuɣer Nahshon ur yeḥbis ara aḥader deg uɛeskri-nni arumani magl Yasuɛ ?

Nahshon yella d awadem i d-nexleq ad imetel afarizi . Yemmal-d tiddi d nneyya taḥraymit n waṭas n imḍebbren idyaniyen . Di lemtel, Tira Iqedsen nnant-ed belli imḍebbren ideyaniyen llan ttheggin ad nɣen Yasuɛ Tura sin wussan uqbel Lɛid n Usuref akked lɛid n weɣrum ur nesɛi iɣes n temtunt . Imeqqranen n lmuqeddmin akked Lɛulama n ccariɛa ttnadin amek ara ṭṭfen Yasuɛ s tḥila i wakken ad t-nɣen. (Marqus 14:1 EEO).

Acuɣer i d-iban Yasuɛ yerfa mi yella yessizdig Afakan ?

Ifergan n berra n Ufakan llan d imukan iqedsen n tẓallit i leǧnas merra, lameɛna Yasuɛ iwala belli kra n yemdanen rran-ten d ssuq.

Mbeɛd tiremt n Usuref, acuɣer i d-yenna Yasuɛ : "D wagi i d ass i yexdem Umeɣlal. Ad nezhu, ad nefreḥ yis-s"

Tella d lɛada akken Ahellil 118 ad ittwacnu di tiremt n Usuref Yiwet n tseddart seg uhellil-nni teqqar-ed, “D wagi i d ass i yexdem Umeɣlal. Ad nezhu, ad nefreḥ yis-s”(Ihellilen Psalm 118:24 EEO). Linǧil n Matta yenna-yaɣ-d belli Yasuɛ akked inelmaden-is cnan ccna ɣer tagara n tiremt, “Mbeɛd mi cnan ihellilen ulin s Iɣil Uzemmur” (Matta 26:30 EEO).

Yeḥya-d

Acuɣer i d-seknem ḥala yiwen n tmeṭṭut i gruḥen ɣer uẓekka?

Tidyanin n Tira Iqedsen n “Yeḥya-d!” ttwakksent-d si Linǧil sɣur Yuḥenna Tlata n Linǧilat imezwura ḥkan-d belli ugar yiwet n tmeṭṭut i iruḥen ɣer uẓekka, Linǧil n Yuḥenna ibder-ed ḥala Meryem Tamagdalit i iruḥen. Yura, Ass amezwaru n ddurt, Meryem Tamagdalit truḥ s aẓekka, ṣṣbeḥ zik, uqbel ad d-tefrari tafat; dɣa twala belli aẓru-nni yettwakkes i uẓekka ( Yuḥenna 20:1 EEO) Imeskaren akked infarasen n Udlis n Tmusni ddmen leqrar ad ḍefren arekkeẓ yersen ɣef Linǧil n Yuḥenna ɣef Meryem Tamagdalit.

Acuɣer lmuluk-nni yellan ɣer uẓekka ur lsin ara llebsa tacebḥant?

Lbuṭa tamezwarut n DVDiyen n "Yaḥya-d!" seknen-d sin-nni n lmuluk zdat n uẓekka ur lsin ara llebsa tacebḥant, nseggem udem-agi n usayes akken ad d-beggnent lbuṭat-agi i d-itteddun n DVD ad seknen lmalaykat llsant acebḥan. Abeddel-agi yella-d daɣen ɣef tedwilin merra n tiliẓri Tiɣelnawin d tigraɣlanin akked i tedwilin i d-itteddun n uselmed n Udlis n Tmusni: Taẓrigt n Tmezdayt akked Udlis n Tmusni: Taẓrigt n Twacult

Acuɣer lmelk-nni zdat uẓekka ur s-yenni ara i Meryem ad truḥ ad txebber inelmaden n Yasuɛ akked Buṭrus ɣef ḥeggu?

Di "Yeḥya-d!", taqsiṭ n ḥeggu n Yasuɛ teṭṭafar akken i d-ttwaḥka di Linǧil n Yuḥenna. Linǧil-agi ur d-yenni ara belli lmalayekat nnant i Meryem ad tawi lexbar i yinelmaden. D anemgal, Linǧil yenna-d d akken d Yasuɛ i gkelfen Meryem ad tawi lexbar-agi yessefraḥen i yinelmaden. Atah acu yuran di Linǧil n Yuḥenna: "Ur yi-ttaṭṭaf ara! I s-yenna Yasuɛ, mazal ur uliɣ ara ɣer Baba. Ruḥ s atmaten-iw, ini-yasen: 'Aql-i ad aliɣ ɣer Baba yellan d Baba-twen, ɣer Yillu-yiw yellan d Illu-nwen'."(Yuḥenna 20:17 EEO).

Acuɣer ccwami-nni n imeṣmaren banent-ed ɣef texlifin n Yasuɛ mačči ɣef ifassen-is?

Mi d-ihedder Lɛahd Ajdid ɣef usemmer n Yasuɛ deg ifassen-is, issexdem awal agrigi i isɛan anamek iwesɛen ugar ɣef wawal s trumit "mains" Awal agrigi yegza afus-is, taxlift akked send iɣil. Yerna imazrayen ufan-d belli mi ara semmren iserdasen iṛumaniyen imdanen , sentayen imesmaṛen deg tdiklin, tixlifin neɣ send iɣil. Lemmer Yasuɛ yettwasemmer deg tdikal, ihi iserdasen ad ilin cudden-as iɣalen-is ɣer umidag s imurar. Izmer ihi Yasuɛ ad yili ittwasemmer deg tdikal-is neɣ deg texlifin. Akken yebɣu semmren-t, nezmer ad s-nini tanemirt i Wemsellek-nneɣ mi yemmut ɣef ddnubat-nneɣ.

Acuɣer "Yeḥya-d!" ur d-seknen ara tidyanin nniḍen i d-yeḍran mbeɛd ḥeggu, am usebgen n Yasuɛ iman-is i yinelmaden di texxamt iɣelqen, neɣ Yasuɛ mi s-isken ccwami-ines i Ṭuma?

Nebɣa lemmer ad d-nena ugar ɣef ḥeggu n Yasuɛ di " Yeḥya-d!! " . Lameɛna, tidwilin merra n Udlis n Tmusni sɛant anagar 28 dqayeq iwakken ad d-tɛeddayent di lewqat n 30 n dqayeq (Ayagi ad ɣ-yefk amek ara ad nessewṣel Adlis n Tmusni ɣer waṭas n warrac di ddunit.) Yal aḥric n tedwilt tesbanay-ed Ɣiles akked Lunǧa di tawennaṭ-nsen tatrart , iwakken arrac ad izmiren ad lemden yiwet n temsisrt yesɛan azal d ameqqran. Ilaq-aɣ daɣen ad nessekcem tizlit n uledduy , tizlit n usefreg d usakli n taggara . Ihi ur nesɛi ara aṭas n lweqt iwakken ad nemslay ɣef tedyanin akk n teqṣiḍin n Tira Iqedsen. Nessaram yerna nettmenni d akken icaliyen n Ɣiles akked Lunǧa ad mudden i warrac lebɣi akken ad issinen ugar ɣef teqsiḍin-a. Yiwen seg yiswiyen n umazrar n Udlis n Tmusni d amuddu n leḥrara i yigerdan ad ɣren Tira Iqedsen.

Abrid ɣer Dimecq

Acuɣer aḥric amezwaru n tedwilt tesken-d Ḥananya di Yarucalim. Ɛni mačči di Dimecq i yettɛici?

Ḥananya yenna belli imdanen-nni i d-yeddan yid-es tteddun s axxam-is, ɣer Dimecq, ihi yella itteddu ad yerzu ɣer imasiḥiyen yellan di Yarucalim. Tira Iqedsen nnant-aɣ-d belli, Tura yella yiwen umasiḥi di Dimecq isem-is Ḥananya ( Lecɣal n Yimceggɛen 9:10 EEO). Di tama nniḍen, seg wakken yella uqehher n imasiḥiyen di Yarucalim, amur ameqqran n imasiḥiyen i gellan zedɛen dina rewlen.

Acuɛer i d-seknem Stifanus yettwarǧem?

Nesken-d aḥric seg urǧam iwakken ad nili d imekdiyen ɣef wayen yellan deg umezruy ɣef lecɣal iɛeddan n Cawul d uqehher i d-yellan. Lameɛna, nesken-ed arǧam-nni am usmekti kan s uberkan d ucebḥan, iwakken ad nessenqes si lǧehd n usayes yerna ad t-ner iwulem i warrac.

Acuɣer i yesmar Camwil zzit ɣef uqerru n Dawed?

Camwil ismar zzit ɣef uqerru n Dawed iwakken ad isbeggen belli Illu iɛzel-it i yiwen n leqdic uzzig S imeslayen nniḍen, Illu ifren-it iwakken ad yili d agellid i d-itteddun n Wat Isṛayil. Rnu-yas, zzit d azamul n Rruḥ Iqedsen Tira Iqedsen nnant-ed d akken mi yesmar Camwil zzit ɣef uqerru n Dawed Rruḥ Iqedsen yers-d s tezmert ɣef Dawed seg wass nni d asawen. (1 Camwil 16:13).

Deg ubrid ɣer Dimecq, acuɣer imddukal n Cawul ɣlin-d seg iɛudiwen-nsen ma d Tira Iqedsen nnant-ed belli wiyaḍ guggmen?

Nessexdem ttesriḥ n usnulfu iwakken ad d-nini belli irgazen-nni yellan akked Cawul seg wakken wehmen yerna ugaden ur d-nnin acemma. Tira Iqedsen ḥkant-ed amek i ttwadhemen s ddyanin-agi: "Irgazen yeddan yid-s ḥebsen, ggugmen: Slan i taɣect-nni meɛna ur walan ḥedd. (Lecɣal n Yimceggɛen 9:7 EEO)

Acuɣer i d-yenna Yasuɛ belli Cawul yella ittqehhir-it? Imi Yasuɛ yella deg igenno, amek izmer ad yili ittwaqehher?

Asmi yella Yasuɛ di lqaɛa, isselmed d akken ayen akk ara ittwaxedmen i win yumnen yes ittwaxdem-as i netta daɣen. Deg yiwet si temɛayin n Yasuɛ, Ad inṭeq ugellid: ad asen-yini: 'Amin, ad awen-iniɣ: Kra n tikkelt ideg txedmem ayagi i yiwen n umecṭuḥ akk ger watmaten-iw, d nekk iwumi i t-txedmem! (Matta 25:40 EEO) Mi gella Cawul ittqehhir imasiḥiyen, yella am akken d Yasuɛ i gettqehhir axaṭer Ssid yettidir deg ulawen-nsen yerna ɣlayit ɣer ɣur-es.

Mi d-yehder Yasuɛ seg igenni, acuɣer i d-tenna Lunǧa: éam akken d rrɛuḍ”?

Tira Iqedsen nnant-ed belli irgazen-nni yellan akked Cawul slan i ṣṣut n yiwen ( Lecɣal n Yimceggɛen 9:7 EEO). Ayagi yecba ɣer teswiɛt-nni anda Yasuɛ yella ɣef umidag yerna ababat ihder-ed seg igenni "Ɛuzzeɣ, yerna mazal ad ɛuzzeɣ (Yuḥenna 12:28 EEO). Lɣaci slan i ssut-nni , ma d kra sxelḍen-t s rrɛud neɣ s taɣect n lmelk . Tira Iqedsen nnant-aɣ-d, lɣaci-nni ibedden dinna, mi slan, qqaren: "D rrɛud." Wiyaḍ qqaren: "D lmelk i as-d-ihedren." (Yuḥenna 12:29 EEO).

Acuɣer Ḥananya iɣumm aqerruy-is mi akken ittẓalla?

Di tmurt n wat Israyil, d lɛada-nsen akken irgazen udayen ttɣumun iqerra-nsen s tmeḥremt n tẓallit ( tallit) mi ara ttẓallan tisebḥiyin.

Mi geẓẓul Ḥananya, "Barukh ata Adonia Eloheinu melekh ha-olam," d acu d anamek n imeslayen-agi?

D aḥric amezwaru Taẓallit n tullya tansayant tudayt . Anamek-is: “Tettubarkeḍ, Ay Ameɣlal, Illu-nneɣ, Agellid n ddunit...”

Yuna

Acuɣer ur d-seknem ara yiwet n tizmekt tessebleɛ Yuna deg umkan yiwen uḥutiw ameqqran yessewhamen?

Ma d ayen yeɛnan lexliqa-nni isbelɛen Yuna, tutlayt taɛibranit tanaṣlit di Yuna 1:17 akked tutlayt tagrigit di Matta 12:40 teqsed-d " Yiwen uḥutiw d ameqqran". S wakka snat-agi n tseddarin ur d-qsident ara akk tizmekt. Rnu, nmuqel-ed aṭas n tsuqqilin n tneglizit n Tira Iqedsen, sxedment akk imeslayen ' Yiwen uḥutiw ameqqran" neɣ "yiwen uḥutiw annect-ilat" di Yuna 1:17 deg umkan n tizmekt. Di Matta 12:40, anda i d-ihder Yasuɛ ɣef Yuna, Tasuqilt tamaynut n Tira Iqedsen ur d-bdir ara akk tizmekt, meɛna yiwen uḥutiw d ameqqran neɣ lweḥc n lebḥer.

Aḥutiw-nni ameqqran izmer ad yili d yiwen uḥutiw annect-ilat meɛna tura inneqḍaɛ. Asnulfu n uḥutiw-nni ameqqran di Yuna ireṣṣa ɣef ṣṣifa n Silakunt (cœlacanthe.)

Amek i snufusen Ɣiles akked Lunǧa mi llan zdaxel n uḥutiw-nni? Acuɣer ur ttwafẓen ara mi llan zdaxel n lmeɛda n uḥutiw-nni.

Tili Illu ad yexdem lberhanat iwakken ad sen-d-yefk amek ara snufsen yerna ad isseḥbes akken ur ttwafaẓen ara.

Acuɣer i d-rran tasɣart iwakken ad ẓren d anwa i gdenben mi d-teɣli tbuciḍant?

Di tallit-nni n Yunes , yella tannumi d akken imezdaɣ n Isṛayil d tmura tijiratin jebden-d tasɣart i wakken ad gezmen rray Di temsalt-agi , ibeḥarren jebden tasɣart akken ad ẓren d anwa-t wemcum-agi i d-isseɣlin lɛiqab n Yillu fell-asen s tbuciḍant-agi. Tira Iqedsen ḥekkunt-d: Ibeḥarren-nni jebden tasɣart iwakken ad ẓren d anwa gar-asen i gesserfan iṛebbiten dɣa snekren-d tabuciḍant-nni yessexlaren. Mi xedmen akkeni, tasɣart tbeggen-d belli d Yunes i denben (Yuna 1:7)

Ɛni taẓallit i d-yewwi yunes tella di Tira Iqedsen?

Ih. Tira Iqedsen nnant-d belli Yuna idɛa ɣer Yillu seg uɛebbuḍ n uḥutiw ameqqran. Nezmer ad nɣer taẓallit-nni merra di Yuna 2:2-9

Acuɣer i ylaq ad yerǧu Illu 40 n wussan iwakken ad issenger Niniwa?

Illu ibɣa ad yefk lweqt i yemdanen akken ad tuben yerna ad beddlen tikli iwakken ur d-iɣelli ara nnger fell-asen. Ayagi ibeggen-d leḥmala d ṛṛeḥma n Illu ur nesɛi tiwtilin. Yuna idɛa ɣer Yillu yerna ihder ɣef lebɣi lqayen n Umeɣlal akken ur ten-ittḥasab ara . Yuna yenna: Ẓriɣ belli kečč, d Illu aḥnin yerna d bab n rreḥma, ẓẓayeḍ i reffu yerna telhiḍ aṭas; d win ineddmen, ur ixeddem ara ccer iwumi i iqessed (Yuna 4:2 EEO). Rnu ɣer waya , tallit n 40 n wussan tcudd di Tira Iqedsen ɣer wannuz n yiman. Yasuɣ yuẓam 40 n wussan deg uneẓruf, Musa daɣen yu$zam deg udrar n Sinay 40 n wussan ( Matt 4:2; Tuf 34:28).

Acuɣer imezdaɣ n Niniwa smaren iɣîɣden ɣef iqerra-nsen, rran ticekkarin, yerna uẓamen?

Yella d ttawil akken ad ssanzen iman-nsen zdat n Yillu iwakken ad d-seknen d akken s tidet nddemen ɣef ddnubat-nsen. Di tedwilt, yiwen seg imezdaɣ n Niniwa yenna-yas i YUna belli imezdaɣ ilaq ad lsen “llebsa n leḥzen”. Adlis Iqedsen yenna-d belli imezdaɣ n Niniwa, s ugellid-is, uẓamen yerna rran tickarin akken ad d-seknen leḥzen ɣef ddnubat-nsen.

Imezdaɣ n Ninawa umnen Illu; berrḥen ad uẓumen yerna lsan ticekkarin, s umeqqran nsen, s umecṭuḥ-nsen. Iwweḍ lexbar agellid n Ninawa; ikker-d seg ukersi-s n leḥkem, ikkes abernus-is. Ilsa tacekkart dɣa yeqqim ɣef yiɣed. Iceggeɛ ad berrḥen di Ninawa, ad inin: Am yimdanen, am lmal, s ubeqri, s uɣelmi, ur ɛerrḍen acemma; ur tetten, ur tessen. Am yimdanen, am lmal, ad lsen ticekkarin, ad ɛeggḍen mliḥ ɣer Umeɣlal. Yal amdan ad ixḍu i yir tikli i d-yewwi akked lbaṭel i ixeddem. Anwa i yeẓran? Ahat ad ibeddel Yillu, ad indem, ad as-ikkes wurrif, dɣa ur nettmettat ara."(Yuna3:5-9 EEO).

Acuɣer i d-seknem imɣi-nni yeɣli deg umkan n usegder?

Tira Iqedsen nnant-ed belli Illu iceggeɛ-d tawekka akken ad tečč imɣi-nni ( Yuna 4:7) Mi geɣli uxilwan-nni di tedwilt, isbeggen-ed iflan n twekka akked ccwami i gesfeclen aɣuddu-is dɣa sseɣlin-tt

Yusef akked targit n Ferɛun

Ayɣer akraren n yeɛqub akk llan d iberkanen ?

Di lweqt n Yeɛqub, yella yiwen n ṣṣenf n wakraren iberkanen i yellan d ayla n tmennaṭ-nni anda yettidir. Rnu, Yeɛqub yemtafaq akked Laban ad ittwaxelleṣ s lmal aberqac, yesɛan izaggen, neɣ d aberkan. Ɣef leḥsab n tsuqilt n Ouadhias, kra si lmal-nni iɣef yehder llan d iberkanen. Yeɛqub yenna-yas i Laban: Ass-agi, ad d-ɛeddiɣ ɣef lmal-ik amecṭuḥ, ad d-ɛezleɣ si ger wulli, yal izimer aberqac, neɣ yesɛan izaggen, d yal izimer aberkan; ad d-ɛezleɣ daɣen si ger neɣ yesɛan izaggen. D wagi i d lexlaṣ-iw (aṣel n Ddunit 30:31 EEO)

D acu n zzyada i gesɛa ubernus-nni imreqqem i gesɛa Yusef?

Abernus ireqqmen n Yusef isbeggen-d belli Yusef d ammemit i gḥemmel aṭas Yeɛqub yerna issemxalaf-it ɣef wiyaḍ yerna ayenni isken-ed belli Yeɛqub iqsed-d ad s-yefk amur ameqqran n lwert. Lemmer atmaten n Yusef ɣilen belli ad yawi aḥric si lwert-nsen, izmer ad yili d yiwet si ssebbat iɣef i t-zenzen i imetjaren.

D acu-tt tafat-nni timddehebt i ikecmen di Yusef mi akken i s-d-iḥka Yusef targit-is?

Tafat-nni timdehhebt d Rruḥ Iqedsen i iɛemden i Yusef ad d-issefru targit-nni i yefka Illu i Ferɛun.

Acuɣer aṭas n lweqt i iɛeddan mi teḥbes tkerrust-nni imi Ɣiles, Lunǧa akked Gizmu sɛeddan aṭas n lweqt di Maṣer.?

Adlis n Tmusni ittarra-d daymen Ɣiles, Lunǧa akked Gizmu ɣer wemkan-nni s anda i ten-id-iddem, akken yebɣu yella lweqt i sɛeddan deg ucali-nsen n Udlis n Tmusni.

Afarnu n tmes

Anwa arebbit n lekdeb i yettmetil usebddad-nni n ddheb?

D asebdad n Nabuxadnuẓur

Acḥal yesɛa di lqedd usebdad-nni?

Neẓra seg udlis n Danyil belli asebdad-nni yesɛa 60 n iɣallen di leɛli. Tira Iqedsen nnant-ed, Agellid Nabuxadnuẓur ixdem yiwen n lmeṣnuɛ n ddheb, isɛa settin n yiɣallen di leɛli, setta n yiɣallen di tehri. Isbedd-it deg uzaɣar n Dura, di temnaḍt n Babil (Danyil 3:1 EEO).

Ittwaxebber-ed d akken s kra n win ur nseǧǧed ara zdat n lmeṣnuɛ-nni ad ittwaḍegger qbala ɣer ufarnu n tmes, acuɣer ihi Cadrax, Miycax akked Ɛabid-Nagu ɛeṭṭlen iwakken ad ten-ḍeggren ɣer din?

Seg wakken yella aṭas n lɣaci i gellan di tmeɣra-nni, agellid ur iwala ara belli ugin ad seǧden. Sakin kra n yemdanen usan-d ɣer ugellid iwakken ad ten-tehmen. Tira Iqedsen nnant-aɣ-d , kra n yirgazen Ikaldiyen ruḥen, cetkan ɣef Iyahudiyen (Danyil 3:8 EEO).

Acuɣer ur d-yenni ara Nabuxadnuẓur belli amdan-nni wis rebɛa yellan di tmes ittemcabi ɣer "Mmi-s n Illu"?

Taramit tanaṣlit n Danyil 3:25 tenna-d belli agellid Nabuxadnuẓur yenna-d d akken amdan wis rebɛa ittemcabi ɣer "yiwen ummemit n irebbiten". Nabuxadnuẓur yumen belli llan aṭas n irebbiten, daɣen, ɣer ɣur-es, amdan-nni wis rebɛa i gellan di tmes imi "icba ammemit n rebbiten", isemma-yas arebbit neɣ d taxelqit n igenwan. Deg "Ufarnu n tmes", aberreḥ-nni n Nabuxadnuẓur ittwakkes-ed si tsuqilt n Iwaḍiyen, i d-yeqqaren: Muqel !" Nabuxadnuẓur iɛeggeḍ. "Aql-i ttwaliɣ rebɛa n yirgazen ur nettwarez ara, leḥḥun di tlemmast n tmes yerna ur illi wayen i ten-yuɣen! Ṣṣifa n wis rebɛa am ṣṣifa n mmi-s n yirebbiten." (Danyil 3:25 EEO). Aṭas n tsuqilin n Tira Iqedsen i isuqqlen taseddart-agi kifkif ( EEO, EEB)

Raḥab akked leṣwar n Yariḥu

Acuɣer i d-seknem Yacuɣa ihedder akked Yasuɛ?

Imdan-nni i innan i Yacuɣa amek ara isseɣleb ɣef Yariḥu yenna-d belli d ameqqran n lɛesker n Ssid. Imi d ameqqran n lɛesker n lmalayekkat n Illu, mebla ccekk ur yelli ara amdan menwala. Ur yelli ara daɣen d lmelk am lmelk Mixayil, axaṭer yenna belli Yacuɛa ibedd di tmurt ittwaqedsen. D ayagi i s-yenna daɛen Illu i Musa mi s-d-ihder seg inijel-nni ireqqen Lmelk ur ittarra amkan d imqeddes, ḥala tilin n Illu i izemren ad texdmem ayenni. Ihi d Yasuɛ i d-ibanen.

Lḥacya-nni tazeggaɣt i d-tɛelleq Raḥab ɣer ṭṭaq tesɛa anamek?

Ayagi d asmekti n idammen i ittwaḍlan ɣef leqnaḍer n tewwura n ixxamen n wat Israyil di Maṣer iwakken ad ttwaḥadren si twaɣit taneggarut n imaṣriyen. Akken idammen-nni ḥurben ɣef wat Israyil si twaɣit, akken daɛen lḥacya-nni tḥureb ɣef Raḥab akked twacult-is si ccer. Rnu, lḥacya-nni tazeggaɣt izmer ad tili d aciri ɣef Lmasiḥ ittuweɛden. Ini n lḥacya-nni tella d tazeggaɣt, am ini n idammen, dɣa Yasuɛ ismar idammen-is ɣef umidag ɣef ddnubat-nneɣ. Rnu-yas, am akken i tella lḥacya-nni d licara i isellken Raḥab akked twacult-is, Yasuɛ isellek-aɣ yerna yefka-yaɣ tudert tajḍiṭ mi imarren idammen-is ɣef umidag.

Acuɣer i llan sebɛa n lumqeddmin, sebɛa n lbuqat, sebɛa n wussan n tikli n tuzzya i Yariḥu, akked yiwet n tikli n tuzzya i temdint sebɛa n tikkal deg ass wis sebɛa?

Sebɛa d uṭṭun n Tira Iqedsen n teblalt neɣ n usnekmal. Liman n wat Israyil deg Illu akked tiɣin n wawal-is ttwasnekmalen s uḍfar n lewṣayat-is iwakken ad kecmen tamurt. Aɣawas n Illu ur issexdem ara ttawilat n ṭṭraḍ n yemdanen am sellumat iwakken ad alin ɣef leṣwar neɣ Tigejdit iǧehden iwakken ad ldin tawwurt. At Israyil ttusawlen-d ad tteklen ɣef lewṣayat n Illu ɣas akken ur fhimen acemma. Di setta wussan imezwura, ulac acu i d-ibanen si ṭṭaɛa-nsen i Yillu. Ɣer tagara, deg ass wis sebɛa, imi ḍefren lewṣayat akk n Yillu, yefka-d aseɣleb i d-yekkan nnig ugama.

Acuɣer i ssendahen lmuqeddmin-nni lbuqat?

Lbuqat, ittusemman Icufaren, ttxebbiren-d s tilin tuzzigt n Yillu, axaṭer lmuqeddmin issendahen lbuqat-nni leḥḥun zdat n Usenduq n Lɛahd.

D acu-tt tebwaṭ-nni timddehebt i ittwarefden n tɛekkzin?

D asenduq n Lɛahd, i llan d azamul n lɛaḍima n Yillu akked tilin-ines tuzzigt akked wegdud-is. D tabwaṭ tusrimt n wesɣar yesɛan sin n lmuluk yersen ɣef uɣummu-ines. Asenduq-nni akk ( tabwaṭ-nni, aɣummu akked lmalayekkat) ɣummen s ddheb. Zdaxel n usenduq-nni llan snat-nni n teblaḍin n Ɛecra n Lumur ( Tuf 25:16), illa uqbuc n ddheb yeččuren d tamana i d-iṣṣuben seg igenni si lweqt-nni anda llan wat Israyil deg uneẓruf. ( Iɛeb 9:4), aɛekkaz n Harun yeǧǧuǧgen yerna yefka-d lluz ( Aneẓ 17:8). Tlata-agi iferdisen ccehden-d s lehhu n Yillu ɣer lǧiha n wat Israyil s ttawil n uweḥḥi, n unubu akked uwelleh irebbaniyen.

D acu i isseɣlin leṣwar n Yariḥu?

Leṣwar-nni ur ɣlin ara s wayen ixedmen imdanen am tikli, lbuqat neɣ isuɣan. Leṣwar-nni llan dizuranen yerna ǧehdit, dɣa d tigawt nnig umagama n Yillu i ten-isseɣlin. Izmer lḥala ayagi d lɛesker n lmalayekat iɣef i d-yehder ameqqran n Lɛesker n Umeɣlal i isnekmalen annect-nni.

Acuɣer mačči akk leṣwar n Yariḥu i d-iɣlin?

Illu isseɣli-d leṣwar kan ilaqen iwakken lɛesker n Yacuɛa ad izmiren ad kecmen tamdint. Rnu, lemmer i d-ɣlin akk leṣwar i d-yezzin i temdint, tili Raḥab akked twacult-is ad mmten axaṭer axxam-nsen izga-d ɣer ṣṣur n berra.

Istir I teswiɛt yecban tagi

Acuɣer i ittusemma “Agellid Xerxes “ deg umakn “Agellid Aḥacwiruc?

Imezrayen mtafaqen belli Agellid Aḥacwiruc d win i d Agellid Xerxes I

Acuɣer i ikreh Haman iyahudiyen?

Haman yella yeččur d zzux imi iṭṭef amkan n uneɣlaf amezwaru n ugellid Xerxès. Agellid ifka lamer i iqeddacen akk yellan seddaw n leḥkem-is ad seǧden yerna ad qadren Haman, lameɛna Murdaxay yugi ad yexdem ayenni. Murdaxay iwala belli ur ilaq ara ad nseǧed neɣ ad neɛbed amdan. Haman yerfa mliḥ ɣef Murdaxay, yerna ittxemmim belli iyahudiyen d wid ittruẓun leqwanen n tmurt yerna ur llin ara d imekdiyen i ugellid.

Acuɣer i rran Ɣiles akked Gizmu d aklan?

Aɛessas-nni n waklan iɣil belli Ɣiles, Lunǧa akked Gizmu ttekkan di terbaɛt-nni n waklan i d-wwin i ugellid Xerxès.

Acuɣer Murdaxayilsa ilsa tacekkart yerna iččur iman-is d iɣiɣden?

Istir tenna-d belli d llebsa n win iḥeznen. Murdaxay isla s lamer-nni n usenger n iyahudiyen merra n tgeldit n Xerxès.

D acu-t temnaḍt-nni ittusemman Cucan iɣef d-tehder tgelliḍt Istir?

Tella d amanaɣt n tgeldit n ugellid Xerxès akked umkan anda yella lberǧ akked ukersi n leḥkem n ugellid

Acuɣer i tessuter Istir seg iyahudyen merra n Cucan ad uẓumen ɣef ddemma-s?

Aḥbas n wučči d tissit d ttawil d akken amdan ad yanez zdat n Yillu, ad inadi lemzeyya-s tarebbanit yerna ad issuter ad iger afus-is di teswiɛin iweɛren. Di liḥala-agi, Istir tebɣa d akken Illu ad yas a ten-iɛawen yerna a ten-isellek si txazabit n Haman.

D acu-t uɛekkaz-nni n ddheb?

D aɛekkaz n ugellid i itteṭṭef lḥakem ɣlayen deg ufus-is am uzamul n udabu-ines.

Mi tqerreb tgellidt Istir zdat ugellid Xerxès yerna imekken-as-d aɛekkaz-nni n ddheb, acuɣer ur s-tenni ara qbala ɣef txazabit-nni n usenger n iyahudiyen deg umkan ad t-teɛreḍ ɣer tmeɣra?

Mi thegga lmakla i ugellid, d aɛuz i t-tɛuz yerna trebḥed lemzeyya ɣer ɣur-es. Rnu, tebɣa mi ara yili yestumun s lmakla-nni, yerna izha, ad yishi mliḥ ad d-yefk i Istir ayen ara ad s-tessuter.

Acuɣer i teɛreḍ Istir agellid ad d-yuɛal tikkelt nniḍen ad yečč lmakla ad s-theggi?

Izmer lḥal Istir twala belli mazal mačči d lawan, deg imensi-nni amezwaru, akken ad s-tessuter ayen tebɣa. Rnu, izmer txemmem belli mazal ilaq ad d-rbeḥ ugar lemzeyya n ugellid uqbel ad tetehhem Haman, i gellan yesɛa amkan ɛlayen di leḥkum n ugellid

Acuɣer agellid ur issefsex ara lqanun-nni n usenger n iyahudiyen?

Ɣef leḥsab n isuḍaf n Faras, yal lqanun ara d-isuffeɣ ugellid yerna ad t-iḍbeɛ ur ittwasefsax ara. Agellid Xerxès s yiman-is yenna i Istir d Murdaxay; Kenwi, ssuffeɣt-d s yisem n ugellid lqanun i awen-ihwan ɣef Iyahudiyen, cemmɛet-t, ḍebɛet-t s txatemt n ugellid. Axaṭer ayen yuran s yisem n ugellid yerna yeḍbeɛ s txatemt n ugellid ur ittwabṭal ara ( Istir 8:8 EEO)

Yuḥenna Aɣeṭṭas

Acuɣer i d-yewwet Yuḥenna Aɣeṭṭas di zzwaǧ n Hirudus akked Hirudya?

Yuḥenna Aɣeṭṭas yenna-yas i Hirudus, Ur ak-ilaq ara ad tzewǧeḍ akked tmeṭṭut n gma-k."(Marqus 6:18 EEO). Aṭas n wugguren i d-yellan si zzwaǧ-agi Tamezwarut, Hirudus yella yesɛa assaɣ ur nlaq ara akked Hirudya mi akken i tella d tameṭṭut n gma-s. Dɣa Hirudus akked Hirudya mkul yiwen deg-sen ibra iwakken ad zewǧen gar-asen. Rnu-yas, zzwaǧ akked tmeṭṭut n gma-s n walebɛeḍ iitwaḥerrem di Lɛah Aqdim ( Lew 18:16;20:21), ihi zzwaǧ n Hirudus akked Hirudya yella d aɛaṣi n lamer si ger lumur n Umeɣlal.

Acuɣer i ittwaɣḍes Yasuɛ imi ur iḥwaǧ ara ad itub?

Yasuɛ ur iḥwaǧ ara ad itub axaṭer leɛmer yednib. Mi d-iruḥ Yasuɛ ɣer Yuḥenna iwakken ad ittwaɣḍes, Yuḥenna yugi , yenna-yas d nekk i yeḥwaǧen ad iyi-tesɣeḍṣeḍ, kečč tusiḍ-d ɣur-i?" (Matta 3:14 EEO) Yasuɛ, yenna-yas: "Anef tura! Ilaq-aɣ ad nexdem ayen akk yellan d lḥeqq." ( Matta 3:15) Yasuɛ yella yesɛa assaɣ igerzen akked Ubabat n igenwan, lameɛna mi ittwaɣḍes yerra iman-is am imednuben i yuḥwaǧen taḥeqqit, yeɛni i yimednuben i yuḥwaǧen ad mṣalaḥen akked Illu. Yasuɛ yeddem amkan n imednuben mi immut ɣef umidag ɣef ddemma n ddnubat-nsen, netta yellan mebla ddnub.

D acu i d anamek n trusi n Rruḥ Iqedsen ɣef Yasuɛ di ṣṣifa n tetbirt?

Titbirt d azamul n ṣṣfa d nneyya. Yiwet n tikkelt Yasuɛ inha inelmaden-is yenna-yasen: Aql-i ad ken-ceggɛeɣ am wulli ɣer tlemmast n wuccanen. Ḥercet am yizerman, sɛut nneyya am yetbiren ( Matta 10:16 EEO) Rnu-yas, Titbirt-nni tella d licara sɣur Illu i Yuḥenna Aɣeṭṭas d akken Yasuɛ d Lmasiḥ ittuweɛden. Yuḥenna icehd-d, inna: "Walaɣ Rruḥ iṣubb-d seg yigenni am yetbir, dɣa yers-d fell-as. Nekk, lliɣ ur ẓriɣ ara anwa-t; meɛna win i yi-d-iceggɛen ad sseɣḍaṣeɣ deg waman, yenna-yi-d: 'Win ara twaliḍ iṣubb-d fell-as Rruḥ, ires-d fell-as, d netta, ad isseɣḍaṣ di Rruḥ Iqedsen.' Nekk, walaɣ-t, yerna cehdeɣ-d belli d netta i d Mmi-s n Yillu." ( Yuḥenna 1:32-34 EEO).

Ɛni d tidet Yuḥenna Aɣeṭṭas akked inelmaden-is llan setten ibẓaẓ akked tament?

Amezruy yeqqar-d d akken ibẓaẓ llan setten imezdaɣ n tmura n Ugmuḍ Alemmas Di Lɛahd Aqdim ccariɛa tsemmeḥ i wat Israyil ad ččen ibẓaẓ, axaṭer yura : Meɛna, ger wayen akk yettafgen, iteddun ɣef rebɛa n yiḍarren, tzemrem ad teččem wid yesɛan sin n yiḍarren nnig rebɛa n yiḍarren-nni imezwura, swayes i ttǧelliben di lqaɛa.( At Lewwi 11:21 EEO) Am lqut, ibẓaẓ llan ččuren d tefṛutinin yerna ur ɣlayit ara. Zemren ad ttwahiggin deg waṭas n tesmilin. Yiwet si tarrayin, ad ten-tesqecrem, ad tesxelḍem akked lfarina d waman, sakin sewwet-tten am lgaṭu. Zemren daɣen ad rekmen deg waman, ad cwun neɣ ad wwen s umaɣlay akked wudi.

D acu i d sitirna, yerna acuɣer i gren dina Yuḥenna deg umkan n lḥebs?

Sitirna d amkan ddaw n tmurt anda jemmɛen aman Sitirnat jemmɛent aman n ugeffur di tsemyuhin n ugeffur iwakken ad sɛun medden aman ttwajemɛen i tsemhuyt takiwant . Tikwal, sitirna tettwasexdam am texxamt n lḥebs.

Bulus akked lbabur iɣerqen

D tidet yewwi Bulus yiwen ur numin ara ɣer Ufakan?

Xaṭi, kra n iyahudiyen ur nettamen ara s Yasuɛ ttehmen Bulus s wayen yellan d lekdeb. Walan Bulus akked yiwen ur numin ara uqbel deg wass Dɣa, mi walan Bulus deg Ufakan akked kra n yergazen, ɣilen belli win akken ur numin ara yella yid-es. Tira Iqedsen nnant-aɣ-d ɣef umsefhem ur msefhamen ara gar-asen: 29Yuɣ lḥal, walan yid-s Trufimus n Afasus di temdint, ɣilen issekcem-it Bulus ɣer ufakan ( Lecɣal n Yimceggɛen 21:29)

Acuɣer i ɣilen iserdasen irumaniyen belli Ɣiles, Lunǧa akked Gizmu llan d imeḥbas?

Imi ur llin la d iserdasen la d ibeḥḥaren, ɣilen belli d imeḥbas.

Acuɣer i rran Bulus di lḥebs n lbabur ɣer Ruma iwakken ad ittucareɛ zdat n Qayṣer?

Imi d aɣerman aṛumani , Bulus yesɛa azref ad yettuḥaseb zdat Qayser . Mi gbedd di ccreɛ zdat n Fistus,(( lewkkil n ruman n tmurt n yahuda ), Bulus isbeggen-ed azref-is yenna: ""Ad ɛeddiɣ di ccraɛ n Qayṣer! (Lecɣal 25:11 EEO).

D acu i d-yeqsed Bulus mi d-yenna “ anda akken fecleɣ dina i ǧehdeɣ”?

Bulus yenna-d belli mi ara yili yefcel s unamek agaman n wawal, Illu yettak-as-d tazmert i d-yekkan i ugama iwakken ad yexdem Lebɣi-s. Imi d tazmert n Yillu mačči d lǧehd amdani n Bulus, lɛezz d ccan ad yuɣal Illu ɣef wayen yessewṣel Bulus ixdem-it. Bulus yura i tmezdayt n Kurint ɣef wayen yeɛnan ḍɛafa-ines tadmawit d wamek is-ifka Illu ṭṭmana: "yal tikket, iqqar-as: Nneɛma-w, berka-k Axaṭer tazmert-iw tettban-d di ḍɛafa." Ad zuxxeɣ ihi s lferḥ s ḍɛafa-w, i wakken tazmert n Lmasiḥ ad tili fell-i. Ɣef wayagi, ttafeɣ iman-iw di ḍɛafa, di rregmat, di lḥerṣ, di leqher, di cceddat, ɣef ddemma n Lmasiḥ; Axaṭer mi ara iliɣ fecleɣ, imiren i ǧehdeɣ. (2 Ikurintiyen 12:9-10 EEO).

Amek i issaweḍ Yasuɛ isbeggen-d iman-is i Bulus di lḥebs?

Yasuɛ iḍher-d i Bulus deg uweḥḥi— d abeggen nnig agama n Yillu Tira Iqedsen urant-ed : Iḍ-nni i d-itebɛen, Ssid iḍher-d i Bulus, yenna-yas-d: "Ur ttagad, a Bulus! Akken i d-tcehdeḍ fell-i di Yarucalim, ilaq ad d-tcehdeḍ fell-i daɣen di Ruma” (Lecɣal n Yimceggɛen 23:11 EEO).

Amek i tezriḍ belli lmelk-nni i s-d-iḍehren i Bulus di lḥebs n Lbabur d Gabriyil?

Tira Iqedsen ur d-nnint ara d anwa lmelk, lameɛna neẓra belli Gabriyil yewwi lexbar snat n tikkal yemgaraden di Lɛahd Ajdid. Gabriyil iḍher-d iKaxarya ( Luqa 1:11-21) akked Meryem ( Luqa 1:26-38),

Acuɣer tuqqsa n uzrem-nni ur iḍur ara Bulus?

Illu iḥureb ɣef Bulus si mkul ccer.

Amek taẓallit n Bulus tewwi-d ḥellu n yiwet umuḍin?

D amedya n Yilli iqeddecen s wudem n tniglawt s Bulus iwakken ad ixdem lberhanat. Mbeɛd mi iḥla wergaz-nni, aṭas n yemdanen nniḍen i iḥlan. Yura di Tira Iqedsen, mi d-iḍra wayagi, imuḍan-nniḍen n tegzirt-nni ruḥen-d ɣur-s ula d nutni dɣa ḥlan. (Lecɣal n Yimceggɛen 28:9 EEO). S wakka, aṭas seg imezdaɣ n tegzirt ttwanulen s tezmert n leḥmala n Yillu.

Nuḥ akked Lbabur

Acuɣer argaz-nni yeṭṭfen ajenwi iṭṭafar Ɣiles, Lunǧa akked Gizmu?

Am imezdaɣ nniḍen n temdint, yella d amdan amcum ixeddmen ccer. Izmer lḥal ibɣa ad d-yeṭṭef Ɣiles, Lunǧa akked Gizmu, ad ten-izzenz d aklan akken ad d-irbeḥ idrimen.

Acuɣer i inna Illu i Nuḥ ad d-yexdem lbabur s usɣar n yiserwel deg umakn n usɣar ubelluḍ?

“Asɣar n ubelluḍ” d awal ittwasxedmen di kra n tsuqilin n Tira Iqedsen, lameɛna kra n tsuqilin nniḍen tatranin sxedment awal “iserwel”. "Gopher" agi neɣ asɣar ubelluḍ d yiwen n ttawil kan n tira n wawal aɛibrani anaṣli s tneglizit akken i d-ittwanṭaq s tɛibanit, neqqar-as translittération. Meɛna imazzagen n tɛebrit ur ẓrin ara anwt ttejra ubelluḍ i d-qesden? Izmer lḥal d aserwel, axaṭer asɣar-is iǧhed mliḥ yerna meqqint-ed di leǧwahi n unẓul-utram akked utram n Asya.

D acu i d-iɣil?

Di lweqt n Nuḥ, Iɣil yella d tiyent tizeɣt n uktil n teɣzi. Tɛewwel-d s teɣzi n ufella n ufus, seg uɣemmur ɣer yixef uḍad ɣezzifen . Aṭas n useggasen mbeɛd tallit n Nuḥ, agdud n wat Israyil yessexdam iɣil i lqis-ines: 44,45 cm n teɣzi.

D acu i d aselɣaɣ?

D yiwet n lḥaǧa d tazurant yerna d taberkant i nezmer ad neḍlu ɣef tɣawsa iwakken ad t-nɣum Mi ara yeqqar uselɣaɣ, ur ittaǧǧa ara aman ad ɛeddin.

Acḥal meqqer lbabur-nni?

Yella meqqer mliḥ, isɛa 75 n uḍar di teɣzi, 50 n uḍar di tehri akked 30 n uḍar di leɛli. Ad yili azal n wannar d nnefṣ n ddabex uḍar n marikan-ugafa. S lqis n lmitra, tesɛa 138 n lmitrat di teɣzi, 23 n lmitrat di tehri akked 13,8 n lmitrat di leɛli. Ma s lqis n iɣil, isɛa 300 n iɣallen di teɣzi, 50 n iɣallen di tehri akked 30 n iɣallen di leɛli.

Acuɣer ula d yiwen seg iɣersiwen-nni ur nnuɣen ur nɣin iɣersiwen-nniḍen mi akken ulin ɣer lbabur?

Izmer Illu irra-ten d imhenniyen ur ssiḍen ara di tallit-nni i deg ikecmen ɣer lbabur. Mi kecmen ɣer lbabur, llan mkul ṣṣenf di texxamt weḥd-es.

Ɛni s tidet Illu iɣleq tawwurt n lbabur?

Ih, iɣleq-it. Mbeɛ Nuḥ, tawacult-is, akked lḥiwan kecmen ɣer lbabur, d Illu s Timmad-is i iɣelqen tawwurt n lbabur. Tira Iqedsen ḥkant-ed, Imiren Ameɣlal yeɣleq tawwurt deffir-nsen (Laṣel n ddunit 7:16 EEO).

D acu-ten waman-nni i d-ittefɣen si lqaɛa?

D leɛwanser n waman i d-iṭṭerḍqen seddaw n lqaɛa. Aman-nni i d-iṭṭerḍqen si lqaɛa uɣalen ɣellin ɣer lqaɛa di ṣṣifa n yiwen ugeffur iǧehden. Tira Iqedsen nnant-ed belli leɛwanṣer merra n ddaw tmurt feggḍen-d, lesdud n yigenni qqersen-d ( Laṣel n Ddunit 7:11 EEO)

Imazzagen n Tira Iqedsen akked imusnawen ttwalin belli uqbel aḥemmal n waman, llan aṭas n yimasayen n waman i ittwajemɛen seddaw n tmurt. Aman-agi yellan seddaw n tmurt ttalin-d am agu neɣ leɛwanṣer iwakken ad sewwen yerna ad stkelfen s tudert n imɣan akk. Waqila leɛmer i d-yewwet ugeffur uqbel n uḥemmal n waman, axaṭer Iqedsen nnant-ed belli Ameɣlal Illu urɛad i d-iceggeɛ ageffur iwakken ad issew lqaɛa yerna deg uakn n waya, d leɛwanṣer i d-ittefɛef seddaw n tmurt iwakken ad ssewen tamennadṭ-nni akk.

Acuɣer lemwaji-nni timeqqranin ur sneqlabent ara lbabur-nni?

Illu isnulfa-d lbabur-nni iwakken ad iqqim akken ulac acu ara t-isneqlaben yerna ad yizmir ad ilḥu ɣef wamak Kra n termitin tussnanin tatrarin i ittwaxedmen i lbabarat imecṭaḥ beggenen-d belli d ṣṣeḥ qqimen ur ḥerken ara di tlemmast n lebḥer inhewalen.

D acu n ṣṣenf n yifer i d-tewwi tetbirt-nni, yerna d acu i d anamek-is?

Titbirt-nni tewwi-d yiwen yifer n tzemmurt d aleqqaq ( Laṣen n Ddunit 8:11). Ayagi d ttbut ibanen belli ttjur ǧǧuǧgent yerna imdanen akked iɣersiwen ur ttɛeṭṭilen ara ad izmiren ad fɣen.

D acu i ɣ-d-isken uḥemmal n waman ɣef wayen yeɛnan Illu?

Illu yeḥzen ɣef wamek i tuɣal talsa diri-tt mliḥ. Tira Iqedsen nnant-ed, Ameɣlal iwala belli ccer i ixeddem umdan ittnerni di ddunit, yerna ass kamel, ul-is ittxemmim kan s ayen n diri (Laṣel n Ddunit 6:5 EEO). Leqdasa d lehhu n Yillu banen-d deg wakken ur iǧǧa ara talsa ad tkemmel akkenni di liḥala-nni deg wadeg tella, imi imdanen uɣlen ttmenɣan wway gar-asen yerna xeddmen mkul ṣṣenf n ddnubat. Di tama nniḍen, leḥmala akked rreḥma n Yillu banent-ed deg wakken ur issenger ara talsa merra. Imneɛ Nuḥ akked twacult-is axaṭer Nuḥ yella d win yelhan yerna itteɛraḍ daymen ad s-yeɛǧeb i Yillu. Tira Iqedsen nnant-aɣ, “Nuḥ illa d argaz aḥeqqi, d uṣwib, di zzman-nni ideg iɛac. Nuḥ iteddu akked Yillu (Laṣel n Ddunit 6:9, EEO).

D acu i d anamek n leɛqed-nni i ixdem Yillu akked Nuḥ mbeɛd aḥemmal-nni n waman? Haven't there been dangerous floods since the time of Noah?

Illu yenna-d belli ur yettuɣal ara ad d-yili uḥemmal n waman ara isnegren imuddiren merra n ddunit. Ɣas akken llan-d iḥemmalen n waman di temnaḍin neɣ di tmura i isnegren kullec, lameɛna leɛmer yella-d uḥemmal n ddunit seg imiren. Illu iɛuhed Nuḥ, t. 11Ad sbeddeɣ lɛahd-iw yid-wen: Ur tettuɣal ara ad tenger txelqit s uḥemmal n waman; ur ittuɣal ara ad d-yili uḥemmal n waman ara yesnegren ddunit (Laṣel n Ddunit 9:11, EEO). Illu d imekdi ittaṭṭaf daymen di lewɛud-ines.

Aweḥḥi n Yuḥenna: Amennuɣ aneggaru

D anwa-ten iserdasen-nni icban imcumen yeṭṭfen ijenwiyen?

D lmalayek yeɣlin, iwumi qqaren daɣen leǧnun neɣ d yir lerwaḥ. Nefka-yasen talɣa berriken ugar ɣef lmalyek n igenwan iwakken igerdan ad izmiren ad walin lemgerda gar-asen s lemɣawla.

Acuɣer i terram Cciṭan yessaggad aṭas, s wudem-is d azeggaɣ, acciwen-is, aqerru-s akked wafriwen-is?

Ur nebɣi ad d-ittban Cciṭan am yiwen wemcum d azahwani, meɛna ad d-iban diri-t mliḥ. Tinfaliyin-is sbanayent-d reffu-ines ɣef Illu akked wegdud-is.

Ur tettut ara belli leɛmer i d-ittwaqsden di tedwilin n Udlis n Tmusni si 7 ar 12 iseggasen. Acu kan , imi mgaraden yigerdan di tneflit-nsen taruḥanit , aḥulfu-nsen ɣer tgensas n twaɣit akkedd ṣṣenf n wahilen i nnumen ttwalin-t , nessumer-asen i yimawlan ad xemmemen i tedwilin i glaqen i yal yiwen seg arraw-nsen . Ɣef kra n tedwilin, ad nenhu imawlan ad walin tadwilt uqbel ad tesneɛten i warraw-nsen

D acu-t wemkan-nni yekkawen yerna yeqqur ɣer anda i iruḥ Ɣiles?

D amkan uneẓruf anda yewwi Udlis n Tmusni Ɣiles iwakken ad ittujerreb.

Acuɣer Cciṭan yella yettemcabi ɣer lmelk ?

Cciṭan yezmer ad ibeddel ṣṣifa ittarra iman-is d lmelk yellan deg igenwan . Tira Iqedsen nnant-aɣ-d, Cciṭan, s timmad-is, ittbeddil ṣṣifa, ittarra iman-is d lmelk n tafat ( 2 Ikurintiyen 11:14 EEO) Ilaq imasiḥiyen ad ɛeqlen di rruḥ lumur ma yella s tidet sɣur Illu.

D acu n diri i yexdem Cciṭan ?

Ikker-ed mgal Illu. Cciṭan ibɣa ad isbedd akersi n leḥkum i yiman-is yerna ad yuɣal am Illu Tira Iqedsen nnant-aɣ-d ɣef iɣawasen n diri n Cciṭan. Kečč teqqareḍ deg wul-ik: "Ad aliɣ ɣer yigenwan, ad ssaɛliɣ akersi-w n leḥkem nnig yitran n Yillu; ad qqimeɣ ɣef udrar n Temlilit, di tqernit n umalu. Ad aliɣ ɣer tqucac n usigna, ad cbuɣ Win Ɛlayen."(Icɛaya 14:13-14 EEO).

D acu-ten isekkilen-nni i yeṭṭef Yuḥenna mi yemmeslay s Lunǧa akked gizmu berra n tzeqqa n ukersi n lhekma n yigenni?

D isekkilen iɣef yura Yuḥenna iweḥḥiyen i s-d-iskan Illu deg igenni. Yura-ten iwakken talsa merra a s-tenfeɛ. Di tazwara n iweḥḥiyen n Yuḥenna deg igenni, yettuwaṣa-d :"Ayen akka i tettwaliḍ, aru-t deg udlis, mbaɛd ceggeɛ-it i sebɛa n tmezdayin-agi: I Afasus, i Smirnus, i Birgamus, i Tiyatira, i Sardis, i Filadilfiya akked Lawdikya."(Iweḥḥiyen n Yuḥenna 1:11 EEO). Adlis n Uweḥḥi n Yuḥenna yura-d daɣen, Win akken yeqqimen ɣef ukersi n leḥkem yenna-d: "Aql-i ad xedmeɣ kullec d ajdid!" Dɣa yenna-d: "Aru, axaṭer lehdur-agi ṣeḥḥan yerna d tidet."(Aweḥḥi n Yuḥenna 21:5 NLT).

D acu-t usigna-nni n tafat axili-axili i d-ittefɣen sef afriwen n Cciṭan yerna ittṣuḍu mgal Ɣiles uqbel Cciṭan ad s-d-isken yiwen uweḥḥi?

D asemdu ameẓlay n usiweḍ i usɛeddi n tallit neɣ seg usayes ɣer tayeḍ .

Anwa-ten yemdanen-nni i s-d-yezzin i Yasuɛ mi akken yettali s igenni?

Llan d ḥdac-nni n inelmaden n Yasuɛ n d-yeqqimen ( Lecɣal n Yimceggɛen 1:6-11).

Amek i gessaweḍ Cciṭan iqleɛ-ed ttejṛa si lqaɛa?

Uqbel ad iɛaṣi Ccitan Illu, yella d lmelk ɛlayen isem-is Lusifar. Yella d lmelk n tafat Ɣas akken Illu iseffeɣ-d Cciṭan seg igenni, mazal yesɛa tazmert nnig ugama. Adlis n Uweḥḥi n Yuḥenna beggent-ed belli Cciṭan akked imddukal-is ad xedmen lberhanat iwakken ad ɣuren medden. Aweḥḥi n Yuḥenna 16:14 yenna-yaɣ-d, yir lerwaḥ-agi sɛan tazmert ad xedmen lberhanat Ruḥen ɣer yal agellid di ddunit, iwakken ad ten-sduklen akken ad nnaɣen mgal Illu Anezmar. Lameɛna ass-nni ad yili d ass n trennawt tameqqrant ( EEO) Ma tebɣiḍ ad teɣreḍ ugar n imedya, tzemreḍ ad teɣreḍ Aweḥḥi n Yuḥenna 13:3 akked Aweḥḥi n Yuḥenna 13:13-14

D acu-tt lfakya-nni ɣef ttejra?

D azamul n uɣuru n tuɣalin am Yillu dɣa i Ɣiles d tilleli si tuzzma akked lḥecma. Mačči d lfakya-nni yellan di Leǧnan n Ɛidin.

D acu-tt tafat-nni timddehebt i iɣummen Ɣiles?

D Rruḥ Iqedsen i d-yersen iwakken ad s-d-ismekti i Ɣiles lweɛd n Yillu d akken ad yettili daymen yid-es. Rruḥ Iqedsen iḍmen Ɣiles belli ur ilaq ara ad yaggad yerna Illu ad t-id-isellek di teswiɛin n ddiq.

Acuɣer i ibeddel Cciṭan yuɣal d azrem s wacciwen?

Nesken-d Cciṭan ibeddel yuɣal d azrem-nni n tedwilt-nni "Di tazwara", lameɛna tura yuɣal meqqer yerna d tuggza meqqren s waṭas . Ur nebɣi ara ad d-nesken Cciṭan am wakken i d-ittwaglem deg udlis n Uweḥḥi n Yuḥenna, axaṭer deg-s aṭas n yizamulen iwumi yezmer ad yettwaskasi unamek .

Ayɣer i yerkeb Yasuɛ aɛudiw amellal ?

Adlis n Uweḥḥi n Yuḥenna yettmettil Yasuɛ ɣef uɛudiw amellal : Mbaɛd, walaɣ igenni yeldi, dɣa iban-d yiwen n uɛawdiw, d amellal. Win i t-id-irekben isem-is unṣiḥ, aḥeqqani. Iḥkem yerna yettḥarab s lḥeqq. Allen-is am uḥeǧǧaǧu n tmes; ɣef uqerru-s, aṭas n tɛeṣṣabin; Isɛa yiwen n yisem yuran, yiwen ur t-issin, siwa netta. Ilsa yiwen n ubernus isebɣen d idammen; isem-is Awal n Yillu. (Aweḥḥi n Yuḥenna 19:11-13 EEO) Tzemreḍ ad teɣreḍ aṛic s lekmal-is deg udlis n Uweḥḥi n Yuḥenna 19:11-21

Di tedwilt n Udlis n Tmusni “ Aweḥḥi n Yuḥenna: Imennuɣ Aneggaru!” llant lmalayekat deffir Yasuɛ i irekben daɣen iɛudiwen d imellalen.

Acuɣer ur d-seknem ara ttfaṣil akk n Yasuɛ seg Udlis n Uweḥḥi n Yuḥenna?

Izamulen yellan deg wayen yettmettil Yasuɛ yettwafeṣel s ttedqiq akked tugniwin iweɛren yerna izmer ad yili d aṭas ɣef warrac imecṭaḥ

Acuɣer i yesɛa Yasuɛ tamuɣli iǧehden mi akken yella ɣef uɛudiw amellal?

Anexẓur-is yella yewɛer yerna treṣṣa ɣef weɛdaw, Cciṭan akked iserdasen-is.

D acu-tent takurin-nni s teftilt tazegzawt i d-itteffɣen si lɛesker n lmuluk?

Ttwarnant i wakken ad d-mettel s wudem ibanen kra seg yiduba ittwasxedmen deg umennuɣ .

D acu-tt teftilt-nni taxilit i gceggeɛ Yasuɛ seg ufus-is mgal Cciṭan?

D agensas i d-ittbanen n tezmert taniglawit akked trebbanit n Yasuɛ. Nebɣa d akken igurdan n ddunit merra ad fehmen belli Yasuɛ issexdem yiwet n tzemert tarebbanit.

Ɛni yemmut Cciṭan mi akken i t-yewwet Yasuɛ n tafat-nni?

Aseɣleb n Yasuɛ ɣef Cciṭan ittmetil-ed aḍegger n Cciṭan ɣer tmedda n tmes. Tira Iqedsen nnant-ed, Cciṭan, win akken i ten-ittɣerriqen, ittwaḍegger ɣer temda n tmes akked tkebrit, anda i tella leɛqira nettat d nnbi n lekdeb. Ad mmermden dinna am yiḍ, am wass, si lǧil ɣer lǧil.(AweRevelation 20:10 EEO).

D acu-t uzadaɣ-nni n wureɣ i d-iṣubben seg yigenni?

D tamdint n Yillu, Yarucalim tajḍidt Adlis n Uweḥḥi n Yuḥenna yenna-d, Walaɣ tamdint iqedsen, Yarucalim tajdidt, tettṣubbu-d seg yigenni sɣur Yillu, thegga am teslit icebbḥen iman-is i urgaz-is. (Aweḥḥi n Yuḥenna 21:2 EEO)

D acu-tt tmuɣli-nni i gwala Ɣiles ɣer tagara?

Ɣiles iwala tamuɣli-nni i d-yeglem Yuḥenna. Tira Iqedsen nnant-aɣ-d ɣef leḥwayeǧ ifazen ara yexdem Illu: Ad asen-isfeḍ imeṭṭawen seg wallen-nsen, ur tettuɣal ara ad d-tili lmut; ur d-ittili leḥzen, wala leɛyaḍ, wala lqerḥ, axaṭer leḥwayeǧ timezwura ɣabent." 5Win akken yeqqimen ɣef ukersi n leḥkem yenna-d: "Aql-i ad xedmeɣ kullec d ajdid."(Aweḥḥi n Yuḥenna 21:4-5 EEO).

Acuɣer i tella tewwurt n n tzeqqa n lɛerc d tafrawant?

Nebɣa ad s-nefk udem n igenni am ubrid agejdan i geṣfan am zǧaǧ. Tawwurt ur tecbi ara tiwwura n temdint i gettwaxedmen s tɛeqqucin. Tnac-nni n tewwura, d tnac n tɛeqqucin; yal tawwurt tettwaxdem s yiwet n tɛeqquct. Azniq n temdint, d ddheb yeṣfan am zzǧaǧ yeṣfan.(Aweḥḥi n Yuḥenna 21:21 EEO)

D acu-ten ikersiyen-nni imecṭaḥ n leḥkem i s-d-yezzin i ukersi n leḥkem n Yillu?

Llan d ikersiyen n leḥkem n rebɛa uɛecrin n yimɣaren, akken i gura deg Udlis n Uweḥḥi n Yuḥenna, zzin-as-d rebɛa uɛecrin n yikersiyen n leḥkem; qqimen fell-asen rebɛa uɛecrin n yimɣaren lsan llebsa tamellalt, ɣef yiqerra-nsen, tiɛeṣṣabin n ddheb (Aweḥḥi n Yuḥenna 4:4 EEO)

D acu-t wasif-nni i d-ittfeǧǧiḍen seg ukersi n leḥkem?

D yiwen n wasif n waman n tudert, ttfeggiḍen-d seg ukersi n leḥkem n Yillu . Amceggeɛ Yuḥenna yura, Isken-iyi-d yiwen n wasif n waman n tudert, ṣfan am kristal, ttfeggiḍen-d seg ukersi n leḥkem n Yillu akked yizimer(Aweḥḥi n Yuḥenna 22:1 EEO).

D acu-ten lḥiwan-nni-nni yesɛan afriwen yerna ttferfiren zzin-ed i wukersi n leḥkem n Yillu?

D rebɛa-nni n lḥiwa iɣef i d-ihder udlis n Uweḥḥi n Yuḥenna: Zdat ukersi-nni n leḥkem, illa am wakken d lebḥer n zǧaǧ yecban kristal. Di tlemmast n ukersi-nni n leḥkem, si yal lǧiha n ukersi-nni n leḥkem, llan rebɛa n lḥiwan, ččuren d allen si zdat, si deffir(Aweḥḥi n Yuḥenna 4:6 EEO). D netni kan i qqaren: "D Imqeddes, d Imqeddes, d Imqeddes...” Tira Iqedsen nnant-ed, Rebɛa n lḥiwan-nni, yal yiwen deg-sen isɛa setta n wafriwen, yerna ččuren d allen swadda sufella. ur ḥebbsen ara, am yiḍ am wass, qqaren: "D Imqeddes, d Imqeddes, d Imqeddes, Ssid Illu, Anezmar, win yellan zik, win yellan tura, win ara d-yasen!" (Aweḥḥi n Yuḥenna 4:8 EEO).

D acu-t usigna-nni aḥcici i s-yezzin i ukersi n leḥkum n Yillu?

Tira Iqedsen nnant-aɣ-d belli tella yiwet n tafat ittceɛciɛen am imrud i s-d-yezzin i ukersi-nni n leḥkem: Ṣṣifa n win akken yeqqimen, am uẓru n jasb akked sardwan; Akersi-nni n leḥkem, izzi-yas-d lqus yesɛan ṣṣifa n imrud. (Aweḥḥi n Yuḥenna 4:3 EEO).

Acuɣer i geqqim Yasuɛ ɣer tama n ukersi n leḥkem n Yillu?

Yasuɛ , Mmi-s Imqeddes n Yillu eyrna tura yettuɛeḍem deg igenni. Adlis n Aweḥḥi n Yuḥenna yenna-d, Akersi n leḥkem n Yillu akked yizimer ad yili di temdint, iqeddacen-is ad qedcen fell-as (Aweḥḥi n Yuḥenna 22:3 EEO). Tira Iqedsen nnant-aɣ-d, Walaɣ di tlemmast n ukersi-nni n leḥkem, ger rebɛa n lḥiwan-nni, ger yimɣaren-nni, yiwen n yizimer, ibedd, amzun yemzel (Aweḥḥi n Yuḥenna 5:6 EEO).

Nekk d aɛeggal n Terbeɛt Adlis n Tmusni. Acuɣer urɛad i d-ṭṭifeɣ tisukan-iw n "Uweḥḥi n Yuḥenna": Amennuɣ Aneggaru”?

“Aweḥḥi n Yuḥenna: Amennuɣ Aneggaru!” d asaru uzzig yerna ur ittekka ara di Terbaɛt n Udlis n Tmusni tura. DVDs tzemrem ad ten-tessutrem ɣer CBN.com or by calling 1-800-759-0700. Iɛeggalen n terbaɛt ad d-ṭṭfen 1 Udividi rnu-yas 2 baṭel i kan n win ara d-imudden tikci n 25$

Ankar n Buṭrus

Di “Ankar n Buṭrus”, Yasuɛ yenna i Buṭrus, “A Cimɛun, a Cimɛun, Cciṭan issuteriken-id i wakken ad ken-isɣerbel am yirden” ( Lusa 22:31 EEO) D acu i yebɣa ad t-id-yini Yasuɣ s “usɣerbel”?

Asɣerbel tella d asemres amiran n yifellaḥen n tmurt n Israyil taqburt . Asɣerbel d afran ger irden d tɣawsiwin nnḍen ur nemɛin am wakal d yidɣaɣen . Sɣerbilen irden s uhuzzu ɣer zdaxel n yiwet n lḥila s uɣerbal iwakken irden ad ɛeddin ma d tangiwin ur nemɛin ad qqiment. Yasuɛ yenna-d belli Cciṭan ibɣa ad s-d-yexdem uguren iwakken ad ittwali iman-is ur yenfiɛ ur yeṣfi. Lameɛna Yasuɛ idɛa ɣef Buṭrus iwakken ad iɛeddi i ujerreb-agi dɣa ad yili d ssebba n usseǧhed n lmumnin nniḍen: Meɛna nekk, dɛiɣ fell-ak, iwakken ur ifeččel ara liman-ik. Kečč, mi d-tuɣaleḍ, sseǧhed atmaten-ik." (Luqa 22:32 eeo).

Acuɣer i gettxemmim Buṭrus d akken Yasuɛ ad sbedden d agellid n wat Israyil?

Ɣef llsas n usefhem-is n iciriyen n Lɛahd Aqdim, agudud ayahudi ittraǧu, di leɣlaḍ, d akken Lmasiḥ ( Udhin) ad iɣleb lɛesker n Ruman i ten-istɛemren, ad d-yerr tageldit n Israyil dɣa ad t-sbedden d agellid n Israyil. Lameɛna Yasuɛ isnekmal iciriyen ɣef Lmasiḥ s wudem yemgaraden: Yusa-d d aqeddac i genneɛtaben yerna immut ɣef ddemma n ddnubat-nneɣ. Yiwen wass, ad d-yuɣal am ugellid ara istɛemren yerna ad yeḥkem ɣef ddunit merra.

Acuɣer i genker Buṭrus Yasuɛ?

Buṭrus ur yuggad ara aqeddac-nni, lameɛan yuggad ad t-ṭṭfen dɣa izmer ad t-nɣen. Mbeɛb mi gettwaṭṭef Yasuɛ, Buṭrus isla i yiwen seg iɛessasen n Ufakan yenna ɣef Yasuɛ d inelmaden-is; "Aha kan ad ixelleṣ s netta d inelmaden-is." Deg umkan ad iṭṭef di lweɛd n Yasuɛ ɣef wayen yeɛnan tudert n dayem, Buṭrus ixemmem ad isellek tudert-is n lqaɛa.

Acuɣer ccwami n imesmaren banent-ed ɣef texlifin n Yasuɛ mačči ɣef ifassen-is?

Mi gura di Lɛahd Ajdid ɣef Yasuɛ ittwasemren deg "ifassen-is", issexdem yiwen wawal agrigi i gesɛan anamek wessiɛen ugar ɣef wawal aqbayli 'Ifassen" Deg awal agrigi ittekka deg-s ufus, taxlift akked yiɣil. Rnu-yas, imazrayen ufan-d belli mi ara semmren yiserdasen iṛumaniyen imdanen , senttayen imesmaren deg tidklin, tixlifin neɣ iɣalen. Lemmer Yasuɛ yettwasemmer deg tdikal, ihi iserdasen ad ilin cudden-as iɣalen-is ɣer umidag s imurar. Izmer ihi Yasuɛ ad yili ittwasemmer deg tdikal-is neɣ deg texlifin. Akken yebɣu yella-d wamek i teḍra, nezmer ad neḥmed Amsellek-nneɣ imi i gemmut ɣef ddnubat-nneɣ.

Acuɣer i gettfeǧǧiǧ Yasuɛ mbeɛd ḥeggu?

Nesseqdec yiwet n tlelli n usnulfu iwakken ad nɛiwen arrac ad fehmen belli Yasuɛ yella di tfekka-s n ḥeggu mačči di tfekka-nni n wemdan s wacu i d-yusa uqbel ḥeggu. Mi d-yeḥya Yasuɛ si ger lmeggtin, yesɛa daɣen tafekka, meɛna d tafekka n lɛaḍima. Izmer ṭṭbiɛa-ines tarebbanit akked lɛaḍima-s kkan-d sɣur-es. Ayagi izmer ad ɣ-d-ismekti tallit-nni anda tbeddel ṣṣifa n Yasuɛ ɣef udar Umbaddal. Linǧil n Matta yeḥka-d acu yeḍran: Tembeddal ṣṣifa-s zdat-sen: Udem-is ittfeǧǧiǧ am yiṭij, llebsa-s tuɣal d tamellalt am tafat ( Matta 17:2 eeo) Imdanen i gerzan ɣer igenni ccehden-d $qef tmanegt yessewhamen n Yasuɛ! Tafat akked leḥmala tfeǧǧiǧ-ed seg-s - axaṭer d Mmi-s n lebda n Yillu!

Gidɛun

D acu-tt tmurt n Ɛufra?

Ɛufra tella d tamdint deg ugafa n Yarucalim Amkan s tedqiq anda tella Ɛurfa deg-s ccekk, lameɛna tella di temnadt yettunefken i wedrum asrayili n Manaci.

D anwa-ten at Midyan?

Llan d imdanen i gettruḥun seg umkan ɣer wayeḍ Kecmen tamurt n Israyil yerna ttakren lɣella-nsen d yiɣersiwen-nsen Lameɛna, at Israyil drus n lqut i sɛan i wučči yerna iwɛer-asen ad qqimen ddren - llan mmugren-d laẓ . Dɣa tteɛraḍen ad fren iman-nsen, s nutni d lɣella-nsen deg yifran akked lɣiran. Tira Iqedsen ḥkant-ed, “At Midyan zeyyren-tt ɣef Israyil. At Midyan ssawḍen-At Israyil armi i rewlen ɣer yidurar, zedɣen deg yifran, di lɣiran akked yicerfan” ( Inezzurfa 6:2 EEO)

Acuɣer i d-seknem Yasuɛ ihedder akked Gidɛun?

Tira Iqedsen nnant-ed belli "lmelk n Umeɣlal" ( Inezzurfa 6:12) ihder akked Gidɛun, dɣa imusnawen n tussnarebbi qqaren belli awal-agi "lmelk n Umeɣlal" iqsed-ed asebggen n Yasuɛ iman-is di Lɛah Aqdim. Rnu-yas, di teqṣiṭ n Gidɛun, Tira Iqedsen nnant-ed belli lmelk n Umeɣlal yella d AMEƔLAL s yiman-is Lɛahd Aqdim izga issexdam sya "lmelk n Umeɣlal" sya nniḍen "Ameɣlal" iwakken ad d-isbeggen belli d yiwen. S imeslayen nniḍen, "lmelk n Umeɣlal " yella d "Ameɣlal", yerna neẓra belli "Ameɣlal" d isem n lɛahd n Yillu. Attah tseddart tasarut deg uḥric-agi: Ameɣlal izzi-d ɣur-s, yenna-yas: "Ruḥ s lǧehd-nni i tesɛiḍ, ad d-tsellkeḍ At Israyil seg ufus n wat Midyan. Eɛni mačči d nekk i k-iceggɛen? (Inezzurfa 6:14 EEO)

Acuɣer i s-issawel Yasuɛ i Gidɛun " ay lefḥel" qal netta d amaggaḍ?

Yasuɛ ihedder i Gidɛun ɣef leḥsab n tezmert-is mi ara teqdec deg-s tezmert n Yillu. Nezmer ad nwali belli Illu ad t-iɛiwen, axaṭer Yasuɛ yenna-yas: " Yak ad iliɣ yid-ek. Ad tɣelbeḍ At Midyan am wakken d yiwen n urgaz."(Inezzurfa 6:16 EEO) Illu izmer ad ixdem leɛǧayeb s yal yiwen deg-nneɣ ma yella nesɛa liman deg-s yerna nettaɣ-as awal.

Acuɣer i gessuter Gidɛun licara?

Di tazwara Gidɛun ur d-yerri ara s lexbar belli inebgi-nni d lmelk n Umeɣlal. Rnu, Gidɛun iwala iman-is d amecṭuḥ yerna mačči d netta i glaqen iwakken ad isselḥu tarbaɛt n lɛesker tarennawt. Gidɛun yenna-yas: "A nnaɣ, a Sidi! S wacu ara d-sellkeɣ At Israyil? Adrum-iw, d netta i d aqell n lɛerc n wat Manaci, yerna d nekk i d amaẓuẓ n uxxam n baba."(Inezzurfa 6:15 EEO) Yasuɛ yefka-yas-d licara mi gesserɣ s lberhan lweɛda-nni n lmakla dɣa yennerfaɛ.

Anwa i d-ihedren seg igenwan?

Tira Iqedsen nnant-ed belli Illu ihder-ed seg igenni: “Ili-k di lehna,” yerra-yas Illu Ur ttaggad ara. Ur tettemttateḍ ara ( Inezzurfa 6:23 EEO)

Acuɣer i gettkemil Gidɛun yesutur deg Umeɣlal licarat?

Gidɛun ikemmel ittcukku deg Illu d akken ad t-isseqdec, lameɛna Illu iṣber-as yerna yedda-yas di lebɣi deg wayen i s-d-issutur.

D acu i d-ilis n taḍuṭ?

Tagi d tawriqt n taduṭ tawḥidt i i d-ittwakksen seg yiwen ubernus n taḍuṭ n yikerri

Yessefk fell-aɣ ad nerr yiwen n "yilis" zdat n Yillu ass-a?

Xaṭi, werǧin iweṣṣa-yaɣ Illu ad nexdem yiwet n tɣawsa am tagi. Ilis yella d tikti n Gidɛun, dɣa Illu yedda-yas di lebɣi i Gidɛun imi iccukk yerna issuter-as-d ayenni. Lameɛna lemmer ad neǧǧ d tiswiɛin ara ad ɣ-ittwellihen, nezmer ad nruḥ di leɣlaḍ s tedyanin ara d-iɣlin kan akka neɣ s tḥila n weɛdaw. Deg umkan ad nessers ilisen zdat n Yillu, yessefk ad nezzi tamuɣli-nneɣ uqbel kullec ɣer Tira Iqedsen. Ilaq-aɣ daɣen ad nḥess i wayen i d-yeqqar Rruḥ Iqedsen i wulawen-nneɣ .

Jub aqeddac-iw

Acuɣer i d-seknem Cciṭan issexlaɛ akkenni?

Nebɣa-t ad d-iban akkenni diri-t mačči am akken d amcum azehwani. Tinfaliyin-is sbanayent-d reffu-ines ɣef Illu akked wegdud-is. Tadwilt n "Yub" tesken-d mliḥ belli Illu ugar tazmert ɣef Cciṭan Yerna, Tira Iqedsen beggenent-ed belli ula d agrud i yumnen s Yasuɛ izmer ad yesɛu tazmert ɣef Cciṭan mi ara ihedder s yisem n Yasuɛ yerna ad yir lerwaḥ. Arrac zemren ad tteklen ɣef tezmert yellan deg isem n Yasuɛ!

Ur tettut ara belli tidwilin n Udlis n Tmusni ttuheggant-ed s umata i warrac yesɛan ger 5 ar 12 iseggasen. Acu kan , imi mgaraden yigerdan di tneflit-nsen taruḥanit , aḥulfu-nsen ɣer tgensas n twaɣit akkedd ṣṣenf n wahilen i nnumen ttwalin-t , nessumer-asen i yimawlan ad xemmemen i tedwilin i glaqen i yal yiwen seg arraw-nsen . Ɣef kra n tedwilin, ad nenhu imawlan ad walin tadwilt uqbel ad tesneɛten i warraw-nsen

Acuɣer lmalayekkat deg igenni ssawalent-as i Cciṭan “Ameskar"

Tira Iqedsen nnant-ed deg udlis n Yub belli Cciṭan “ d ameskar”. Rnu, Tira Iqedsen nnant-aɣ-d belli Ameksar-nni ur issetḥa ara iqerreb ɣer zdat n Illu-nneɣ Imeqeddes yerna anezmar. Yiwen n wass, arraw n Yillu ruḥen, bedden zdat Umeɣlal; meɛna Cciṭan idda-d gar-sen ( Yub 1:6 EEO) Rnu, adlis n Uweḥḥi n Yuḥenna semman-t Cciṭan “Win yettcektin ɣef watmaten” Yura, Sliɣ i yiwet n taɣect deg yigenni, teǧhed, teqqar: "Tura, d lawan n leslak, n tezmert, n tgeldit n Yillu-nneɣ akked lḥekma n Lmasiḥ-is. Axaṭer yettwanfeḍ-d win yettcetkin ɣef watmaten-nneɣ, win akken yettcetkin fell-asen ɣer Yillu-nneɣ iḍ d wass”(Aweḥḥi n Yuḥenna 12:10 EEO).

Isem nniḍen n Cciṭan “ Amcum”, anamek-is ‘ win yettcekktin ɣe watmaten” neɣ “aqettal”. Yasuɛ isɣer lɣaci ɣef ṭṭbiɛa n Cciṭan mi d-yenna: "Ur iṭṭif ara di tidet, axaṭer ulac deg-s tidet. Mi ara iskkidib, d tina i d ṭṭbiɛa-ines; axaṭer d akeddab yerna d baba-s n lekdeb (Yuḥenna 8:44 EEO).

Mi isuɣ Jub mbeɛd mi s-tewwin lexbar n lmut n waraw-is akked nnger n wayen akk yekseb, yerfa ɣef Yillu?

Yub ur yerfi ara ɣef Yillu. Ismar-ed lqerḥ-is akked leḥzen-is iǧehden mliḥ Tira Iqedsen nnant-aɣ-d, deg wayagi merra, Yub ur idnib ara; ur ilumm ara Illu ( Yub 1:22, EEO)

Acuɣer i icerreg Yub iceṭṭiḍen-is?

Yexdem akkeni iwakken ad d-isken aɣilif-is mi isla s lmut n warrac-is akked yessi-s. Tira Iqedsen nnant-aɣ-d, Yub ikker, icerreg ajellab-is ( Yub 1:20, EEO) Di tallit akked temnaḍt anda yella ittɛici YUb, acerreg n iceṭṭiḍen d ttawil n usebgen n leḥzen.

Acuɣer i iseṭṭel Yub aqerru-s akked tamart-is,?

D ttawil i Yub swayes i d-isken leḥzen-ines mi mmuten warrac-is d yessi-s. Di tallit-is, d lɛadda d akken yiwen mi ara ad immet win ɣlayen fell-as, ad iseṭṭel aqerru-yis akked tamart-is.

Acuɣer i irra iman-is Cciṭan am win umessikel yeɛyan?

Cciṭan yebɣa ad iwali amek ara yexdem Yub s twaɣiyin-nni akk i d-iɣlin fell-as. Ibɣa ad iẓer ma yella Yub ad ilumm Illu Ɣas akken Illu iẓra s wayen akk iḍerrun, Cciṭan isɛa tilas di tmusni-ines akked tzemarin-is, iruḥ armi d amken anda yella Yub iwakken ad iwali acu i iḍerrun.

D acu i d-yeqsed Cciṭan mi d-yenna " aglim s uglim"?

Iban-d d lemtel yettwasnen di tallit n Yub, yerna am akken Cciṭan ittehim Yub d akken netta yewjed akken ad mmten wiyaḍ ma yella tudert-is ad temneɛ. S imeslayen nniḍen, Cciṭan yenna-d d akken Yub ittḥeyyer ugar akken ad isellek ' taglimt-is".

Amek i gezmer Cciṭan yefka-d i Yub ideddiyen di tfekka-s?

Imi d lmelk i d-yeɣlin, Cciṭan isɛa tazmert di rruḥ i gezmer ad issexdem i wayen yelhan neɣ n diri. Mi d-yexleq Illu Cciṭan s yisem n Lusifar, tizzemar-is llant ttwassexdament daymen i wayen yelhan. Lameɛna CCiṭan ixtar ad issexdem tizzemar-is iwakken ad iḍur Yub. Yal yiwen deg-nneɣ isɛa tizzemar i glaq ad nessexdem i wayen yelhan - ad nɛeḍem Illu yerna ad nɛawen medden.

Acuɣer imddukal n Yub tehmen-t belli yedben?

Llan ɣilen belli ma yella alebɛeḍ inneɛtab, axaṭer yedben neɣ tedneb.

Acuɣer i yerfa Jub ɣef imddukal-is?

Yub inneɛtab s lexsara n warraw-is d leǧruḥ qerriḥen nezzeh ɣef tfekka-s . Rnu-yas, imddukal-is—deg umkan ad t-ɛezzin neɣ ad t-ṣebbren—-rnan ɣef leɛtab-is atehhem di lbaṭel.

Mi akken i isteqsa Illu Yub ɣef txelqit n ddunit, anwa ahṛic si ddunit i d-tseknem? Ur ittemcabi ara akk s alebɛeḍ imekwan n ddunit n tura.

Imusnawen n Tira Iqedsen ɣilen belli mi akken i d-ixleq Illu ddunit di tazwara, tella d yiwen n lberr kan akkeni. Atah d acu i d-tennant Tira Iqedsen ɣef wass wis tlata n txelqit: "Aman yellan ddaw igenni ad nnejmaɛen ɣer yiwen n umkan, ad d-iban lberr." Akka i teḍra. Illu isemma i lberr: "Lqaɛa", isemma i waman yennejmaɛen: "Lebḥur". Illu iwala belli d ayen yelhan ( Laṣel n Ddunit 1:9-10 EEO) Lberr-agi ibḍa mbeɛd ɣef imenẓaw s twaɣilt-nni tameqqrant n uḥemmal n waman di lweqt n Nuḥ.

Amek i issaweḍ Yub yerna iɛac 140 n iseggasen nniḍen mbeɛd mi gella d amɣar yakan?

Imdanen llan ttɛicen aṭas di lewqat-nni mbeɛd taxelqit n ddunit. Tira Iqedsen nnant-ed belli uqbel aḥemmal n Nuḥ, medden ttidiren d meyyat iseggasen. Mbeɛd aḥemmal, iqqim akken ttidiren d meyyat n iseggasen, Lameɛna akud-nsen n tudert yebda cwiṭ cwiṭ ittenqas. Lameɛna, Tira Iqedsen nnant-ed belli Abraham iɛac 175 n iseggasen, Isḥaq iɛac 180 n iseggasen. Izmer Yub iɛac drus kan n lweqt mbeɛd aḥemmal, ihi d ayen yessewhamen imi ur iɛac ara aṭas akkeni.

Yiwet si ssebbat d akken ibabaten imezwura ɛacen aṭas n iseggasen izmer imi ADN-nsen ur tesɛa ara tiɛewji. Mi d-yexleq Illu Adem akked Ica, l'ADN-nsen yella d aneblal, lameɛna tisuta i d-yusan deffir ɛeddant-ed deg waṭas ubeddel deg ijiniyen-nsen i tent-yerran d tuḍɛifin deg wayen yeɛnan akala n temɣer akked waṭṭan. Izmer lḥal d aɣen d akken mbeɛd aḥemmal-nni n waman n ddunit di tallit n Nuḥ, amaḍal iɛedda-d deg waṭas ubeddel imeqqranen, am iceqqra icudden ɣer twennaṭin akked lmakla, akked d imiha ittnernnin n waṭṭanen.

Aqcic Ijaḥen

Amek akka yiwen weqcic d amectuḥ am Mika fkan-as ad ikes lmal n twacult-is?

Ɣas akken asteklef s tqeḍɛit n lmal yella d tamasit yesɛan azal yerna iweɛren, ur yelli ara yuqan , di tallit taqburt, d akken aqcic ad yuɣal d ameksa. Amedya d eg wayagi d Dawed di Lɛah Aqdim. Yella d netta i d amectuḥ n tmanya n watmaten-is, lameɛna fkan-as ad isteklef n wakraren-nsen d tɣeṭṭen-nsen. Tira Iqedsen nnant-ed belli mi akken i igceggeɛ Illu nnbi Camwil iwakken ad yedhen agellid imal n wat Israyil, isteqsa Icay, "D ayagi i tesɛiḍ n warrac?" Irra-yas: "Mazal amecṭuḥ. Atan ikess lmal." (1 Camwil 16:11 EEO).

Ɣas akken taksawt d ayen iweɛren, meɛna d amkan yunzen yerna d awaḥdani. Izmer atmaten-is imeqqranen bɣan ad sɛun imukan ɛlayen.

Acuɣer i d-seknem tikli-nni n diri n uqcic-nni ijaḥen?

Yiwen seg iswiyen-nneɣ mi d-nesnulfa tidwilin n Udlis n Tmusni d akken ad nili d imekdiyen i Tira Iqedsen ɣef wayen yeɛnan amezruy neɣ adlis. Di liḥala n " Uqcic-nni ijaḥen", neqsed-d ad d-nesken s wudem n tidet tidyannin akk n tuccḍa di tudert n uqcic-nni ijaḥen, i gḍefren iberdan n ddnub n ddunit. Nebɣa daɣen ad d-nesken igmaḍ iwaɣiyen n tikli-ines tamednubt. Si tama-nniḍen, neɛreḍ akken ur d-neskanay ara yal armud icemten.

Lameɛna, mi d-yeḥka Yasuɛ tamɛayt-nni n uqcic ijaḥen, imesla-ines fehmen lmeɛna n teqṣiṭ Acu kan , imi imesla n wass-a ttidiren deg yiwen wedlis akked tallit n umezruy yemgaraden mliḥ, zemren ur fehmen ara lmeɛna n teqṣiṭ. Iwakken ad d-nekk sennig wugur-agi, nesken-d "tudert i gefka i jjiḥ" uqcic-nni ijaḥen deg yiwet " tmurt ibeɛden"

Imi mgaraden igurdan deg unerni-nsen di rruḥ, aḥulfu-nsen ɣer tteswirat iweɛren akked ṣṣenf n tedwilin i uɣen tannumi ttmuqulen, nessumer i yimawlan ad walin anta tadwilt i glaqen i warrac-nsen. I DVD, nerna-d yiwet n tenqiṭ yesɛan azal i yimawlan, njerred-itt s uzeggaɣ, nettak-asen affud akked ad ferǧen tadwilt uqbel ad t-seknen i warrac-nsen. Izen yettwaru ɣef tebwaṭ neɣ aɣummu n l DVD akked Umnir n Usqerdec di Twacult.

D acu-ten tfenza-nni i ttmuddun akken ad s-ɛelfen ilfan?

Tifenza-nni izmer lḥal d axerrub neɣ d ibẓaẓ. Tifenza-nni zzaḍen-tent dɣa ttmuddun-ten i iɣersiwen.

D acu-tt tseddart-nni taneggarut i d-ittwabdren ɣer tagara n tedwilt?

Tassedart-nni tella deg Uhellil 103:8 Teqqar-ed, “Ameɣlal, d aḥnin, d bab n rreḥma; ẓẓay i reffu, iččur d leḥmala” ( EEO)

Ilya akked lanbeyya n Baɛal

Anwa-t Baɛal?

Baɛal yella d arebbit n lekdeb i gɛebbed wegdud akenɛani di tallit n Israyil taqburt. Akken i t-nwala di "Ilya akken lanbeyya n Baɛal", imdanen xedmen-d imesmuden iwumi ttẓallan, ttqeddimen iseflawen yerna ɛebbden.

Acḥal yeqqim ur d-yewwit ara igeffur?

Mbeɛd mi d-iberreḥ Ilya belli ur d-yekkat ara ugeffur, Illu iṭṭef ageffur di temnaḍt-nni, dɣa ur d-yewwit ara ugeffur azal n tlata iseggasen d setta n wagguren! Tira Iqedsen nnant-aɣ-d, “Ilya yella d amdan am nekni: Iẓẓul s uḥellel i wakken ur d-iɣelli ara ugeffur; dɣa ur d-iɣli ara ugeffur ɣef lqaɛa tlata n yiseggasen d setta n wagguren!” ( Yeɛqub 5:17, EEO)

Acuɣer iqeddmen izgaren d asfel??

Aqeddem n iɣersiwen d asfel yella di ddyanat tiqburin, yerna ula d ccariɛa n Illu tefka-d i wat Israyil deg-s aqeddem n iɣersiwen d asfel. Tira Iqedsen sfehment-ed, “Di ccariɛa, qrib kullec ittizdig s yidammen. Mebla tazzla n yidammen, ulac leɛfu” (Iɛebraniyen 9:22 EEO) D ayen isɛan azal ad nẓer d akken iseflawen i d-ittwasutren di Ccariɛa n Musa qesden-d Yasuɛ, axaṭer Yasuɛ yefka idammen-is d asfel ɣef umidag ɣef ddemma n ddnubat-nneɣ. Yasuɛ yella d asfel aneggaru i ddnubat-nneɣ, dayen ur nuḥwaǧ ara iseflawen.

Acuɣer i gessuter Ilya i lɣaci-nni ad smiren acḥal bɣan n waman ɣef wesfel-ines akked isɣaren n wesfel?

Yebɣa ad issaɛer acɛal n tmes yerna ad d-itebbet mebla ccekk d akken Illu ixdem-d yiwen lberhan.

Acuɣer i d-seknem annect-nni n lɛibada n imesmuden n lanbeyya n Baɛal ɣef wedrar. Karmil?

Nebɣa ad d-nessefhem d akken ɣas akken taswiɛt n lɛibada n lanbeyya n Baɛal tɛeṭṭel yerna tḥemsen akk, illu-nsen n lekdeb ur ad sen-d-yerri ara.

Acuɣer i d-seknem lmut n lanbeyya n Baɛal?

Tanqiṭ tagejdant n teqṣiṭ n Tira Iqedsen d akken Illu n wat Israyil itebbet-ed belli d netta kan i d Illu n tidet, yerna d netta kan i glaq ad ɛebden imdanen. Ur nufi ara belli issefk ad d-nesken acu i sen-yeḍran i lanbeyya n Baɛal.

Imi agdud illa iɛebbed arebbit n lekdeb ittusemman Baɛal, acuɣer ur d-tebdirem ara Illu n tidet n wat Israyil s yisem-is aɛibrani, Yahwah?

Yal tikkelt i deg udmawanen n Tira Iqedsen n tedwilin n Udlis n Tmusni qqarend lḥaǧa yellan di Tira Iqedsen, imeslayen-nsen ttwakksen-d qbala si tsuqilt n Iwaḍiyen (EEO) Tasuqit-agi n Tira Iqedsen tessexdem awal Ameɣlal iwakken ad beggen Illu n wat Israyil, s ubdar n yisem-is n Leɛqed, Yahwah. Yura di tasuqilt n Iwaḍiyen :"Imiren Ilya iqerreb s agdud merra dɣa yenna:Ar melmi akka ara tettneggizem si tciṭa ɣer tayeḍ? Ma d Ameɣlal i d Illu, tebɛet-t! Ma d Baɛal, tebɛet-t!" (1 Igelliden 18:21).

Tallalit n Yuḥenna Aɣeṭṭas

D acu i d lweɛda n ttbaxur?

Lweɛda n ttbaxur d tasruɣi n lebxur iqedsen deg Ufakan, ayagi yella d lamer sɣur Yillu. Mi ara mmaren lebxur-nni ɣef tregtin ireqqen, yettali-d yiwen n leɛṭer acekk-it. Lweɛda n ttbaxur yella d azamul n tẓilla n wegdud n Yillu. Am lebxur i gettalayin deg Ufakan, tiẓilla n wat Israyil ad ttalin armi d ukersi n leḥkem n Yillu. Yiwen uhellil d Dawed icebbeh taẓallit-is ɣer lweɛda n lebxur deg Ufakan: Taẓallit-iw ad tili d lebxur zdat-k; Arfad n yifassen-iw, d lweɛda n tmeddit.(Ihellilen 141:2 EEO). Adlis n Uweḥḥi n Yuḥenna icebbeh daɣen lebxur imqeddsen ɣer tẓilla n wegdud n Yillu: “Yiwen n lmelk-nniḍen iruḥ-d dɣa ibedd ɣef uɛalṭar, yewwi-d timbexxert n ddheb. Ttunefken-as-d aṭas n lebxur i wakken ad ten-iqeddem akked tẓilla n yimqeddsen ɣef uɛalṭar n ddheb, yellan zdat ukersi n leḥkem. Abbu n lebxur-nni yuli akked tẓilla-nni n yimqeddsen seg ufus n lmelk-nni zdat Yillu.” (Aweḥḥi n Yuḥenna 8:3-4 EEO).

D acu-ten isaffen-nni n tmes i d-ittṣubbun ɣer Ufakan dɣa ttuɛalen d yiwen umeqyas n tmes ansi i d-ittefeɛ Gabriyil?

Nessexdem yiwen n ttesriḥ n usnulfu iwakken ad d-neglem anekcum n Gabriyil iwakken ad d-iban d ayen yesswhamen yerna iččur d tazmert daɣen ad d-nesker assewhem di Ḥizqiyal.

Acuɣer i d-seknem lmelk Gabriyil s wafriwen?

Deg tidwilin n Udlis n Tmusni, nessexdem yiwen n ttesriḥ n usnulfu iwakken ad d-nmettel lmalayek s wafriwen akken yella d tugna tazamult n lmalayek. Imdanen n ddunit merra walan lmalayekt n wafriwen. Nebɣa d akken imdanen-agi ad ɛeqlen lmalayek deg Udlis n Tmusni am wid yellan di tugniwin iwalan yakan.

Aṭas n tseddarin n Tira Iqedsen i d-igelmen lexliqat n igenni s wafriwnen. Amedya, Adlis n Uweḥḥi n Yuḥenna ihedder-d ɣef rebɛa n lexliqat i d-yezzin i ukersi n leḥkem n Yillu: Zdat ukersi-nni n leḥkem, illa am wakken d lebḥer n zǧaǧ yecban kristal. Di tlemmast n ukersi-nni n leḥkem, si yal lǧiha n ukersi-nni n leḥkem, llan rebɛa n lḥiwan, ččuren d allen si zdat, si deffir” ( Aweḥḥi n Yuḥenna 4:6 EEO) Llan cennun “"D Imqeddes, d Imqeddes, d Imqeddes.. Tira Iqedsen hedrent-ed ɣer lexliqat-agi( lḥiwan-agi) ”Yyal yiwen deg-sen isɛa setta n wafriwen, yerna ččuren d allen swadda sufella. Ur ḥebbsen ara, am yiḍ am wass, qqaren: "D Imqeddes, d Imqeddes, d Imqeddes, Ssid Illu, Anezmar, win yellan zik, win yellan tura, win ara d-yasen!"( Aweḥḥi n Yuḥenna 4:8 EEO)

Rnu, mi akken i gefka Illu i Musa lewṣayat ɣef Usenduq n Lɛahd, yenna-d belli ilaq ad yesɛu ikerruben s wafriwen sufella n uɣummu-ines. Ikerruben-nni ad d mqabalen, udmawen-nsen wehhan s aɣummu-nni n usuref. Ad ḍelqen i wafriwen-nsen ɣef uɣummu n usuref i wakken ad seḥbibren fell-as ( Tuffɣa 25:20 EEO)

Nnbi Icɛaya yura: Deg useggas ideg yemmut ugellid Ɛuzya, walaɣ Sidi. Yeqqim ɣef ukersi ɛlayen aṭas; ijufar-is ččuren Afakan. Isarafiyen bedden nnig-s; yal yiwen isɛa setta n wafriwen: Sin i wakken ad ttɣummun yis-sen udmawen-nsen, sin i wakken ad ttɣummun yis-sen iḍarren-nsen, sin i wakken ad ttafgen yis-sen. (Icɛaya 6:1-2 EEO)

Acuɣer i glaq ad ittusemmi mmi-s n Zakarya akked Ilicabaɛ Yuḥenna?

Anamek n yisem Yuḥenna " Illu d win ittmudun mebla cceḥa" Izmer ayagi ad icudd ɣer lberhan yexdem Illu, i gefkan s leɛnaya agrud i Zakarya akked Ilicabaɛ, ɣas akken nutni llan meqqrit di leɛmer yerna Ilicabaɛ ur tezmir ara ad terfed s tadist.

Acuɣer i geggugem Zakarya? Ɛni d lɛiqab?

Zakarya ibɣa ad iẓer ma yella anebbi-nni ad d-yedpru s tidet. Imi ur yezmir ara ad ihder i kra n lweqt ibeggen-d belli Illu iqeddec s tidet yerna anebbi-nni ad d-yeḍru.

D acu-ten ccuɛat-nni n tafat tacebḥant i d-ittefɣen seg Ufakan dɣa ttɛeddayen ger ifassen n lmuqeddmin?

Nessexdem yiwen n ttesriḥ n usnulfu iwakken ad d-nesken tilin n Rruḥ Iqedsen ittefeɛ-d seg Ufakan. Rruḥ n Yillu ittawi-d lemzeyya akked lbarakat n Ssid i wegdud. Illu yumer lmuqeddmin ad barken agdud n Israyi s imeslayen-agi: “Ad k-ibarek Umeɣlal iḥrez-ik; d d-icceɛceɛ Umeɣlal tafat-is fell-ak iḥunn fell-ak! Ad d-izzi Umeɣlal udem-is ɣur-k yefk-ak-d lehna! ( Aneẓruf 6:22-27 EEO) Neqqar-as i tagi lbaraka n Lmuqeddem

D acu i d anamek n wamek irefde lmuqeddmin ifassen-nsen mi akken cennun lbaraka n lmuqeddem?

Lmuqeddemin xeddmen yiwen uzamul s ufus ɣef leḥsab n lɛada tanaṣlit n iyahudiyen. Azamul-nni n ufus ittmetil-ed asekkil aɛebrani "Shin", igettemcabin ɣer C n teqbaylit meɛna ittenṭṭaq-ed "ch". hi azamul-nni n ufus iqsed-d awal aɛibrani "Cadday." Il-Cadday" d yiwen seg ismawen iɛebraniyen n Yillu i lemɛna-s "Anezmar". Yettwagza-d am "Win izemren iman-is" yerna iqsed-d tazmert akked ad yefk labarakat i wegdud-is.

D acu-ten ccuɛat-nni n tafat tacebḥant i d-ittefɣen seg Ufakan dɣa ttɛeddayen ger ifassen n lmuqeddmin?

Nessexdem yiwen n ttesriḥ n usnulfu iwakken ad d-nesken tilin n Rruḥ Iqedsen ittefeɛ-d seg Ufakan. Rruḥ n Yillu ittawi-d lemzeyya akked lbarakat n Ssid i wegdud. Illu yumer lmuqeddmin ad barken agdud n Israyi s imeslayen-agi: “Ad k-ibarek Umeɣlal iḥrez-ik; d d-icceɛceɛ Umeɣlal tafat-is fell-ak iḥunn fell-ak! Ad d-izzi Umeɣlal udem-is ɣur-k yefk-ak-d lehna! ( Aneẓruf 6:22-27 EEO) Neqqar-as i tagi lbaraka n Lmuqeddem

D acu n ṣṣenf n teblaḍin i gessexdam Zakarya mi akken yella ur yezmir ara ad yehder?

Di tallit n Zakarya, imdanen ssexdamen tiblaḍin n talaɣt neɣ tid n ccmeɛ. Nesken-d Zakarya issexdam tabladt n talaɣt. Aḥric-nni ugnit s wesɣar n tebladt-nni yesɛa yiwet n temnaṭ s iɣizi yeččuren d talext Talext-nni tezmer ad tettwanqec s ywien n ttawil qeṭṭiɛen i wumi qqaren stylet . Tiblaḍin n tira seɛɛunt dima aɣummu n wesɣar icudden ɣur-es mačči s lḥers.

Deg wacu i yemxalaf usteqsi n Meryem i lmelk Gabriyil ɣef win n Zakarya?

Waqila Zakarya iccukk di lexbar n lmelk-nni, i gellan d izen sɣur Illu. Lameɛna, Meryem ur tcukk ara deg uciri-nni, testeqsa kan amek ara ad d-yeḍru wayenni.

Amek i texdem Ilicabaɛ mi twala Meryem?

Nessexdem yiwen n ttesriḥ n usnulfu iwakken ad d-nesken Ilicabaɛ teččur d Rruḥ Iqedsen. Tira Iqedsen nnant-aɣ-d d acu i d-yeḍran mi akken tsellem Meryem ɣef Ilicabaɛ: “Akken kan i tesla Ilicabaɛ i sslam n Meryem, aqcic ifrawes di tɛebbuḍt-is, dɣa Ilicabaɛ teččur s Rruḥ Iqedsen ( Luqa 1:41 EEO)

Naɛaman akked tqeddact tamecṭuḥt

Acuɣer i tuɣal teqcict-nni d taqeddact?

Tirebbaɛ n Naɛaman kecment tamurt n Israyil dɣa nnuɣen d wat Israyil. Deg yiwen seg imenɣan-nni, kra seg wat Israyil ttwaṭṭfen yerna, am akken ixeddmen daymen imiren-nni, ttarranten d iqeddacen deg yiwet n tmurt taberranit. Tilemẓit-nni wwin-tt iwakken ad teqdec ɣef tmeṭṭut n Naɛaman. Tira Iqedsen nnant-aɣ-d, “Yiwet n tikkelt, tirebbaɛ n wat Aram ẓedment ɣef Israyil; xeḍfen-d yiwet n teqcict si tmurt n Israyil, tuɣal d taqeddact n tmeṭṭut n Naɛaman.

Acuɣer i trekkẓem ɣer iẓumbiyen deg urar avidyut " Iẓumbiyen d Uweḥḥi n Yuḥenna"

Yiwen seg iswiyen ilsasanen n Udlis n Tmusni, d akken ad yawi wid ur numin ara s Lmasiḥ di ddunit merra iwakken ad amnen. I wakken ad nexdem aya , ilaq ad neswulem idles-nneɣ ɣer wid ur numin ara. Du ddunit n tura, "Iẓumbiyen" ṭṭfen amkan yesɛan azal di ssuq amaḍlan n wurar d yisura . Ɣiles akked Lunǧa wekkeden-d d akken iẓumbiyen ur llin ara yerna Lunǧa tenna-b belli imawlan n Ɣiles ur t-ttaǧǧan ara ad yurar urar-a . Ɣas akken, Mi akken Ɣiles, Lunǧa akked Gizmu wawal Naɛaman s waṭṭan-nni-ines n weglim, ugaden dɣa rewlen. Gizmu iɣil d aẓumbi Lameɛna Illu ur yebɣi ara ad nili d imaggaḍen Tira Iqedsen nnant-aɣ-d, “Ala, Illu ur aɣ-d-ifki ara Rruḥ n tugdi, meɛna n tezmert, n leḥmala akked leɛqel. (2 Timutawus 1:7, EEO).

Acuɣer tabratt-nni n ugellid tura ɣef tebladt n weẓru?

Di tallit n tudert n Naɛaman, lewhi 850 uqbel Y-L, tira i d-ittusawlen ad dument ttwaneqcent s umata ɣef weẓru. Ayagi yettak-ed ṭṭmana d akken izen-nni ur izmir ara ad ittwakkes neɣ ad yemḥu Amedya yellan d aqbur ugar d win n Musa, i d-yeṭṭfen sɣur Illu ɛecra n lumur. Tira Iqedsen ḥkant-ed, “ Ameɣlal yenna-d i Musa: "Ali-d ɣur-i s adrar. Qqim dagi; ad ak-d-fkeɣ tiblaḍin n uẓru anda i uriɣ ccariɛa akked lumur, i wakken ad ten-tlemdem." ( Tuffɣa 24:12, EEO)

Acuɣer i gcerreg Yuran iceṭṭiḍen-is?

Deg ildes asrayili, acerreg n iceṭṭiḍen d abeggen n leḥzen ameqqran. Imi agellid ur yezmir ara ad isseḥlu Naɛaman, iban-as-d d akken tabratt-nni tettekka deg txazabit i d-iqedsen amennuɣ ger Israyil akked wat Aram. Izmer ad yili d ssebba n unekcum n lɛesker n Surya. Tira Iqedsen ḥkant-ed, “ Mi yeɣra ugellid n Israyil tabrat-nni, icerreg llebsa-s, dɣa yenna: "D nekk i d Illu, i ineqqen i iḥeggun, armi i yi-d-iceggeɛ argaz i wakken ad t-sseḥluɣ si lberṣ-is? Walit tura, ḥṣut belli ad iyi-id-ittaweḍ." ( 2 Igelliden 5:7, EEO) Agellid Yuram ur d-yerri ara s lexbar belli tabratt-nni teqsed-d lberhanat n Ilicaɛ

Acuɣer i yenna Ilicaɛ i Naɛaman ad iruh ad iccucef sebɛa n tikkal deg wasif?

Di Tira Iqedsen, amiḍan sebɛa ittmettil daymen asnekmal neɣ tablelt. Izmer ad yili d ajerreb n liman, n tiɣin n wawal akked wannuz n Naɛaman. Accucef-is sebɛa n tikkal des wasif isken-d belli ṭṭaɛa-ines i lewṣayat n nnbi yennekmal. Ayagi isken-d daɣen belli yunez yerna ur ittḥettim ara i Yillu ad yexdem akken i d-iqsed netta.

D acu-tt tafat-nni i d-izzin i Naɛaman mi gella iccucuf i tikkelt tis sebɛa deg wasif?

Nessexdem yiwen ttesriḥ n usnulfu iwakken ad d-nesken tazmert n ḥellu n Yillu ɣef lberṣ n Naɛaman.

Acuɣer Naɛaman yewwi cwiṭ n wakal n Israyil? Acuɣer ɛni ur yebni ara kan yiwen uɛaltar i Yillu n Israyil di tmurt n Aram?

Deg tallit-nni taqburt n Ugmuḍ alemmas, aṭas n n yemdanen ttamnen s waṭas n irebbiten, yerna ɣilen daɣen d akken yiwen ur izmir ad iɛbed yiwen urebbit siwa di tmurt-is neɣ ɣef yiwen uɛaltar yettwabnan s wakal i d-yusan si tmurt n urebbit-nni. Naɛaman isteɛref belli Illu n Israyil d netta i d-Illu n tidet, yerna ibɣa ad t-eyɛbed di Aram.

Rut

Di tmegra, s wacu i gezzmen irgazen-nni timẓin ?

Llan sseqdacen afecku aqbur n lɣella iwumi qqaren amger . Deg yiwet si temɛayin-is, Yasuɛ ibder-ed amger, “Mi wwan yirden, ad asen-iddem amger, axaṭer tamegra teḥder-d. ( Marqus 4:29, EEO)

Di lɣella, acuɣer yetthuzzu urgaz-nni aḍellaɛ-nni yerna d acu yettifririn deg yigenni?

Yella yetthuzzu aḍellaɛ yeččuren d timẓin d weclim . Timẓin i yeẓẓayen ɣef walim dɣa tettɣimi deg uḍellaɛ, ma d aclim yettawi-t waḍu Ahellel amezwaru yeqqar-ed, “Nutni cban aclim yettawi waḍu” ( Ahellil 1:4, EEO)

Anwa-ten at Muwab?

Llan si derya n dderya n Lut, mmi-s n gma-s n Abraham.

Acuɣer i tenna Nawumi i Rut ad tekkes taduli ɣef iḍarren n Buɛaz yerna acuɣer i s-tessuter Rut ad s-isburr s ucḍaḍ-is?

Tawaksa n tduli d lɛadda yerna d tafugla i ilaq ad yissin Buɛaz. Mi akken i s-tessuter Rut i Buɛaz s-isburr s ucḍaḍ-is, am akken d assuter i s-tessuter ad s-yili d "taduli" neɣ d ammesten n zzwaǧ Ma tezweǧ, ad yili win ara ithellan yes di kullec. Asuter n Rut ibna ɣef yiwen n lamer n ccariɛa n Lɛah Aqdim, lameɛna lameɛna lamer-agi ur ittwaṭṭebbeq ara qbala ɣer Buɛaz d Rut. Ɣas akken, ɣef ddemma n lehhu d leḥmala, Buɛaz yeqbel ad t-yaɣ ma yella yezmer.

Deg wassaɣen-nsen akk, Buɛaz akked Rut banen-d tturebban mliḥ yerna sɛan ṭṭbiɛa acekk-itt. Tura, a yelli, ur ttagad ara; ad am-xedmeɣ ayen akk ara d-tiniḍ. Tijmuyaɛ merra n ugdud-iw ẓrant belli d tameṭṭut taɛerḍit i telliḍ. (Rut 3:11, EEO)

Acuɣer i tessexdem Rut tanfalit "ittili-yaɣ si lembɛid" deg umkan " ittili-yaɣ"?

Ɣas akken aṭan n imasiḥiyen uɣen tannumi s imeslayen-agi " ittili-yaɣ" neɣ "ittili-yaɣ si lembɛid", aṭas n warrac ur fehmen ara imeslayen-agi. Mi akken i d-neslufa adiwenni n Udlis n Tmusni, nḥettem iman-nneɣ ad nessexdem tasuqilt n Tira Iqedsen ara yili twulem yerna ad fdhmen warrac s shala.

D acu n tezlitt yettwacnan di tmeɣra-agi? D acu-ten imeslayen, yerna d acu-tt tsuqilt?

Kumi Lach

Kumi Lach’ Raayati, Kumi Lach’ Yafa Sheli, Ki Hine Stav Avar Ha’Geshem Kvar Chalaf Lo. (x2)

(Tasetna) Ha’nizanim Niru Baarez’ Et Zamir Hegia, Ha’teena Chanta Pagea, Ve Hagfanim Smadar.

(Ɛawed aḥric amezwaru)

Lai lai lai lai lai (x2)

Ekker, A win ( tin) ɛzizen

Kker, a win ( tin) ɛzizen Kker, a tuzzyit-iw, Wali, ccetwa tɛedda yerna ageffur yeḥbes.

(tasetna) Iǧǧeǧigen ttefɣen-d di lqaɛa, tasemhuyt n ccna tewweḍ-d Taneqlet teṭṭerḍeq-ed lfakya-s; ma d tiferranin ḍeggirent-ed rriḥa-nsent

(Ɛiwed aḥric)

Lai lai lai lai lai (x2)

“Kumi Lach” treṣṣa ɣef tseddarin-agi n Ccna n Cnawi n Sliman: Kker, a taɛzizt-iw! Eyya, a tucbiḥt-iw! Atan, ccetwa tɛedda, ageffur iḥbes, iruḥ. Ijeǧǧigen fsan di tmurt, d lawan ad cnun yifrax, nesla i ṣṣut n tmilla di lexla-nneɣ. Tineqlin ṣṣentint, tiriwa ǧǧuǧgent, ttakent-d rriḥa-nsent. Kker, a taɛzizt-iw, Eyya, a tucbiḥt-iw! (Ccna n Ccnawi 2:10–13, EEO).

Tamɛayt n Usamari

Acuɣer iqessiḥet Isamariyen ɣef lǧiha n inelmaden n Yasuɛ Acuɣer ur ten-ǧǧin ara ad kecmen tamdint?

Tella terẓeg izgan ger iyahudiyen akked Isamariyen, yerna yal wa ur iḥemmel ara imukan iqedsen n wa. Ɣer Iyahudiyen amkan n lɛibada ilaqen yella di Yarucalim, dɣa mi ɛeddan Iyahudyen si Samarya iwakken ad ẓallen di Yarucalim, ayenni isserfa Isamariyen. Tira Iqedsen nnant-ed, “Meɛna ur setreḥben ara yis-s imi ɣer Yarucalim i iteddu” ( Luqa 9:53 EEO)

Acuɣer inelmaden hedren ad d-ssersen times ɣef Yisamariyen ?

Di reffu-nsen ɣef Isamariyen, ḥulfan d akken ilaq ad iɣli lɛiqab n Yillu fell-asen. Lameɛna Yasuɛ isselmed yakan ɣef leḥmala n lɣir, ɣas d iɛdawen. Yenna-d, “ i kenwi i yi-d-ittḥessisen, ad awen-iniɣ: Ḥemmlet iɛdawen-nwen! Xedmet lxir i wid i ken-ikerhen! Barket wid i ken-ittneɛɛilen Ẓẓallet ɣef wid i ken-ittcemmiten! Luqa 6:27-28, EEO)

Acuɣer ad d-seknem argaz-nni ijerḥen yelsa ḥala abeḥnuq?

Nebɣa ad nili d imekdiyen deg umezruy ɣef wamak i tt-id-iḥka Yasuɛ. Yenna-d, “Yiwen n urgaz iṣubb-d si Yarucalim ɣer Yariḥu; deg ubrid, ɣlin fell-as yiqeṭṭaɛen. Ɛerran-t, hettken-t dɣa ruḥen, ǧǧan-t ger lmut akked tudert ( Luqa 10:30 EEO) Ayenni iskan-d acḥal i yeḥwaǧ umsebrid-nni lemɛawna. Iqeṭṭaɛen-nni ur s-kkisen ara kan idrimen-is, lameɛna rnan ula d llebsa-s. Mebla lemɛawna akked llebsa ilaqen, tili yufa-d iman-is iḥuza-t yiṭṭij deg wass akked usemmiḍ deg iḍ.

Acuɣer argaz-nni ayahudi wis sin ( n wat Lewwi) ur iɛawen ara argaz-nni ijerḥen?

argaz-nni n wat Lewwi, i gettɛawanen deg Ufakan, ixemmem belli argaz-nni immut dɣa ur ibɣi ara ad innal lǧifa.

Acuɣer Asamari-nni iɛawen argaz-nni?

Mi gwala usamari-nni yir liḥala deg waydeg yella umsebrid-nni, iḥun-ed fell-as.

Lberǧ n Babil akked wass n lɛid n Ledwar

S wacu i ittwaxdem llajur n lberǧ n Babil?

Llajur-nni ittwaxdem s talaxt, mbeɛd mi sen-fkan udem sseɣren-t deg ifarranen. Tira Iqedsen ḥkant-ed belli imezdaɣ di Babil nnan wway gar-asen, “Yyaw ad nxedmet llajur, ad t-neqqed di tmes." (Di temnadt-agi, ssexdamen llajur deg umkan n yiẓra ma d aselɣaɣ yettuɣal deg umakn n texmirt.)” ( Laṣel n Ddunit 11:3, EEO)

Amek i d-wwin asfalt ?

Asfalt, iwumi qqaren daɣen aselɣaɣ, neɣ agudrun, tikwal d agaman neɣ ittwaxedem-d s uṣṣefi n lpitrul neɣ n wayen-nniḍen n ugama .

Acuɣer i d-seknem lmuluk ttṣubbun-d ɣer lberǧ n Babil ma d Tira Iqedsen nnant-ed belli d Ameɣal i d-iṣubben: Ameɣlal iṣubb-d ad iwali tamdint akked lberǧ-nni i bennun yimdanen(Laṣel n Ddunit 11:5, EEO)?

Rnu i tseddart-nni n sufella, Tira Iqedsen ḥkant-ed belli Ameɣlal yenna-d daɣen: Yyaw ad nṣubbet, ad nessexreb tutlayt-nsen, I wakken wa ur ifehhem i wa."Laṣel n Ddunit 11:7, EEO). Ayagi ibɣa ad -yini belli Illu ur yelli ara weḥd-es mi d-iṣubb ɣer Babli. Nessexdem yiwen n ttesriḥ n usnulfu iwakken ad d-nmetel tilin n Yillu s talɣa n ccuɛ n tafat tarebbanit i d-ittekken seg igenni. Rnu, mi ara ad nmuqel ɣer tilin n Yillu deg umaḍal, yettili daymen, ɣas akken ur t-nettwali ara.

Askaner n Gizmu ibeggen-d belli Adlis n Tmusni yewwi-ten ɣer tmurt n Cinɛar, meɛna ad i d-izga Cinɛar-agi?

Cinɛar tella d yiwet n tmrut taqburt anda tella tamdint tameqqrant n Babil. Cinɛar yeẓẓel deg yiwen n uzaɣar, deg tallit tatrart , yettekka deg unẓul n Lɛiraq .

D acu-tent takurin-nni n tmes i gkeččmen s imawen n lɣaci di lberǧ n Babil.

Nessexdem ttesriḥ n usnulfu iwakken ad d-neglem amek Illu isseɛreq tutlayt n wegdud s lberhan. Tira Iqedsen nnant-ed belli Ssid yenna-d : Yyaw ad nṣubbet, ad nessexreb tutlayt-nsen, I wakken wa ur ifehhem i wa."Laṣel n Ddunit 11:7, EEO). Nessexdem daɣen yiwen n ttesriḥ n usnulfu iwakken ad d-nesken assaɣ ger tidyanin n Babil akked wass wis xemsin d meyyat n iseggasen mbeɛd. Ɣas akken tutlayin yemgaraden wwint-ed arway akked umferfeɛ di Babil, Rruḥ Iqedsen yerqdec s ttawil n waṭas n tutlayin iwakken ad d-isddukel lɣaci yerna ad ten-issekcem ɣer tgeldit n Yillu ass-nni n wass wis xemsin.

D acu-tent tutlayin i llan heddren lɣaci mbeɛd mi tekcem tmes s imawen-nsen?

Nesken-iten-id heddren taɛibranit, tagrigit akked tfarasit iwakken ad nbeggen tutlayin tiqburin yemgaraden.

Mi akken i d-seknem Alluy n Yasuɛ, acuɣer ur d-seknem ara ccwami-ines n imasmaren?

Lekmam n tqendurt-is ɣummen tixlifin-is, anda, ɣef leḥsab n waṭas n imazzagen, llant ccwami n imesmaren. Mi gura di Lɛahd Ajdid ɣef Yasuɛ ittwasemren deg "ifassen-is", issexdem yiwen wawal agrigi i gesɛan anamek wessiɛen ugar ɣef wawal aqbayli 'Ifassen" Awal agrigi yegza afus-is, taxlift akked send iɣil. Yerna imazrayen ufan-d belli mi ara semmren iserdasen iṛumaniyen imdanen , sentayen imesmaṛen deg tdiklin, tixlifin neɣ send iɣil. Lemmer Yasuɛ yettwasemmer deg tdikal, ihi iserdasen ad ilin cudden-as iɣalen-is ɣer umidag s imurar. Ihi izmer lḥal Yasuɛ yettwasemmer deg wayen iwumi ara nsemmi tidiklin-is neɣ tixlifin-is. Akken yebɣu semmren-t, nezmer ad s-nini tanemirt i Wemsellek-nneɣ mi yemmut ɣef ddnubat-nneɣ.

Mi akken dduklen lmumnin di texxamt iwakken ad ẓallen, acuɣer i llan ṭṭwiqan ɣelqen?

Imi lmumnin llan mazal ur d-ṭṭifen ara tazmert n Rruḥ Iqedsen, ugaden ad sen-d-slen wid ur numin ara dɣa ad ten-qehren.

Anwa ccna i llan cennu lmumnin di lweqt-nni-nsen n tẓallit?

Llan cennun ahellil 150:6 s tɛibranit: “kol hanneshamah tehallel yah halelu-yah.” S teqbaylit, taseddart-agi tesseǧhad : S kra n wayen yeddren ad iḥmed ILLU yeddren! Hallilu-Yah! Ḥemdet Illu” (EEO)

D acu-t wagu-nni acebḥan i gettiriqen deg uxxam-nni yerna d acu-tent tiftilin-nni ticebḥanin sufella n uqerruy n lmumnin?

Nessexdem yiwen n ttesriḥ n usnulfu iwakken ad neglem tilin i d-ibanen n Rruḥ Iqedsen di talɣa n yiwen usigna acebḥan ittiriqen akked teftilin? Nexdem d akken agu-nni akked teftilin-nni ad ilin d icebḥanen iwakken ad metlen tezdeg yerna ad irekkeẓ ɣef ugama arebbani yerna zeddigen n Rruḥ Iqedsen. Tira Iqedsen nnant-aɣ-d, “Mi d-iwweḍ wass n lɛid n Ledwar, nnejmaɛen akken ma llan deg yiwen n umkan. Deg yiwet n teswiɛt, ikka-d yiwen n ṣṣut seg yigenni am waḍu iǧehden; iččur-d akk axxam-nni ideg qqimen. Banen-asen-d yilsawen iferqen, amzun n tmes, dɣa rsen-d ɣef yal yiwen deg-sen. Ččuren merra d Rruḥ Iqedsen, dɣa bdan heddren s tutlayin-nniḍen, akken i asen-d-ifka Rruḥ ad t-id-inin” ( Lecɣal n Yimceggɛen 2:1-4, EEO)

D acu-ten leṣwat-nni n waḍu, rrɛuḍ akked ttuɣac i d-sselen wiyaḍ si berra?

Nessexdem yiwen n ttesriḥ n usnulfu iwakken ad d-neglem amek Rruḥ Iqedsen iɛemmed s wudem n tniglawt i yemdanen nniḍen yellan berra ad slen i wid yellan zdaxel n wexxam ttẓallan ɣas akken ṭṭiqan llan ɣelqen Rnu-yas, aḍu d azamul n Rruḥ Iqedsen. Tira Iqedsen nnant-aɣ-d belli mi d-iṣṣub Rruḥ Iqedsen ɣer wemkan-nni anda llan ttẓallan lmumnin, “Deg yiwet n teswiɛt, ikka-d yiwen n ṣṣut seg yigenni am waḍu iǧehden; iččur-d akk axxam-nni ideg qqimen.

Isḥaq akked Ribka

Acuɣer i d-ternam lmut n Ṣara? Acu n wassaɣ yellan akked zzwaǧ n Isḥaq akked Ribka?

Di tedwilt agi, ayen tesruḥ Sara, yewwi Abraham ad d-yemmekti lweɛd n Yillu aṭas n iseggasen ɣer deffir. Lweɛd nni d akken Abraham ad yesɛu aṭas n dderya seg mmi-s Isḥaq. Meɛna Isḥaq mazal ur yezwiǧ ara, dɣa Abrahami yeẓra d akken d lawan ad d-yaf tameṭṭut i Isḥaq.

Yerna daɣen, Ribka tṣebber Isḥaq mi akken temmut Sara. Tira Iqedsen qqaṛṛent-aɣ-d, “Isḥaq yewwi Ribka s aqiḍun n yemma-s Ṣara; tuɣal d tameṭṭut-is, Iḥemmel-itt. Swakka i yeṣber Isḥaq ɣef yemma-s.” (Laṣel 24:67, EEO).

Acuɣer i d-tesseknem lǧetta n Sara?

Nwala d akken arrac ad ten-iɛiwen ad fehmen lmut n Sara d leḥzen lqayen n Abraham akked Isḥaq.

Acuɣer i rran lǧetta n Sara ɣef ṭṭabla?

D ttawil i Abraham akken ad d-yesken leḥmala-s d leqder i yesɛa i Sara si leɛḍil ad d-yaɣ akal neɣ aẓekka.

Acuɣer Abraham iwala belli Isḥaq ur ilaq ara ad yesɛu tameṭṭut takenɛnit?

Di lweqt n tudert n Abraham, deg leɛrac n yimdanen yettɛassan akraren neɣ tiqeḍɛiyin, di lɛaddat-nsen amemmit-sen ad yezweǧ akked tmeṭṭut n lɛerc-is. Yerna, Abraham ur yebɣi ara mmi-s ad yaɣ tameṭṭut i yumnen s irebbiten ikenɛaniyen, neɣ mullac ad tessefcel Isḥaq cwiṭ cwiṭ seg usiwel n Yillu n tidet, win ihedren i Abraham yerna iwɛed-as ad yerr tarwa-is ad tili aṭas am yitran.

Acuɣer i yessuget Abraham iwakken aqeddac-is ur yettawi ara ishaq ad yidir ɣer yimawlan n Abraham?

Illu iwɛed tamurt n Kanɛan i Abraham, ihi Abraham yebɣa Isḥaq ad yeqqim di tmurt n lweɛd.

Acuɣer Ɣiles, Lunǧa akked Gizmu iɣumm aqerruy-is meɛna Ilɛazer ur t-iɣum ara?

Ɣiles, Lunǧa akked Gizmu ur nnumen ara i lḥammu qessiḥen n uneẓruf, yerna ayen s wayes ɣumen aqaṛṛu-nsen ittḥarab ɣef uqaṛṛu-nsen akked umgarḍ-nsen mgal lḥammu d tiyita n yiṭij. Kra n yimdanen ttɣumun aqaṭṭu-nsen meɛna ayagi ur zemren ur t-xedmen ara. Tilawin ttɣumunt aqaṛṛu-nsent imi lɛaddat teqqar-asen-d ilaq ad ɣument acebbub-nsent akken ad ḥerzent tawaṣra-nsent.

Acuɣer i d-tewwi Ribka lḥila n waman i Ɣiles, Lunǧa akked Gizmu akken ad sirden iḍaṛṛen-nsen uqbel imensi?

Deg ugmuḍ alemmas, medden ttlusun arkasen dɣa iḍarren-nsen ttaččaren d aɣebbar seg wakken leḥḥun deg wakal yeqquren yerna yeččuren d aɣebbar. Dɣa tella d lɛadda d akken ad sirden iḍarren-nsen uqbel ad qqimen ad ččen, yerna lɣaci ur ttɣimin ara ɣef ikersiyen, lameɛna ɣef tsumtiwin neɣ tiḥsirin di lqaɛa. Rnu, d win i d-iɛerḍen ara d-yawin aman i yinebgawen-iw d licara n leḥdaqa.

Acuɣer i tɣumm Ribka udem-is mi temlal d Isḥaq?

Deg idles-agi, lɛadda temmal d akken tameṭṭut ilaq ad tɣumm udem-is mi ara tili zdat n uberrani Rnu, imi ad tuɣal d tameṭṭut n Isḥaq, tbeggen-as-d lemqadra d ṭṭaɛa.

Camwil

Ɛni tirga yakk sɛant izen sɣur Yillu ?

Tira Iqedsen qqaṛent-d belli Illu ittmeslay i kra seg tirga. Amedya, kra n lweqt mbeɛd mi i d-ilul Yasuɛ, lmelk imeslay i Yusef di targit. Tira Iqedsen qqaṛent-d, “Mi ruḥen, iḍher-as-d yiwen n lmelk n Ssid di targit i Yusef. Inna-yas-d: "Kker, Ddem llufan akked yemma-s, rwel ɣer Maṣer. Qqim dinna alamma nniɣ-ak-d; axaṭer Hirudus ad inadi ɣef llufan-agi i wakken ad t-ineɣ." (Matta 2:13 EEO). Meɛna, ur nettamen ara belli yakk tirga sɛant izen sɣur Yillu. Imdanen uḥwaǧǧen ad ḥadren iman-nsen, ad ẓallen, yerna ad sɛun aɛqal di ṛṛuḥ mi ara yili d tamsalt n tirga.

Acuɣer i gebɣa Illu lweɛda n weksum?

Mi ara iqeddem yiwen i Yillu aḥric amezwaru n yeḥricen ifazen n weksum, d abeggen i Yillu belli yettwapwuz yerna d netta i d amezwaru di tudert. Asfel n iɣersiwen di tallit n Lɛahd Adqim yella d anebbi ɣef wesfel yennekmalen yerna mebla ddnub n Yasuɛ ɣef ddnubat-nneɣ mi gemmut ɣef umidag. Mbeɛd mi guɣal Yasuɛ d asfel-nneɣ aneggaru, ur nuḥwaǧ ara akk iseflawen n iɣersiwen.

Acuɣer ur isseḥbes ara Ɛili arraw-is si lxedma n wayen n diri?

Ɛili yenna i warraw-is ad ḥebsen yerna iɛeggen-asen belli denben mgal Illu. Mi akken ur s-tteɣan ara awal, ur ixeddem acemma iwakken ad ten-irebbi neɣ ad ten-isseḥbes.

D acu-t ccuɛ-nni n tafat ittiriqen sufella n usenduq n leɛqed?

Nessexdem yiwen ttesriḥ n unaẓur iwakken ad d-nesken tamanegt n Yillu tettfeǧǧiǧ ɣef Usenduq-nni.

Acuɣer i d-seknem Yasuɛ iban-as-d i Camwil deg yiwet n tfekka tafrawant?

Nessexdem yiwen n ttesriḥ n unaẓur iwakken ad d-nesken Illu ihedder i Camwil ma d Yasuɛ iban-ed di talɣa yettfeǧǧiǧen, yettuɛeḍmen yerna n rruḥ.

Mi akken i s-ihder Umeɣlal i Camwil ilemẓi ɣef Ɛili d warraw-is, d acu i d-yeqsed mi d-yenna belli imeẓẓuɣen n wegdud ad ṭneṭnen

D yiwen n ṣṣenf n umeslay anamek-is d akken ad slen i lexbar yessewhamen yerna ad kemlen ad ten-swehmen ɣas akken mbeɛd n wayen i sen-d-iwḍen di tazwara. Tasuqil n Iwaḍiyen tusuqel-it akka: Ameɣlal yenna-d i Camwil: "Atan ad xedmeɣ yiwet n tedyant di Israyil, ad tesṭenṭen imeẓẓuɣen n kra n win ara yeslen yis-s.( 1 Camwil 3:11, EEO)

Mi gettẓalla Camwil ameqqran ɣef wegdud n Israyil, d acu-tent lemwaji-nni yewwten Ifilstiyen?

Nebɣa ad d-nesken s wudem ibanen ṣṣut n Yillu mi ara d-iṭenṭun seg igenni. Nessexdem yiwen n ttesriḥ n unaẓur iwakken ad d-nesken Illu seg wakken ihedder s tezmert, ṣṣut-is ixelleq-ed lemwaji n umeslaw yessewhamen. Tira Iqedsen qqaṛenr-aɣ-d, “Mi yella Camwil ittqeddim asfel-nni yerɣan, Ifilistiyen ẓedmen-d ɣef wat Israyil. Ass-nni, Ameɣlal ireɛd-d s ṣṣut ɛlayen ɣef Ifilistiyen, dɣa yessufeɣ-asen leɛqel. At Israyil ɣelben Ifilistiyen. (1 Camwil 7:10 EEO).

Dawed akked Cawel

Acuɣer Camwil isemma i Ɛamaliq “imednuben”?

At Ɛamaliq xedmen axeṣṣar deg wat Israyil mbeɛd mi sen-sutren ad ten-ǧǧen ad ɛeddin s tlelli si tmurt-nsen. Deg umkan ad streḥben s wat Israyil yerna ad sen-xedmen lxir, at Ɛamaliq zeḍmen fell-asen mi akken llan feclen deg ubrid, nɣan aṭas seg-sen i gellan feclen yerna skerkiren iḍaren-nsen deffir.

Acuɣer i yumer Yillu d akken at Ɛamaliq ad negren akk?

Illu ixtar taswiɛt-nni iwakken ad iḥaseb agdud n at Ɛamaliq, axaṭer zeḍmen yerna nɣan wid ifeclen seg wat Israyil. Tira Iqedsen nnant-aɣ-d, “Atan wayen i d-inna Umeɣlal, bab n tzemmar: 'Ad d-zziɣ ɣef wat Ɛamaliq, ɣef ddemma n wayen i xedmen i wat Israyil, mi asen-sqaṭṭɛen deg ubrid, asmi i d-ffɣen si Maṣer. ( 1 Camwil 15:2, EEO) Ur neẓri ara s ccer nniḍen i izmer lḥal rnan xedmen wat Ɛamaliq, meɛna Illu d anezzarfu aḥeqqi, yerna ayen akk ixeddem d imqeddes yerna yelha, ɣas akken ur nfehhem ara kullec.

Camwil yenna belli Illu ad yefk tageldit n wat Israyil i yiwen wergaz yifen akk wiyaḍ. D acu i gerra Dawed yif Cawul?

Tira Iqedsen qqarent-d bellu Dawed d argaz i yebɣa wul n Yillu. S imeslayen nniḍen, Dawed yebɣa ad yeɛǧeb i Yillu yerna ad s-yaɣ awal. Tira Iqedsen qqaṛent-d, “Mbaɛd, ikkes-it dɣa yesbedd-asen Dawed d agellid, win akken iɣef i d-icehhed, yenna-d: 'Ufiɣ Dawed, mmi-s n Icay, d argaz i yebɣa wul-iw; ad ixdem ayen akk i bɣiɣ. “(Lecɣal 13:22,NLT).

Acuɣer i d-tesseknem ṛuṛuḥani yessagaden, d aberkan, isseḍlem icewwlen agellid Cawel?

Tira Iqedsen qqaṛent-d d akken aṛuḥani icewwel Cawel, yerna nebɣa ad nili ɣef leḥsab n umezruy n taqsit agi si Tira Iqedsen.

D acu-tt tafat nni tamellalt i d-yekkan si snitra i qecɛen aṛuḥani nni yettcebbilen?

Nessexdem ttesriḥ n usnulfu akken ad d-nessebgen ddhana n Ṛṛuḥ Iqedsen seg snitra yerna iqecɛen aruḥani amcum.

Auɣer agellid Dawed akked iqedacen-is cergen iceṭṭiḍen-nsen mi slan s lmut n ugellid Cawel?

Di lɛaddat-nsen, acerreg n iceṭṭiḍen yella d ttawil akken ad sbegnen leḥzen-nsen ɣef lmut n Cawel akked waṭas n wiyaḍ. Tira Iqedsen nnant-aɣ-d ugar ɣef wayen yeḍran: “Dawed immeɣ ɣef yiceṭṭiḍen-is, icerreg-iten; ula d irgazen-nni merra yellan yid-s xedmen akken. Meǧǧden, run, yerna uẓamen armi d tameddit ɣef Cawul akked mmi-s Yunatan, ɣef ugdud n Umeɣlal akked uxxam n Israyil, axaṭer mmuten s ujenwi” (2 Camwil 1:11-12, EEO).

Naḥamya

Acuɣer ittwanfan Iyahudiyen ɣer Faras?

imdanen n Yahuda ɛuṣṣan Ameɣlal aṭas n iseggasen, nutni xedmen lecɣal n ddir am uɛbad n irebbiten n lekdeb. Kemmlen deg uɛaṣṣi-nsen ɣas ulama Illu iceggeɛ-d lenbiya akken ad sen-ɛegnen ɣef lḥisab i d-iteddun. Lḥisab yewweḍ-d s uceggeɛ n Yillu i leǧnas nniḍen ad ṭṭfen tamurt n Yahuda yerna ad ssufɣen agdud seg tmurt i sen-yefka. Lḥisab-is ilaq ad ten-yawi ad zzin ɣed ddnub-nsen i wakken ad yizmir ad ten-ibarek tkikelt nniḍen.

Mi akken Naḥamya yella deg Faras, iẓẓul i Umeɣlal yerna “iwala” agdud ayahudi deg Yirucalim wwin-ten d imerhan sɣur lɛesker iberaniyen. D asmekti neɣ d aweḥḥi i iwala ?

Izmer Naḥamya ilul di Faras mi gella wegdud n wat Israyil di lmenfi, dɣa mačči d ccfawa-s netta. Izmer Naḥamya tettuweḥḥayas-d tmuɣli sɣur Yillu, neɣ ixeyyel-d amek tedrem Yarucalim mi s-d-yeḥka wergaz-nni amek i s-teḍra mi tt-kecmen yerna snegren-tt.

Ɛni s tidet sxedmen iẓra s talɣa d lqedd yemxallafen i ṣṣur n Yarucalim deg umkan n yeẓra imeqqranen yettwaneǧren am wid isxedmen i leṣwar n Ufakan ?

Ih. Iẓra n ṣṣur n temdint llan mecṭuḥit yerma ur mɛadalen ara am iẓra meqqren n Ufakan, lameɛna ṣṣur-nni yesɛa armi d 4 lmitrat d nnefṣ di tuzzurt akked ubeɣli yeṭṭfen akkeni iẓra-nni. Ihi d ṣṣur iǧehden mliḥ i wudafeɛ d useḥbiber .

Ilicaɛ akked Isuriyen

Acuɣer i terram Ilya ad d-ittabn d amɣar yerna yeɛya.

Tidyanin n Tira Iqedsen si 1 Igelliden 17 ar 2 Igelliden 2 seknen-d belli Ilya yella d nnbi n Umeɣlal aṭas n iseggasen, lameɛna izmer lḥal yerna yeqqim d nnbi aṭas n iseggasen nniḍen. Waqila yella yettwasen yerna yettwaqader s ɣur trebbaɛ n lenbeyya yemxalafen, ayen ara d-ibeggenen d akken ugar n ddhana-ines tameqqrant, yella d nnbi i gjerreb aṭas n lumur. Tira Iqedsen ur d-tennint ara melmi i illul Ilya wala acḥal di lɛemer-is. Dɣa nextar ad nessexdem yiwen n ttesriḥ n usnulfu iwakken ad t-d-nmettel meqqer di leɛmer.

Acuɣer ur yeqqim ara Ilicaɛ deffir am akken i s-t-id-issuter Ilya?

Ilicaɛ iẓra belli Illu a s-yawi Ilya ass-nni, dɣa yeqsed ad yeqqim yid-es. Izmer daɣen Ilicaɛ ibɣa ad d-isken belli d imekdi yerna ittaɣ-as awal n ssid-is.

Acuɣer i txedmem akken ad yili wasif n Urdun idyeq yerna ḥlaw?

Deg tsemhuyt yekkawen , asif n Urdun yettuɣal idyeq weḥd-es kan, lameɛna izmer mazal-it lqay, akken mebla tileggit i tikli, ɣas d aɛeddi kan akka ad yaɛer.

Acuɣer i yewwet Ilya asif-nn s ubernus-is?

D tigawt n unebbi i d-issuturen beṭṭu n waman s lberhan.

Acuɣer i s-issefk i Ilya ad iwali Ilya ittwakkes-as iwakken ad d-yeṭṭef sin imuren n ddhana?

Tira Iqedsen ur a-d-tennint ara ɛinani, lameɛna izmer ad yili d ajerreb n lebɣi akked leqsed n Ilicaɛ.

Acuɣer i d-ittban ukerrus-nni d iɛudiwen-nni am akken di tmes?

Akerrus-nni d iɛudiwen-nni ussan-d seg igenni yerna ččuren d tazmert n tniglawt. Imi d akerrus n igenni, nmettel-ed amnay-is am lmelk anezmar yesɛan afriwen.

D acu n wassaɣ yella ger ubernus-nni d ddhana?

Abernus-nni ur yesɛi acemma s lberhan, lameɛna yella d azamul n tezmert n Yillu i gqeddcen s ttawil n Ilya akked Ilicaɛ.

D acu bɣan ad t-id-inin lanbeyya mi d-tennan belli "rruḥ n Ilya" yers ɣef Ilicaɛ?

Anamek-is d akken tazmert-nni n Yillu yakan i gellan akked Ilya tura attan akked Ilicaɛ iwakken ad ixdem lberhanat imeqqranen.

Acuɣer i d-ḍegger Ilicaɛ aɛekkaz-nni ɣef waman?

D tigawt n liman sɣur Ilicaɛ i yumnen belli Illu ad yexdem lberhan iwakken ad d-rren aqerru n tcaqurt-nni.

Mi d-yenna Ilicaɛ : " Anda-t Ameɣlal, Ilu n ILya?", acuɣer ur t-id-sneṭqem ara s usexdem n yisem n Leɛqed n Yillu, yeɛni "Yahwah"?

Ɣas akken aḍris aɛibrani anaṣli issexdem isem n leɛqed n Yillu, Yehwah, tuget n tsuqilin rran-t " Ameɣlal" Ayagi yedda akked lɛadda ( ansay) n uyahudiyen ur d-beddren ara isem n Yillu iwakken ur tessexdamen ara i wuḥerfi.

Amek i tezmer Lunǧa tewwi apurtabl-is deg ucali n Udlis n Tmusni? Ɛni Adlis n Tmusni ur sen-ittɛemid ara i Ɣiles d Lunǧa ad awin yid-sen allalen itiknulujiyen?

Ɣas akken Ɣiles akked Lunǧa ur zmiren ara ad awin allalen itiknulujiyen akken ad d-ruḥen deg wakud , tikkelt-agi wwin-t, axaṭer tilifun n Lunǧa iɛawen-item mliḥ di teswiɛt-nni iweɛren deg waydeg i d-ɛeddan.

Acuɣer ur d-yenni acemma Ilicaɛ ɣef wayen yeɛnan apurtabl-nni iceɛlen yerna afrawan i teṭṭef Lunǧa deg ufus-is?

Wid i d-isnulfan Adlis n Tmusni xtaren ad sxedmen yiwen n ttesriḥ n unaẓur iwakken Ilicaɛ ur d-ittara ara s lexbar ɣer wallal-nni yessewhamen, am akken iqebblen lɣaci tilin n Gizmu arubu mebla steqsan d acu-t neɣ anwa-t? Ayagi ad yeǧǧ imsefliden ad rekẓen ɣef isnefla igejdanen n liḥala mebla ma rẓan iqerra-nsen ɣef ttfaṣil imecṭaḥ.

Yessefk tili tesxedmem awal " At Aram" deg umkan " Isuriyen"?

Kra n tsuqilin n Tira Iqedsen sxedmen awal "Isuriyen" tiyaḍ " At Aram". Awal-agi "Isuriyen" yelha di tallit n Ilicaɛ.

Agellid Sliman

Amek isem-is usnulfu-nni u uselmad Meqqran yerna acuɣer i gesɛa azal akkeni?

D anagraw adkiran isserkaden afud s ukundunsatur giruskupik, yettusemman daɣen MagSys (AdkAna). Aselmad Meqqran yenna-d belli ayenni d aẓru n teɣmert n lxedma n tudert-is akk. Tefka tazmert usseḍru i tuget n usnulfu-ines nniḍen .

Nezmer ad n wali amedya n yiwen umenzay iǧehden di Tgelda n Yillu: ma yella d imasiyen i tellam yerna tesxedmem akken iwata lefhama akked tzmert i wen-ifka Illu, ad wen-d-yernu ugar. Yasuɛ isselmed, “Axaṭer, i win yesɛan, ad as-ittunefk, yerna ad izid fell-as. Meɛna win ur nesɛi ara, ula d ayen akken yesɛa, ad as-ittwakkes ( Matta 25:29, EEO)

Acuɣer i d-seknem taɣessa tamikanikt yessexlaɛen daxel n Gizmu mi akken i t-id-iwwet ssɛiqa?

Nessexdem yiwen n ttesriḥ n usnulfu iwakken ad d-nesken ssiɛqa-nni tekcem ɣer zdaxel aɣummu-nni n berra wuzzal n Gizmu yerna tḍur-as isekkilen-is iliktṛunan.

Acuɣer i gɣil Gizmu belli trisiti-nni tewwet-ed zdat-es qal netta tḥuza-t-is?

Ssiɛqa-nni iḍiren yakan isekkilen-is iliktṛunan, ur d-yerri ara s lexbar s wayen i s-yeḍran di tidet.

Sani i itteddu Dawen yerna anda i glaq ad ruḥen akk lɣaci-nni?

Agellid Dawed issexdem lemɛun iwakken ad d-ihder ɣef lmut-is i d-iqerben. Nukni s imasiḥiyen, neẓra belli tudert ur tḥebbes ara ɣer lmut n lǧetta, axaṭer rruḥ d terwiḥt n wemdan ad kemlen ad idiren. Tira Iqedsen qqaṛen-t-aɣ-d, “Imi i d-iṣaḥ i yimdanen ad mmten yiwet n tikkelt kan, mbaɛd ad d-yili lḥisab, akken daɣen Lmasiḥ, yefkan iman-is yiwet n tikkelt kan i wakken ad ibibb ddnubat n waṭas n yimdanen, ad d-iḍher tikkelt tis snat, mačči ɣef ddnub, meɛna i usellek n wid i tittraǧun.” (Iɛebraniyen 9:27-28, EEO).

D acu n ṣṣenf n teftilt yellan sufella n ṭṭabla n lberǧ?

Di tallit n Yasuɛ, d tiftilin n zzit issexdamen daymen iwakken ad ḍewwin deg iḍ. Taftilt-nni s umata deg-s zzit uzemmur yerna tesɛa yiwen lxiḍ iceɛlen.

Iwacu i yetteḥdiqir Gizmu akken weḥd-s ?

Yuḥwaǧ ad ittwaṣeggem mebɛd mi t-tḥuza ssiɛqa.

Acuɣer i d-seknem Sliman d argaz di targit-is ɣas akken netta yella d ilemẓi? Ɣileɛ belli yella d aqrur mi akken yurga.

Sliman iwala iman-is d amecṭuḥ yerna ixuṣ tirmitin di ddunit zdat n ugellid Dawen i gesɛan aṭas n iseggasen n tmuswin akked tirmit Di tsuqilin nniḍen n Tira Iqedsen, Sliman yenna-d belli d aqrur kan i gella neɣ yella am aqrur, lameɛna nexter ad nessexdem tasuqilt n Iwaḍiyen i tseddart-agi: “Tura, ay Ameɣlal, Illu-yiw, d kečč i yesbedden aqeddac-ik d agellid deg umkan n baba Dawed. Nekk meẓẓiyeɣ, ur ssineɣ amek ara ffɣeɣ, ur ssineɣ amek ara d-kecmeɣ. ( 1 Igelliden 3:7)

D acu-tt tafat-nni ittiriqen i s-d-yezzin i ugellid Sliman akked Ɣiles mi ttẓallan ɣef lekyasa?

Nessexdem ttesriḥ n usnulfu akken ad d-neglem Ṛṛuḥ Iqedsen mi d-yettak lekyasa.

Ṛṛuḥ Iqedsen akked lekyasa aṭas n tikkal ccuden ɣer Tira Iqedsen. Amedya, Adlis n Lecɣal yeqqar-d, “Ihi, ay atmaten, xtiret-d si gar-awen sebɛa n yirgazen yesɛan tikli yelhan, yeččuren d Ṛṛuḥ Iqedsen akked lekyasa. Ad ten-nwekkel ɣef ccɣel-agi.” (Lecɣal 6:3, EEO). Yenna-d daɣen, “Meɛna ur ssawḍen ara ad ṭṭfen zdat lekyasa akked Rruḥ swayes i ihedder.” (Lecɣal 6:10, EEO). Yerna, Amceggeɛ Bulus yura, “Ayen akka i nhedder, ur t-nhedder ara s lehdur i tesselmad lekyasa n umdan, meɛna s wid i yesselmad Ṛṛuḥ; nessexdam lehdur n ṛṛuḥ i wayen yellan n ṛṛuḥ.” (1 Ikurintiyen 2:13, EEO).

Targit n Nabuxadnuẓur

Zdat n wacu i yekna ugellid Nabuxadnaẓur?

Netta yekna zdat n lmeṣnuɛ yellan d irebbiten n Babil. Iɛenna a t-ɛawnen, lameɛnan ulac win i s-d-islan axaṭer d irebbiten n lekdeb.

At Babil llan sɛan aṭas n irebbiten, armi d 13, meɛna ɣas akken d lmeṣnuɛat imeqqran yerna i d-ṣenɛen inḍen iẓewren, qqimen akken d lmeṣnuɛat ur sɛin tudert. Amceggeɛ Bulus isfem-ed, “Neẓra belli ulac ula d yiwen n lmeṣnuɛ di ddunit yerna ulac arebbit-nniḍen siwa yiwen” ( 1 Ikurintiyen8:4 EEO)

D acu i d talɣacunei?

Talɣacunei d anagraw n tira deg waydeg issexdamen yiwen yimru iwakken ad neqcen ticraḍ s talɣa n teɣmert ɣef teblaḍin n talaxt yeqqden neɣ ttaqil i s-yecban.

D acu i d Babil?

Babil tella d tamaneɣt n Babilunya taqburt ( tageldit n Babil) Babil tezga-d deg wassif n Farat yettusemman tura Lɛiraq.

Acuɣer imusnawen n yitran llan ttcawaren itran ?

Tira Iqedsen qqaṛent-d belli deg umezwaru Daniel akked yimdukkal-is ur ẓrin ara s ussiwel d usuter n ugellid ɣef ayen iɛnan targit-is. Tira Iqedsen qqaṛent-d d acu ara yeḍrun mbeɛd lqanun n ugellid: “Iffeɣ-d lqanun-nni, imusnawen ad mmten. Ula d Danyil akked yirfiqen-is, wwinten i wakken ad ten-nɣen.” (Danyil 2:13 EEO).

Acuɣer i issels Ɣiles Gizmu am umusnaw n yitran?

Ixdem-it iwakken ad ixleq adellel, yeɛni ibɣa d akken Gizmu ad issedhu iɛessasen-nni iwakken netta d Lunǧa ad izmiren ad s-ɛeggnen i Danyil d yimddukal-is.

Acuɣer Micyax yeldi ṭṭaq uqbel ad iẓall?

Danyil yuɣ tannumi ittẓalla s ṭṭiqan ldin ɣer lǧiha n Yaricalim. Tira Iqedsen nnant-aɣ-d, Mi yesla Danyil belli yeffeɣ-d lamer-nni, iruḥ s axxam-is; ṭṭiqan n tɣurfet-is ldin ɣer lǧiha n Yarucalim. tlata n tikkal i wass, ittuɣal ɣef tgecrar, ideɛɛu ɣer Yillu-yis, ittḥemmid-it, akken i ixeddem zik”(Danyil 6:10 EEO).

Acuɣer i teẓẓul Lunǧa qbala n ṭṭaq?

Teḍfer amedya n Danyil s tẓallit i tettẓalla ɣer ṭṭaq yeldin. Lameɛna , ur ittuḥettem ara akk ad teẓallem zdat n ṭṭaq. Nezmer ad neẓẓal di yal amkan yerna Illu ad ɣ-d-isell. Rnu, nezmer ad neẓall s ibeddi, ɣef tgecrar, neqqim neɣ neẓẓel. D addud n wulawen-nneɣ i gesɛan azal ɣer Yillu. Yiwet n tikkelt Illu yenna-yas i Camwil, “Ur ttmuqul ara ɣer ṣṣifa-s neɣ ɣer lqedd-is ɛlayen, axaṭer ugiɣ-t. Ameɣlal ur ittwali ara ayen yettwali umdan; Amdan ittmuqul ayen yetteɛǧaben i wallen, meɛna Ameɣlal ittmuqul ul." ( 1 Camwil 16:7 EEO)

Iliɛazar

Acuɣer i terram Yasuɛ yenna-d belli "ulac lmuḥal" deg usayes n wexxam n Marta?

Ɣas akken ur yuri ara belli Yasuɛ yenna-d ayenni deg uxxam n Marta, mebla ccekk ixdem-itt. Tira Iqedsen ḥkant-ed tikkelt-nni anda Yasuɛ yenna-d, "'Ma tzemreḍ'!...Ulac lmuḥal ɣef win yettamnen!"(Marqus 9:23 EEO). Ahat yesselmed tidet di rruḥ yesɛan azal meqqren am ta ugar n tikkelt , imi ittruḥ si temdint ɣer tayeḍ yerna ihedder i waṭas n yemdanen yemxalafen. Rnu, taseddart-agi twufeq mliḥ akked lberhan-nni issewhamen ara d-yeḍrun mbeɛd di tedwilt.

Deg uxxam n Ilɛazar, Marta akked Meryem, mi akken i s-yenna Yasuɛ i Marta belli tettqelliq aṭas ma d Meryem textar ayen i glaqen, acuɣer i d-seknem Marta teqqim ɣer ṭṭabla zdat n Meryem?

Nessexdem yiwen n ttesriḥ n tnaẓurit i wakken ad nekfu asayes s wudem n wakken i gura di Luqa 10:38-42 Mi s-issefhem Yasuɛ i Marta belli asmeḥses n uselmed-ines d ayen ifazen akk i glaq ad yexdem yiwen, izmer imeslayen-is akk nnulen ul-is dɣa textar ad ternu ɣer wiyaḍ ɣer ṭṭabla.

Acuɣer i d-yenna Yasuɛ belli Ilɛazar yeṭṭes?

D asemɛen kan i gessexdem dagi, deg umkan ad issexdem imeslayen iǧehden n kra. Di liḥala-yagi, deg umkan ad d-yini qbala belli Ilɛazar yemmut, ihder-ed ɣef "yiḍes".

Attah teqṣiṭ di Tira Iqedsen n wamek i gessexdem Yasuɛ awal"yeṭṭes": Mbaɛd lehdur-agi, yenna-yasen: "Aḥbib-nneɣ Ilɛazar iṭṭeṣ, meɛna ad ruḥeɣ ad t-id-ssakiɣ." Inelmaden nnan-as: "A Sidi, ma d iḍeṣ i yeṭṭeṣ, ad islek." Yasuɛ iqsed-d lmut n Ilɛazar, meɛna nutni ɣilen d taguni i d-iqsed. Dɣa Yasuɛ yenna-yasen ɛinani: "Ilɛazar immut ( Yuḥenna 11:11-14 EEO)

Lunǧa tɣil belli Yasuɛ yenna-d belli Ilɛazar ur ittmettat ara. Ɛni s tidet yenna-d aya?

Yasuɛ ur d-yenni ara belli Ilɛazar ur ittmettat ara. D anemgal, inna-d s ttedqiq belli liḥala taneggarut n Ilɛazar deg waydeg yella mačči d lmut. Yenna-d, Aṭṭan-agi mačči n lmut” ( Yuḥenna 11:4 EEO) S imeslayen nniḍen, Ilɛazar ur yettɛimi ara yemmur. ( Ayagi ur yebɣi ara ad d-yini belli Ilɛazar ur yemmut ara yerna ur iruḥ ara s igenni maḍi di tudert-is)

Acuɣer i d-temmermaɣent wallen n Yasuɛ?

Iḥun-ed ɣef wid iḥeznen. Yasuɛ daymen ittḥunu ɣef wid inneɛtaben yerna ixeddem lberhanat i wakken ad isseḥbes leɛtab-nsen (Matt 14:14, Luqa 7:13-15).

Imi Tira Iqedsen nnant-ed belli Yasuɛ ittru ( Yuḥenna 11:35), acuɣer ur d-seknem ara Yasuɛ ittru?

Awalen igrigiyen i "Yasuɛ ittru" anamek-is d akken Yasuɛ ɣlin-d imeṭṭawen-is s ttawil neɣ s tsusmi. Nesken-it-id mi d-marmaɣent wallen-is.

Acuɣer i gurǧa Yasuɛ armi yemmut Ilɛazar bac iruḥ ɣer din?

Yasuɛ yella daymen ittuwelleh s Rruḥ Iqedsen iwakken ad yexdem lebɣi n Yillu ( Yuḥenna 5:19) Di liḥala-yagi, lebɣi n Yillu mačči Yasuɛ ad isseḥlu Iliɛazar seg waṭṭan, lameɛna ad t-id-isseḥyu si ger lmeggtin. S wakka, liman n waṭas ad innerni mliḥ Dɣa Yasuɛ yenna-yasen ɛinani: "Ilɛazar immut; Yerna ɣef ddemma-nwen, ferḥeɣ imi ur lliɣ ara dinna, i wakken ad tamnem. Meɛna yyaw ad nruḥet ɣur-s!" ( Yuḥenna 11:14-15, EEO)

Acuɣer i yurǧa Yasuɛ aṭas iwakken ad iruḥ ad d-isseḥyu Iliɛazar si ger lmeggtin? D acu i d anamek n tɣimit n Iliɛazar deg uẓekka azal n rebɛa n wussan?

Aṭas n iyahudiyen ɣilen belli yiwen ma yemmut ɣur-es tlata n wussan, ulac asirem akk akken ad d-iḥyu. Imi Iliɛazar ɣur-es rebɛa n wussan segmi i yemmut, lɣaci qeḍɛen layas akken ad t-walin yeḥya-d. Lameɛna d tagnit i Yasuɛ d akken ad yexdem lberhan meqqren ugar!

Buṭrus akked Kurnilyus

Anda i d-tezga temdint n Qiṣarya?

Tezga-d deg ugafa-ataram n Yarucalim akked uɣesdis Yahuda , rrif n yilel agrakal .

Acuɣer i tesɛa temdint n Qiṣarya leṣwar?

Deg tallit taqburt, aṭas n temdinin sɛan leṣwar iwakken ad seḥbibrent ɣef imezdaɣ-nsent si lɛesker aɛdaw neɣ iqettalen akked iɣersiwen iweɛren. Amedya, mi iceggeɛ Musa tnac-nni n yergazen iwakkenad sneqden tamurt, yefka-yasen lewṣaya-agi deg udlis n Uneẓruf 13:19 ( EEO), ”walit-d tamurt-agi nsen ma telha neɣ diri-tt Telha neɣ diri-tt? Timdinin i zedɣen ma d lebni iǧehden neɣ d iqiḍunen kan? Rebɛin n seggasen mbeɛd, mi akken ḍuɛen at Israyil lamer n Yillu ad kecmen tamdint Yariḥu, Illu yesseɣli leṣwar n temdint-nni s lberhan. Mi yesla ugdud i ṣṣut n lbuq, mi yuẓẓaf ugdud tiẓẓift tameqqrant. Ṣṣur iɣli din din. Agdud iẓdem ɣef temdint, yal yiwen qbala zdat-s; imiren, ṭṭfen tamdint. ( Yacuɛa 6:20, EEO) Tidyanin icudden ɣer trenawt-agi tameqqant ttwaglemen-d di tedwilt n Udlis n Tmusni isem-is " Raḥab akked leṣwar n Yariḥu"

Acuɣer i gessawel Kurnilyus lmelk “ Ssid”? Ɛni mačči d azwel n Yasuɛ wagi?

Yasuɛ d Ssid-nneɣ arebbani yerna d Mmi-s n Yillu. Di tama nniḍen, awal "Sidi" izmer ad isɛu inumak yemxallafen di tallit-nni. Tikwal, “sidi” izmer ad yili d azwel n leqder. Ihi izmer dagi Kurnilyus mi ghedder i lmelk-nni iqsed-d "mas"

Isem-is lmelk-nni ?

Tira Iqedsen ur ad ɣ-d-tennint ara isem n lmelk-nni ( Lecɣal n Yimceggeɛen 10: 1-8) dɣa ur ad d-nefki ara isem-is.

Anda i d-tezga Joppé?

Joppé tezga-d ɣer rrif n illel agrakal, deg usammar n Yarucalim akk-d unẓul n Qisarya Tella d lmerṣa tegejdant n tmurt n Yahuda. Ass-a isem-is Yafa, ittekka deg-s weḥric n unẓul n Til-Aviv di Israyil .

Wehmen axaṭer yemma-s n Ɣiles, Fibi Kwantum, tedda yakan deg yiwen ucali n Udlis n Tmusni, lameɛna ur tecfi ara umbeɛd. D ayen i d-tesken tedwilt "Yeḥya-d!": Di tallit n Buṭrus akked Kurnilyus, nnbi Yuna yeffer di lmerṣa n Yafu. Tira Iqedsen nnant-aɣ-d, “Ikker Yuna, irwel ɣer Tarcic i wakken ad ibɛed ɣef Umeɣlal. Iṣubb ɣer Yafu, yufa dinna yiwen n lbabur ara iruḥen ɣer Tarcic; Ixelleṣ lḥeqq n rrekba-s dɣa yedda d wid ara iruḥen ɣer Tarcic, ad ibɛed ɣef Umeɣlal ( Yuna 1:3, EEO)

Amek i gwala Ɣiles aweḥḥi n Buṭrus?

Nessexdem yiwen n ttesriḥ n usnulfu iwakken ad nerr aweḥḥi ibanen ama i Buṭrus ama i Ɣiles.

Acuɣer i ttusemman kra n iɣersiwen "neǧsen"?

Ssebba tagejdant i beṭṭu n iɣersiwen ɣef sin leṣnaf "ṣṣfan" akked "neǧsen" izmer iwakken ad slemden i wat Israyil ad yili d imqeddsen, yeɛni ad mxalafen ɣef leǧnas nniḍen s tekdit-is akked ṭṭaɛa-ines i Yillu n tidet. Ssebba-nniḍen tezmer ad tili d afus i tezdeg akked tezmert .

Amek isem-is uɛessas-nni yerna wansi-t?

Isem-is Jia Wei yerna d Acenwi.

D acu-tt tagut-nni yeddawaren i d-ittṣubbun ɣef wexxam n Kurnilyus yerna d acu-t tafat-nni i d-yezzin i win ur numin ara ?

Nessexdem yiwen n ttesriḥ n usnulfu iwakken ad d-nmettel s wudem ibanen Rruḥ Iqedsen yers-ed ɣef wat leǧnas nniḍen mi akken umnen s Yasuɛ. Tira Iqedsen ḥkant-en belli mi akken i gehder Buṭrus i wat leǧnas ɣef Yasuɛ, Rruḥ Iqedsen yers-ed fell-asen: Mazal Buṭrus ihedder, mi d-iṣubb Rruḥ Iqedsen ɣef wid merra i yellan ttḥessisen i wawal (Lecɣal n Yimceggɛen 10:44, EEO).

Acuɣer inelmaden ssɣeḍsen s yisem n Yasuɛ mačči s yisem n Ubabat d Rruḥ Iqedsen?

Tadwilt teḍfer kan aḥric akken yura di Tira Iqedsen dɣa ur d-berreḥ ara akk s uselmed nniḍen. (Lecɣal n Yimceggɛen 10:46-48 EEO). “Imiren inṭeq Buṭrus, inna: "Illa win izemren ad iqḍeɛ aɣḍaṣ deg waman i wigi? Yumer ad ten-sɣeḍṣen s yisem n Yasuɛ Lmasiḥ. (EEO)

Acuɣer Ɣiles akked Lunǧa wehmen imi Jia Wei icfa ɣef ucali-nsen ifazen?

Wehmen axaṭer yemma-s n Ɣiles, Feruǧa Kwantum, tedda yakan ɣer yiwen ucali n Udlis n Tmusni, meɛna ur tecfi ara akk. Ayagi iban-ed di tedwilt ‘ Yeḥya-d”!

Bulus d Silas

Anda i d-tzegant Filibus akked Makdunya?

Filibus, tella d yiwet n temdint tameqqrant n temnaḍt n Makdunya, i yesteɛmer Rruman, tezga-d deg ugafa n Legrig n tura.

Amek akka tawacult n Lidya akk bɣan ad ɣeḍsen?

Iɛeggalen n twacult n Lidya ddan yid-es ɣer rrif n wasif yerna slan i lexbar ɣer Yasuɛ dɣa tettunefk-asen tegnit ad amnen. Rnu, di tmetti tarumanit, iɛeggalen n wexxam ṭṭafaren ddyana n uqerru n twacult.

D acu-tt tafat-nni timdehhebt i d-yezzi i Lidya mi tettwaɣḍes deg waman?

Deg isuyas n uɣḍas di tedwilt-agi, nessexdem yiwen n ttesriḥ n unaẓur iwakken ad d-nmettel s wudem ibanen Rruḥ Iqedsen i s-dyezzin.

IDeg usayes n uɣḍas, ɛni tebɣan ad d-tinim belli lɣaci ttwasellken di teswiṣt-nni mi ara ttwaɣeḍsen deg waman?

Ala, numen belli leslak yettas-ed di teswiɛt n liman s Yasuɛ-Lmasiḥ. Bulus akked Silas sfehmen-as i uɛessas-nni n lḥebs belli liman di Yasuɛ d ccerṭ awḥid i leslak, "Amen s Ssid Yasuɛ, ad tettwasellkeḍ, s kečč s uxxam-ik." ( Lecɣal n Yimceggɛen 16:31, EEO)

How did Superbook change Joy’s clothes while they were traveling through the time vortex?

Ur nebɣi ara ad ner Lunǧa di lḥecma akken ad d-tas ɣer tallit n Tira Iqedsen di teksiwt n sbiṭar, dɣa nessexdem yiwen n ttesriḥ n unaẓur iwakken ad t-neǧǧ telsa llebsa-s n yal ass.

D acu i d aweḥḥi

D ttawil i gessexdam Yillu iwakken ad d-ibeggen lḥaǧa s wudem n tniglawt i walebɛeḍ.

Acuɣer i d-seknem azrem n tidet ɣef tuyat n tmeṭṭut-nni ittkacafen?

Nessexdem yiwen n ttesriḥ n unaẓur iwakken ad d-nmettel s wudem ibanen aruḥani-nni i ideggiren tlemẓit-nni ad tkacef. Awalen igrigiyen i " rruḥ n ukacef" d " yiwen rruḥ, yiwen n Bitun" neɣ rruḥ n Bituniz"

Acuɣer i yurez aɛessas-nni n lḥebs iḍarren n Bulus akked Silas deg usɣar ɣas akken taxxamt-nni n lḥebs tella teɣleq s tsarut?

Aciddi n iḍareen-nsen deg usɣar d ttawil n ṭṭmana-nsen di lḥebs, yerna aɛessas-nni ibɣa ad iḍem belli ur regglen ara. Tira Iqedsen nnant-aɣ-d, “Yerna umren i uɛessas n lḥebs ad ten-iɛass akken ilaq. Aɛessas-nni yexdem akken i as-t-id-umren. Iḍegger-iten ɣer lḥebs, ɣer yiwet n texxamt iḍerfen mliḥ, yerna yurez-asen iḍarren deg usɣar.

Bulus yenna-yas i Lunǧa belli Lmasiḥ yettak-as-d tazmert ad iqabel kullec. Anda i yella uselmed-agi di Tira Iqedsen?

Yiwen wass, mi yella Bulus di lḥebs yerna yettaru i yimasiḥiyen n Ifilibiyen, isefhem-asen-d belli isteqniɛ di liḥalat akk yerna Lmasiḥ yettak-as-d tazmert, akken bɣunt llant teswiɛin deg waydeg i d-ittɛedday:

Ur d-nniɣ ara ayagi imi i ḥwaǧeɣ, axaṭer ḥefḍeɣ ad setqenɛeɣ s liḥala ideg lliɣ. 12Ssneɣ ad ɛiceɣ di lqella, ssneɣ daɣen ad ɛiceɣ di tawant. Di kullec, di yal taswiɛt, ḥefḍeɣ ad setqenɛeɣ, ama rwiɣ, ama lluẓeɣ, ama sɛiɣ, ama xuṣṣeɣ Zemreɣ i kullec s win i yi-isseǧhaden ( Ifilibiyen 4:11-13 EEO)

Bulus yenna-yas i Lunǧa d akken Illu yebɣa-tt ula d nettat ad s-teqqar tanemirt ɣef kullec akken tebɣu tella teswiɛt. D aselmed n Tira Iqedsen?

Anɛam ih, Mi yura Bulus i Itisalinikiyen, yenna-yasen, “Ttḥemmidet ɣef kullec, axaṭer d ayagi i awen-ibɣa Yillu di Lmasiḥ Yasuɛ” (1 Itisaluniyen 5:18 EEO)

D acu-t ccna-nni i llan cennun Bulus akked Silas, d acu-ten imeslayen-is?

Llan cennun Ahellil 113:1-4 Atah ccna-nni s tira n tɛibranit

“Halelu yâh halelu `abhdhêy Adonay halelu 'eth-shêm Adonay. Yehiy shêm Adonay mebhorâkh mê`attâh ve`adh-`olâm. Mimmizrach-shemesh `adh-mebho'o mehullâl shêm Adonay. Râm`al-kâl-goyim Adonay `al hashâmayim kebhodho.”

Attafem ccna-yagi s teqbaylit s wadda:

Ad ittubarek Umeɣlal! Ay iqeddacen n Umeɣlal, ḥemdet! Ḥemdet isem n Umeɣlal! 2 Ad ittubarek yisem n Umeɣlal, Si tura, i dayem! Si ccerq alamma d lɣerb, Ad ittwaḥmed yisem n Umeɣlal. 4Ameɣlal ikka-d nnig leǧnas merra; Lɛaḍima-s tekka-d nnig yigenwan” ( Ihellilen 113:1-4 EEO)

D acu i d-isseḍran znezla-nni?

Numen belli d -illu i d-isseḍran znezla-nni yerna isseɣres snesel-nni n imeḥbas.

Acuɣer i s-yenna Bulus i uɛessas-nni n lḥebs belli s netta s twacult-is ad twaselken?

Di tmetti n Irumaniyen, d ayen ibanen d akken iɛeggalen n twacult ad ḍefren ddyana n uqerru n twacult. Lameɛna, iwakken yal aɛeggal ad ittwasellek, ilaq ad yamen s Yasuɛ.

Tarewla n Buṭrus

Acḥal yeqqim ur yezmir ara ad ilḥu?

D ukrif seg wasmi i d-ilul. Adlis n Lecɣal n Yimceggɛen nnant-ed, “Buṭrus akked Yuḥenna ulin ɣer ufakan, lawan n tẓalit n tlata n tmeddit. Illa yiwen n urgaz, d ukrif si tɛebbuḍt n yemma-s, yal ass ttawin-t ɣer ufakan, srusun-t zdat tewwurt n ufakan iwumi i qqaren Tawwurt Tucbiḥt, i wakken ad issutur lweɛda i wid i ikeččmen ɣer ufakan ( Lecɣal n Yimceggɛen 3:1-2 EEO)

Amek i iḥla wergaz-nni mi indeh Buṭrus s yisem n Yasuɛ?

Buṭrus isfehm-d belli s liman i yumen wergaz-nni s yisem n Yasuɛ i geḥla. Yenna-d, “S liman deg yisem-is, isem-is isseǧhed argaz-agi i tettwalim yerna tessnem-t; d liman yis-s i yesseḥlan argaz-agi zdat-wen meṛṛa. (Lecɣal 3:16, EEO).

Acuɣer Agellid Hirudus yenɣa Yeɛqub?

Izmer lḥal Hirudus iwala belli tamɣiwent tamasiḥit tettimɣur yerna d asugged i ddiyana d tsertit. Yerna, Hirudus yettwassen deg lemziyat i ixeddem i imelwayen Iyahudiyen akked tamɣiwent tayahudit (ur nelli ara d tamasiḥit i waṭas). Tira Iqedsen ḥkant-ed ayen yeḍran: Di lweqt-nni, agellid Hirudus irfed afus-is ɣer kra n yiɛeggalen n tmezdayt i wakken ad ten-iqehher. Inɣa s ujenwi Yeɛqub, gma-s n Yuḥenna. Mi iwala belli d ayen i iɛeǧben i Yiyahudiyen, ikemmel iṭṭef Buṭrus deg wussan n lɛid n yiɣerman ur nesɛi iɣes n temtunt ( Lecɣal n Yimceggɛen 12:1-3, EEO)

D acu i d-iɣlin seg uḍellaɛ-nni i isseccḍen yerna isseɣli iserdasen-nni ?

Llant d tibexsisin.

Acuɣer i d-yeskan Buṭrus di lḥesb mebla llesbsa-s ?

Tira Iqedsen ḥkant-ed d akken Lmelk yenna-yas i Buṭrus ad yels iceṭṭiḍen-is , ihi illa yeṭṭes mebla lqecc-is n sufella. Adlis n Lecɣal n Yimceggɛen yenna-aɣ-d: Iḍher-d yiwen n lmelk n Ssid, dɣa tecceɛceɛ yiwet n tafat di lḥebs. Lmelk-nni yewwet Buṭrus ɣer yidis, isker-it-id dɣa yenna-yas: "Ɣiwel! kker!" Dɣa ssnasel-nni ɣlint seg yifassen-is Lmelk-nni yenna-yas: "Bges telseḍ arkasen-ik." Dɣa yexdem akken Inna-yas daɣen: "Sburr s ubernus-ik, tbeɛ-iyi-d."(Lecɣal n Yimceggɛen 12:7-8, NLT).

Mi s-yehder lmelk-nni i Buṭrus di lḥebs, d acu leḥsub "Bges"?

“Bges” lmeɣna-s els iceṭṭiḍen-ik.

Mbeɛd mi gerwel Buṭrus si lḥesb, acuɣer imasiḥiyen ur uminen ara belli yella ɣer tewwurt?

Ur nwin ara ad asen-d-yerr Illu i tẓallit-nsen mi t-id-isserwel si lhebs . Ayagi yeskan-d belli Illu yezmer ad d-yerr i tẓallit-nneɣ s wamek ur nettraju ara . Bulus yura ayagi: “I win i izemren, s tezmert ixeddmen deg-neɣ, ad ixdem akter n wayen i nessutur neɣ i nettxemmim” (Ifasusiyen 3:20, NLT).

Acimi i tenwa Lunǧa belli lebɣi n Yillu ur tettwaxdam ara di lqaɛa ?

Lunǧa terra-d belli ayenni ɣef ddemma n yir timsal i tettwali deg umaḍal - imdanen ttidiren di tgellelt tebrkant , leɛtab d waṭṭan . Lunǧa teččur d leḥnana ɣef wid ittenɛettaben di ddunit, dɣa temmekta-d aḥric si tẓallit n Ssid: “Lebɣi-k ad d-yili di lqaɛa akken yella deg igenwan” (Matta 6:10, EEO). Imi Yasuɛ iselmed-aɣ ad nettẓalla d akken lebɣi n Yillu ad d-yili di lqaɛa, ayagi lmeɛna-s ur d-yettili ara daymen.

Ɛni yella wacu i ilaq ad t-nernu sennig n tẓallit?

Taẓallit d ayen yellan d tazmert i nezmer ad nexdem, axaṭer akked Illu ulac awezɣi ( Matta 19:26) Ɣas akken, llant teswiɛin anda nezmer ad nexdem amgarad ibanen di tudert n wid ittneɛtaben. Amedya, Yuḥenna Aɣeṭṭas yenna i yizumal n lɣaci : "Ma tesɛam sin n yiqnedyar, ad ten-ifreq netta d win ur nesɛi ara. Win yesɛan lqut, ad ixdem akken daɣen. ( Luqa 3:11, EEO) Rnu-yas, Amceggeɛ Bulus yura, “Ihi, skud akk tettunefk-aɣ tegnit, ad nexdem lxir i yimdanen merra, ladɣa i watmaten di liman”.(Igalatiyen 6:10, EEO).

D acu-tent teftilin-nni i d-ittalin seg ixxammen mi akken llan lɣaci deɛɛun?

Nessexdem yiwen n ttesriḥ n usnulfu iwakken ad nmettel s wudem ibanen tiẓilla n medden ttalint s igenni. Adlis n Uweḥḥi n Yuḥenna isken-d tiẓilla n lmumnin ttalint ɣer Yillu: Abbu n lebxur-nni yuli akked tẓilla-nni n yimqeddsen seg ufus n lmelk-nni zdat Yillu” ( Aweḥḥi n Yuḥenna 8:4, EEO)

Yasuɛ Isseḥla yiwen Uderɣal

Acuɣer i gessusef Yasuɛ ɣef wallen n uderɣal-nni?

Izmer ad d-iban dayen yessewhamen d akken Yasuɛ yessusef ɣef wallan-is, meɛna d ayen uɣur i t-iwelleh Ubabat ad t-yexdem. Yasuɛ inṭeq, inna: "Amin, amin, ad awen-iniɣ, Amemmit ur izmir ad ixdem acemma s yiman-is. Siwa ayen yettwali ixeddem-it Ubabat. Ayen akk ixeddem Ubabat, Amemmit ixeddem-it daɣen ula d netta. ( Yuḥenna 5:19, EEO) Akken teẓram, allen n wergaz-nni ḥlant.

Acuɣer i terwi tmuɣli n wergaz-nni mbeɛd mi geẓẓul fell-as Yasuɛ tikkelt tamezwarut ?

Kra n lberhanat ḍerrun-d din din ma d wiyaḍ uḥwaǧen lweqt. D lberhan yessewhamen d akken aderɣal-nni yella acu i gwala mbeɛd mi gessers Yasuɛ ifassen-is fell-as. Mi gɛawed Yasuɛ yennul allen-is, tazmert n Yillu tettkemmil tqeddec deg uraz-nni iwakken ad innekmal ḥellu.

Acuɣer i genna Yasuɛ i wergaz-nni ur ikeččem ara ɣer taddart?

Lemmer i gruḥ wergaz-nni ɣer taddart, tili lexbar imzerwaɛ s lemɣawla. Yasuɛ yella ixeddem lberhanat yessewhamen, lemmer lexbar ad ittemzerwaɛ, d izummal n lɣaci ara s-d-ittezzin dɣa ur ittizmir ara ad yekcem ɣer temdint. Ihi , ilaq ad yeqqim deg yimeḍqan yettwaɛezlen ( Marqus 1 : 41-45 ) Di tama nniḍen, mi s-yenna i wergaz-nni ur ikeččem ara ɣer taddart, izmer ad ikcem ɣer taddart mebla llan izummal n lɣaci.

Izmer daɣen lemmer aṭas n lɣaci ara yeẓren belli d netta i d Lmasiḥ, ad d-rren s lexbar belli d netta i d awrit n ugellid Dawed ɣer ukersi n leḥkem, dɣa ad ɛerḍen ad t-rren d agellid ajdid n wat Israyil. Lameɛna Yasuɛ ur d-yusi ara iwakken ad yeṭṭef adabu n tsertit, meɛna iwakken ad ɣ-isellek s tudert-is ur nesɛi ddnub yerna s lexlaṣ i gxelleṣ ɣef ddnubat-nneɣ.

Acuɣer i genna Yasuɛ i yinelmaden-is ur qqaren i yiwen belli netta d Lmasiḥ?

Dagi daɣen, agdud izmer ad yeɛreḍ ad t-rren d agellid n Israyil, lameɛna ccɣel-is yella di rruḥ mačči di tsertit. Yusa-d iwakken ad yili d Amsellek-nneɣ s lmut-is ɣef ddemma n ddnubat-nneɣ.

Acuɣer i gessawel Buṭrus “Cciṭan”?

Di tutlayt tanaṣlit n Lɛahd Ajdid, awal "cciṭan" izmer anamek-is " axṣim". Ihi Yasuɛ yenna-d belli Buṭurs ikker-d mgal iswiyen-is akked ccɣel-is arebbani. Tzemren ad twalim ayagi deg wayen i s-yenna Yasuɛ i Buṭrus: "Ttixxer akkin fell-i, a Cciṭan! Kečč, d ugur deg ubrid-iw! Ur tettxemmimeḍ ara am Yillu, meɛna am yimdanen." ( Matta 16:23,EEO)

Acuɣer i gekkes umettar-nni abernus-is mi s-d-issawel Yasuɛ?

Amattar-ni issawal i Yasuɛ “ mmi-s n Dawed.” Ibda yettɛeggiḍ, iqqar: "A Yasuɛ, mmi-s n Dawed, ḥunn fell-i!" ( Marqus 10:47, EEO) Dawed yella d agellid n Israyil, amattar-nni iẓra belli Dawed yella si tjaddit n ugellid Dawed yerna iquder-it mliḥ. Izmer abernus n umattar-nni yella d aqdim yerna yeḥfa, dɣa iwala belli ma d leḥdaqa ad ibedd yes zdat n Yasuɛ.

Acuɣer i gerra Yasuɛ talaɣt ɣef wallen n wergaz-nni?

Yeṭṭafar nnehwat n Baba-s n igenwan i s-d-iskanayen ayen i glaq ad t-yexdem.

Acuɣer yiwen ur s-ittuserreḥ ad yexdem ass n usteɛfu?

D ass n usteɛfu i gettwaɛezlen i Yillu. Tira Iqedsen nnant-aɣ-d, “Ad txedmeḍ setta n wussan, ad tekfuḍ merra lecɣal-ik; meɛna ass wis sebɛa, d ass n usteɛfu n Umeɣlal, Illu-yik: "Ur xeddmet acemma, ama d kečč, ama d mmi-k, ama d yelli-k, ama d aqeddac-ik, ama d taqeddact-ik, ama d lmal-ik, ama d aberrani izedɣen di tmurt-ik. ( Tuffɣa 20:9-10, EEO)

Afakan n Sliman

D acu n tseddart n Tira Iqedsen i d lsas n uberreḥ n udlis n Tmusni i Ɣiles, Lunǧa akked Gizmu mi akken unagen di lweqt deg umezruy n Tira Iqedsen?

Taseddart di Lemtul 16:1 i d-yeqqaren, Amdan ittḥebbir, Ameɣlal ittḍebbir. (EEO)

Ɛni yella wacu i gellan deg Usenduq-nni n Lɛahd mebɣir tiblaḍin-nni n ɛecra n lumur?

Ala. Di tallit-nni, Deg Usenduq-nni n Lɛah siwa tiblaḍin-nni i gellan. Tira Iqedsen nnant-aɣ-d, Deg usenduq-nni llant siwa snat n teblaḍin-nni i isers Musa daxel, deg udrar n Ḥurib, asmi akken i yexdem Umeɣlal lɛahd netta d ugdud n Israyil, mi d-ffɣen si tmurt n Maṣer ( 1 Igelliden 8:9 EEO) Lameɛna, yella-d yiwen n lweqt anda i d-rnant tɣawsiwin nniḍen ɣer Usenduq-nni n Lɛahd. Adlis n Iɛebraniyen ibder-ed d akken mi gella usenduq-nni n Lɛahd deg uqiḍun, illa deg-s daɣen uqbuc n ddheb yeččuren d tamana akked uɛekkaz n Harun. Yura, “Daxel n usenduq, illa uqbuc n ddheb yeččuren d tamanna, aɛekkaz n Harun yeǧǧuǧgen akked teblaḍin n lɛahd ( Iɛebraniyen 9:4 EEO)

Anwa-t Natan?

Yella d nnbi n Umeɣlal ( 1 Igelliden 1:8) Di tedwilt, mi gruḥ Natan ad s-yehder i ugellid Dawed, ittwaqeddem am nnbi Natan.

S tidet Bat-Cibaɛ teẓẓel di lqaɛa zdat n ugellid Dawed?

Kra n tsuqlin qqarent-d belli Bat-Cibaɛ tekna zdat-es, ma d tiyaḍ nnant-ed, “Bat-Cibaɛ tekna dɣa tseǧǧed zdat ugellid” ( I Igelliden 1:16)

Acɣer i s-ilaq i Bat-Cibaɛ ad teknu neɣ ad teẓẓel di lqaɛa zdat n wussu n Dawed?

Ɣas akken Bat-Cibaɛ tella d atemṭṭut n Dawed, teḍfer ilugan n leɛwayed n tikli iṣewben ɣer lǧiha n ugellid. Ilugan qqaren-d d akken ilaq yiwen ad iknu zdat-es yerna ad yerǧu alamma ihder-d sakin ad d-yini assuter-ines.

Acuɣer Bat-Cibaɛ tessawal-s i wergaz-ik “a sidi” akked “ay agellid”?

Teḍfer ilugan n lɛada n tikli yelhan ɣef lǧiha n ugellid mi temmeslay yid-s ɣef leḥsab n wemkan n ugellid i geṭṭef.

Acuɣer i yerkeb sliman zzayla n ugellid Dawed ɣer tala n Giḥun iwakken ad yettwadhen d agellid ?

Igelduden ttalin ɣef zzaylat, meɛna ur ilaq ara ad alin ɣef zzayla n ugellid mebla ma sɛan ttesriḥ uzzig. Meɛna, mi akken agellid Sliman yuli fell-as, issebgen-d d akken yesɛa lemziya n ugellid Dawed netta ara yilin d agellid i d-iteddun.

D acu-t tafat nni i d-yezzin ɣef Sliman mbeɛd mi temmar zzit nni ɣef uqaṛṛu-s?

Tafat nni tettmetil-d Ṛṛuḥ Iqedsen i d-yersen fell-as akken ad s-yefk ttawil ad yeqdec am ugellid.

D acu-tt tinifift n lweqt?

Lmeɛna-s d ttawil i yesseqdac Adlis n Tmusni akken ad yawi Ɣiles, Lunǧa akked Gizmu seg umkan ɣer wayeḍ meɛna dima deg ucali nni n Udlis n Tmusni.

D acu-tent tɣawsiwin yellan deg ufrag n ufakan?

Deg idis azelmaḍ, tella tnejra s nnḥas (12 iḍaṛṛen n nnḥas iɣef ara ters) i yesɛan aman i tarda ilaqen. Deg idis ayfus, yella uɛelṭar di tqacuct n lsas s uẓru. Llant daɣen tkerrusin n nnḥas (wali 1 Igelliden 7:23-39).

D acu-tent tɣawsiwin yellan deg umkan ɣezzifen n ufakan?

Amkan nni ɣezzifen yettusema “Amkan iqedsen” (1 Igelliden 8:8). Yesɛa xemsa n lemṣabiḥ n ddheb yeṣfan, ṭṭabla n ddheb iɣef ittrusu uɣrum imqeddes, akked uɛalṭar n ddheb (1 Igelliden 7:48-49).

D acu-ten sin nni n isebdaden n ddheb daxel umkan n ufakan?

Daxel umkan n ufakan yettusemma “Amkan iqedsen nezzeh” (1 Igelliden 6:16 EEO). Sin nni isebdaden ɣezzifen d ikerruben i yellan d lxaliqat n igenwan (1 Igelliden 6:23-28).

D acu-tt tagut akked tafat i yellan sufella n Lɛarc mi yettwassers deg Ufakan?

Tagut akked tafat d ayen i nettwali s wallen-nneɣ tillin akked lɛaḍima n Yillu i d-yettbanen. Tira Iqedsen qqaṛent-aɣ-d, mi d-ffɣen lmuqeddmin seg umkan iqedsen, tagut teččur-d Axxam n Umeɣlal. Lmuqeddmin ur zmiren ara ad qqimen daxel i wakken ad qedcen si tagut-nni; axaṭer lɛaḍima n Umeɣlal teččur-d axxam n Umeɣlal. (1 Igelliden 8:10-11 EEO).

Acuɣer i d-tesseknem aḥric kan si tẓallit n ugellid Sliman deg ufakan?

Axaṭer ur nesɛi ara aṭas n lweqt akken ad d-neglem taqṣit akk seg Tira Iqedsen, nesken-d kan aḥric si tẓallit-is n ccekran. Taẓallit-is n ccekran ikemlen tella deg 1 Igelliden 8:23-53

Nebɣa ad d-nernu ugar ɣef tedyanin seg Tira Iqedsen deg tedwilin n Udlis n Tmusni. Meɛna, aḥric n tqeṣit n yal tadwilt tesɛa kan 22 n ddqayeq, yerna lweqt ikemlen n yal tadwilt yesɛa talast ɣer 28 ddqayeq, i wakken ad izmiren aad d-ɛeddint deg teswiɛin n 30 ddqayeq. (Ayagi ad ɣ-yefk amek ara ad nessewṣel Adlis n Tmusni ɣer waṭas n warrac di ddunit.) Yal aḥric n tedwilt tesbanay-ed Ɣiles akked Lunǧa di tawennaṭ-nsen tatrart , iwakken arrac ad izmiren ad lemden yiwet n temsisrt yesɛan azal d ameqqran. Ilaq-aɣ daɣen ad nessekcem tizlit n uledduy , tizlit n usefreg d usakli n taggara . Ihi ur nesɛi ara aṭas n lweqt iwakken ad nemslay ɣef tedyanin akk n teqṣiḍin n Tira Iqedsen. Nessaram yerna nettmenni d akken icaliyen n Ɣiles akked Lunǧa ad mudden i warrac lebɣi akken ad issinen ugar ɣef teqsiḍin-a. Yiwen seg yiswiyen n umazrar n Udlis n Tmusni d amuddu n leḥrara i yigerdan ad ɣren Tira Iqedsen.

Acuɣer i d-seknem siwa une weḥric seg inaw u gellid Sliman i wegdud?

I tikkelt nniḍen daɣen, imi lweqt-nneɣ meḥdud iwakken ad d-neglem yal taqṣiṭ n Tira Iqedsen, nesken-d tiswiɛin ifazen n Sliman mi gettbarak agdud n wat Israyil. Lbaraka ikemlen ad t-tafem di 1 Igelliden 8:56-61

Anta tasuqilt n Tira Iqedsen i tesxedmem i tẓallit akked inaw n ugellid Sliman deg Ufakan?

Nessexdem Tasuqilt n Tmezdayt Tanǧilit n Iwaḍiyen.

Afakan n Sliman mazal-it daymen Ibedd?

Xaṭi. Ihudd-it ugellid Nabuxadnuẓur n Babil di 587 uqbel Y.-L. (Walit Ɛazra 5:12)

Yacuɛa akked Kalib

Acuɣer i yefka Illu idurar n Ɛemmuriyen i wat Isṛayil?

Illu iwɛed i Abraham, Isḥaq akked Yeɛqub ad sen-yefk Tammurt n Kanɛan (Laṣel n ddunit 15:16-21; 26:3; 28:13-15). Mi qerben Wat Israyil ɣer tmurt agi iweɛden, Yenna-asen, “Walit! Atan fkiɣ-awen tamurt-ihin zdat-wen, ruḥet ad tttwertem; d tamurt i yeggull Umeɣlal ad tt-ifk i lejdud-nwen, i Abraham, i Isḥaq, i Yeɛqub akked tarwa-nsen ara d-irnun deffir-nsen. (Asmekti 1:8, EEO).

Yerna, Imuriyen ɛebden irebbiten n lekdeb yerna llan d agdud amednub, dɣa Illu yugi-ten yerna yefka tamurt i Wat Israyil.

Acuɣer ɛecra n ixbarǧiyen iɛebraniyen sɛan lqela n liman?

Nutni walan timsal ɣef leḥsab n tmuɣli tagmawit n wamek i ǧehden yiɛdawen akter-nsen. Nutni nnan-d, “Ur nezmir ara ad nruḥ ad nennaɣ d ugdud-agi, Axaṭer ǧehden akter-nneɣ." (Aneẓruf 13:31 EEO) ayagi yeǧǧa-ten ad ten-tekcem tugdi. Meɛna, lukkan i reṣṣan tamuɣli-nsen ɣef lewɛud d lberhanat n Yillu i yexdem yakkan, liman-nsen ad yimɣur yerna nutni ad amnen d akken Illu ad yennaɣ deg umkan-nsen yerna ad senèyefk tarnnawt! Yacuɛa d Kalib nnan i wegdud, “Ur ttɛaṣit ara Ameɣlal! Ur ttagadet agdud n tmurt-ihin, Axaṭer d učči ara ten-nečč. Ayen akken i asen-irran tili, yeǧǧa-ten, ma d nekni, Ameɣlal illa yid-neɣ; Ur ten-ttagadet ara!" (Aneẓruf 14:9, EEO)

Ɛni ixbarǧiyen iɛebraniyen walan imdanen annect-ilaten?

Llan imdanen annect-ilaten yerna llan ula d leɣwal di Tmurt n Lweɛd Aṭas n iseggasen mbeɛd, Dawed yenɣa Gulyat, yellan annect-ilat. Tira IQedsen nnant-aɣ-d annect yewweḍ Gulyat: Iffeɣ-d yiwen n urgaz yellan d lɣul si lemḥella n Ifilistiyen, . Isem-is Gulyat, si Gat, yerna yesɛa setta n yiɣallen akked tardast di lqedd (1 Camwil 17:4, EEO)

Acuɣer ur uminen ara lɣaci?

Ur ḥsiben ara ayen yexdem Umeɣlal i yimasṛiyen akked lberhanat akk i gesnekmal deg uneẓruf. Tira Iqedsen ḥkant-ed belli Illu yenna i Musa: Ar melmi akka ara y-iḥeqqer ugdud-agi? Ar melmi ara yeqqim akka, ur ittkal ara fell-i, ɣas akken xedmeɣ gar-asen acḥal d lberhan? (Aneẓruf 14:11, EEO)

Rnu, ur uminen ara lewɛud i sen-yexdem Illu. Yenna-yasen: Ḥrez deg wul-ik ayen akka i ak-d-umreɣ, ass-a. Nekk, aql-i ad qeccɛeɣ si zdat-k Imuriyen, Ikanɛaniyen, Iḥitiyen, Iḥiwiyen akked Iyabusiyen. (Tuffɣa 34:11, EEO).

Acuɣer Kalib akked Yacuɛa ccergen iceṭṭiḍen-nsen mi akken i slan i lexbar nni n diri i d-wwin ixbarǧiyen-nni ?

Di Lɛaddat-nsen, acerreg n iceṭṭiḍen yessebgan-d ccedda meqqren. Di liḥala-yagi, llan rfan imi agdud mačči kan yumen lexbar-nni n diri, lameɛna kkren-d mgal lebɣi n Yillu d akken ad s-yekkes tamurt n Lweɛd.

Acuɣer i d-yenna Illu belli ula d yiwen seg wat Israyil imeqqranen ur keččmen tamurt n Lweɛd?

Ɛuṣant aṭas n tikkal ɣas akken walan aṭas n lberhanat yessewhamen ( Aneẓruf 14:21-22), meɛna ḥeqqren (ts 23). Iẓra belli iqqur uqerruy-nsen di lqella n liman yerna yiwet n tsuta n yilmeẓyen ara t-yamen d nettat ara ikecmen ɣer tmurt n lweɛd. Illu iweṣṣa Musa a s-yini i wegdud, Ma d arraw-nwen iɣef d-tennam: Ad ten-awin yiɛdawen-nneɣ! Nutni ad ten-skecmeɣ; ad issinen tamurt-agi i tḥeqrem” ( Aneẓruf 14:31, EEO)

Imi Illu iɛuqqeb at Israyil iddenben, ayagi lmeɛna-s ad iyi-yeǧǧ mi ara ddenbeɣ ula d nekk?

Ala ! Illu iḥemmel-ik aṭas yerna yebɣa ad d-teṭṭfeḍ leɛfu-ines. Leɛfu ad d-yilli di tudert-ik mi ara ad tamneḍ s Yasuɛ, ad tezziḍ ɣef lecɣal n ddir, ad tessutreḍ i Yillu leɛfu-ines, yerna ad teẓẓaleḍ akken ad d-tqebleḍ Yasuɛ deg ul-ik akked tudert-ik am umsellek-ik d Ssid-ik.

Ma yella tumneḍ yakan, aql-ik d aɛeggal si twacult di ṛṛuḥ n Yillu (Yuḥenna 1:12), yerna ddnub ur yettruẓu ara asseɣ-ik akked-s (1 Yuḥenna 1:7). Illu iḥemmel, iṣṣebber yerna d uṛṛeḥim. Tira Iqedsen qqaṛent-aɣ-d, “Ala, rreḥma n Umeɣlal ur tenneqḍeɛ ara, Ala, leḥnana-s ur tekfi ara! Yal ṣṣbeḥ ttjeddident-d. Acḥal meqqret nnṣaḥa-k! (Asḥisef 3:22-23, EEO). Yerna, Illu yeqqar, “"Ur k-ttaǧǧaɣ ara, ur ttakeɣ ara afus deg-k." (Iɛebraniyen 13:5, EEO). Mi ara ad tqaṛṛiḍ s ddnub-ik, netta dima ad k-yeɛfu ddnub-ik (1 Yuḥenna 1:9).

Ilya akked taǧǧalt

Acuɣer ttjur-nni qqurent yerna ur kkawent?

Illu isseḥbes ageffur ɣef tmurt ilmend n lmeɛṣya n wat Israyil i gɛebbden imesmuden Tira Iqedsen ḥkant-ed ayen yeḍran: “Ilya Aticbi, yiwen seg yimezdaɣ n Gilɛad, yenna i Aḥab: "Ameɣlal idder, Illu n Israyil, win iɣef qeddceɣ! Ur d-tettili nnda, ur d-ittili ugeffur iseggasen-agi, alamma nniɣ-d s yimi-w." ( 1 Igelliden 17:1, EEO)

Acuɣer i d-yenna Gizmu belli iḥemmel pizza? Ɛni isett pizza?

Di tidet Gizmu ur isett ara pizza, meɛna teɛǧeb-as tɣimit-nni n tddukli d usedhu , acmumeḥ d yiḥulfan n wid i as-d-yezzin .

Acuɣer i s-d-wwin igerfiwen lqut i Ilya

D Illu i sen-yumren ad xedmen akkeni. Nezmer ad nwali ayagi deg wayen yenna Illu i Ilya: Seg ucercur-nni ara ttesseḍ, yerna umreɣ i yigerfiwen ad k-ɛeggcen dinna."(1 Igelliden 17:4, EEO).

D acu i yella Ɣiles ittes mi akken teddun ɣer Ṣurfat?

Tella d ṣṣenf n tqerɛunt yettwaxedmen s weglim n uɣersiw.

Acuɣer i tefkam isem i weqcic-nni Mika imi Tira Iqedsen ur s-tsemma ara?

Nessexdem ttesriḥ n usnulfu akken ad ner ameslay d agmawi ugar!

Mi gemmt Mika, acuɣer i t-yewwi ILya ɣer tɣurfett d asawen yerna sakin yeẓẓul fell-as?

Izmer taxxamt-nni tella d amkan anda yuɛ tannumi Ilya ittẓalla.

Acuɣer i geẓẓul ILya tlata n tikkal?

Di tallit-agi akked deg idles-agi, tlata yella d amḍan ucrik di leɛwayed.

D acu-tt tafat-nni di Mika mi d-yuɣal ɣer tudert?

Nessexdem yiwen n ttesriḥ n tẓuri iwakken ad d-nesken rruḥ n Mika yuɣal-ed ɣef tfekka-s, ɣef leḥsab n wamek yeẓẓul Ilya: "Ay Ameɣlal, Illu-yiw, di leɛnaya-k, err-as-d rruḥ i uqcic-agi."(1 Igelliden 17:21, EEO). Tira Iqedsen qqaṛent-aɣ-d, “Ameɣlal isla-d i tiɣri n Ilya. Aqcic-nni, yuɣal-it-id rruḥ, dɣa yuɣal idder.”( 1 Igelliden 17:22, EEO)

Selmed-aɣ ad neẓẓal

Amek yettfeǧǧiǧ Yasuɛ mi gella yettẓalla di tebḥirt?

Lɛaḍima tarebbanit yellan zdaxel-is, lameɛna ilaq ur d-ttban ara, tban-ed s wudem yessewhamen, akken i gfeǧǧeǧ s tafat n igenwan. Tira Iqedsen gelment-d akka: “Tembeddal ṣṣifa-s zdat-sen: Udem-is ittfeǧǧiǧ am yiṭij, llebsa-s tuɣal d tamellalt am tafat. (Matta 17:2 EEO).

Amek Musa akked Ilya banen-d akked Yasuɛ ɣas akken dayen ur ttidiren ara di lqaɛa?

Illu yerra-tt zemren ad d-banen yerna ad meslayen akked Yasuɛ Lameɛna Tira Iqedsen ur d-tennint ara belli banen-d di tfekkiwin n wemdan neɣ di talɣa n rruḥ.

Acuɣer i d-seknem Musa akked Ilya s yini imdehheb ma d Yasuɛ s ucebḥan yettfeǧǧiǧen.

Tira Iqedsen ur d-tennint ara belli Musa akked Ilya llan ttfeǧǧiǧen am Yasuɛ, ihi nessexdem ttesriḥ n unaẓur iwakken ad s-nefk ini yemxallafen ɣef win-is.

D acu-tt tugut-nni i d-iṣṣuben?

Tella d tagut n tili n Yillu. Si tagut i d-ihder Illu dɣa yenna-d:"Wagi, d Mmi amaɛzuz, yis-s i ferḥeɣ; ttḥessiset-as!" (Matta 17:5 EEO). D imeslayen-agi yakan i d-iɛawed Illu mi yettwaɣḍes Yasuɛ, acu kan, tikkelt-agi daɣen yenna-d, “ttḥessiset-as!"

Acuɣer i d-seknem aqcic-nni yettwazedɣen yecmet mliḥ?

Nessexdem ttesriḥ n unaẓur iwakken ad d-nesken atḥekkem n lǧenn-nni di tfekka-s akked d uḍurru i gettḍru aqcic-nni.

Acuɣer i d-skanayem Lǧenn dirit mliḥ?

Nebɣa d akken udem n lǧenn-nni ad ibeggen ṭṭbiɛa-ines tamcumt.

Acuɣer ur texdimem ara d akken ad d-inim seg imi n Yasuɛ d akken ṣṣenf-agi n leǧnun ur ttefɣen ḥala " s tẓallit akked ttuẓamin"?

Di tsuqilin n tneglizit, am tsuqil King James akked New King James, rnant-ed imeslayen-agi "akked ttuẓamin", yiwen umḍan n tira ifazen igrigiyen i deg tella tseddart-agi ur texdimen ara. S wakka, aṭas n tsuqilin n Tira Iqedsen ur d-sekcment ara daɣen imeslayen-agi. Nextar ad nessexdem akken yura di tira tigrigiyin i d-iitwabedren usawen akked waṭas n tsuqilin n Tira Iqedsen tatranin.

Mbeɛd mi gehder Yasuɛ i yinelmaden-is ɣef tẓallit d liman, anta tiseddarin nTira Iqedsen swayes ẓullen inelmaden?

Ẓullen tlata n tseddarin timezwura n Uhellil 27:

“Ameɣlal d tafat-iw d leslak-iw:Anwa ara agadeɣ? Ameɣlal d taseddarit n tudert-iw: Anwa ara agadeɣ? Mi ara d-qerrben ɣur-i yimcumen, i wakken ad ččen aksum-iw, Mi ara d-ẓedmen fell-i yixṣimen-iw akked yiɛdawen-iw, d nutni i yettemderkalen, ɣellin. Ɣas d lemḥella n lɛesker ara yi-dizzin, ul-iw ur ittagad acemma, Ɣas ad iyi-sekren ṭṭrad, nekk ad iliɣ di laman, ad theddneɣ

Irmiya

S tidett Illu innul imi n Irmiya.

Ih! Atah wayen yura Irmiya ɣef usentel-agi: Imiren Ameɣlal iẓẓel-d afus-is, innul imi-w, dɣa yenna-yi-d: "Atan rriɣ lehdur-iw deg yimi-k. Aql-i wekkleɣ-k ass-a ɣef leǧnas akked tgeldiwin iwakken ad tqelɛeḍ yerna ad thuddeḍ, i wakken ad tesxerbeḍ yerna ad tesnegreḍ, iwakken ad tebnuḍ yerna ad teẓẓuḍ."(Irmiya 1:9-10, EEO).

D acu-t ccuɛ-nni imddeheb i d-yezzin i Imiya mbeɛed mi t-yennul Illu?

D tilin n Rruḥ Iqedsen i d-yersen fall-as iwakken ad yizmir ad isnekmal asiwel-is.

Acuɣer innerfaɛen ttawilat n wurar n Ɣiles di ṭṭuq askudan n Udlis n Tmusni?

Adlis n Tmusni ur ittɛemid ara i Ɣiles akked Lunǧa ad awin yid-sen tatiknulujit tatrart iwakken ad ruḥen ɣer wakud n Tira Iqedsen.

D acu-t ufeǧǧeǧ-nni i d-yezzin i Irmiya mbeɛd mi taqbuct-nni n ufexxar ur teddawar ara akken i d-imenna?

D ddhana n Rruḥ Iqedsen i d-ifkan i Irmiya aweḥḥi akked lexbar ara iberreḥ i wegdud.

S tidet yettewwet Irmiya s ujelkaḍ?

Anɛam ih. Tira Iqedsen nnant-aɣ-d, “Lmuqeddem Facḥur, mmi-s n Imir, yellan d amḍebber ameqqran n uxxam n Umeɣlal, isla i Irmiya yettciri-d lehdur-agi. Facḥur yewwet nnbi Irmiya, yerna yessekcem-it ɣer lḥebs i d-izgan ɣer tewwurt n ufella n Binyamin, deg uxxam n Umeɣlal.” (Irmiya 20: 1-2).

Anda-ten imeslayen-nni i d-yenna Irmiya ar ugilal deg usayes n ujelkaḍ?

Imeslayen-is llan di Irmiya 20:7-18 Ɣef lḥers n lweqt, nextar-ed kra n tseddarin seg uḥric ( ts 7,11,13 akked 17-18)

Iwacu i d-tesseknem isuyas udfilen mi akken yettwajelkeḍ Irmiya ?

Nebɣa ad d-nesken d akken ɣas akken Irmiya yettewwet s ujelkaḍ, Irmiya yeqqim d imekdi yerna ittkemil ittaɣ-as awal i Yillu. Nebɣa daɣen ad neqqim d imekdiyen ɣef wayen yeɛnan amezruy. Rnu, neskcem-d leryuy ɣef uɣummu n DVD akked deg umnir n usqerdec n twacult ayen ara yefken affud i yimawlan ad walin tadwilt uqbel ad tseknen i dderya-nsen.

Mi akken yella Irmiya ittɛebbi azaglu-nni, acuɣer asayes iban-d yemxalaf ɣef tidet?

Uqbel ad yawi Adlis n Tmusni Ɣiles, Lunǧa akked Gizmu d iseggasen umbeɛd, yeṭṭef-iten ciṭuḥ deg tbuciḍant-nni ur nettɛettil ara iwakken ad walin yiwet n tmuɣli s umata n tedyanin tisura i d-yeḍran ger sin-nni n wakuden.

Yasuɛ isečč wid yelluẓen

Mi twala Lunǧa i tikkelt tamezwarut Meryem yemma-s n Yasuɛ, testeqsa-t ma yella mlalent-d yakan. Acuɣer ur myeɛqalent ara deg “Tfaska n tlalit tamezwarut”?

Lunǧa ur teɛqil ara Meryem axaṭer tella tesɛa nnig 30 n iseggasen. Meryem ur teɛqil ara Lunǧa axaṭer ad terǧu ( Meryem) ad taf Lunǧa temɣur yerna tuɣal d temeṭṭut. Rnu-yas, ɛeddan 30 n iseggasen segmi mlalent, izmer Meryem tettu amek i tella Lunǧa.

Acuɣer iqeddacen ( Ɣiles akked Mika) ssarden iḍarren n inebgawen mi d-wḍen?

Aṭas n inebgawen i yelḥan amecwar d ameqqran s arkasen deg iberdan yeččuren d aɣebbar, dɣa iḍarren-nsen ččuren d aɣebbar. Akken ad yili bab n wexxam yelha, ilaq iqeddacen ad ssirden iḍarren n inebgawen.

Amek i teẓriḍ belli Yasuɛ iwehha-yas i yemma-s Meryem s uqerru-yis iwakken ad s-d-ibeggen belli ad yexdem ayen akken i s-d-ssuter ɛef wayen yeɛnan ccrab?

Imi Meryem textar ur tqebbel ara ayen i s-yenna Yasuɛ tikkelt tamezwarut ɣef wayen yeɛnan assuter-is, yerna tenna i yiqeddacen ad xedmen ayen akk ara sen-d-yini Yasuɛ, nesseqdec turagt timerna akken ad d-neglem ayen i d-yeḍran deg temyigawt-nsen

Mi geḥmed Yasuɛ Illu ɣef uɣrum d lḥut , d acu n tutlayt swayes i gdeɛɛu, d acu-tt tsuqqilt-nni ?

Nessexdem ttesriḥ n usnulfu akken ad d-nesken Yasuɛ yettẓala s tɛibranit. Nextar yiwet n taẓallit i yettwasxedmen s waṭas ass-a sɣur wegdud uday i wakken ad snemren ɣef wučči. Imeslayen iɛebriyen akked tsuqqilt taqvaylit i d-iitwabedren s wadda:

Baruch atah, Adonai Eloheinu, melech ha’olam, hamotzi lechem min ha’aretz.

Tettubarkeḍ, Ay Illu Ameɣlal, Agellid n ddunit, i d-issufuɣen aɣrum si lqaɛa.

Anta taseddart i d-yebder uḥekkay ɣer tagara n tedwilt ?

Tella 2 Ikurintiyen 9:10 si Tektabt Tamezdayt Tanǧilit Iwaḍyen ( EEO):

Win i d-ittaken zerriɛa i ufellaḥ akked uɣrum d lqut, ad awen-d-ifk yerna ad issefti zerriɛanwen, yerna ad isgem lfakya n lewqama-nwen.”

Yasuɛ deg Uneẓruf

Acuɣer Meryem akked Yusef ur d-rrin ara s lexbar uqbel belli Yasuɛ ur yelli ara yid-sen?

Mebla ccekk Yusef akked Meryem llan akked yiwen wegraw i d-yusan akkeni si Nasarit i guɣalen sakin ɣer Nasarit mbeɛd mi sfuglen Tafaska n Usuref. Assikel akkeni yefka-yasen-d lemḥarba s zzyada akked tezmert ad ferqen lumur nniḍen. Imi xedmen akkeni yiwen wegraw yedduklen, Yusef d Meryem ɣilen d akken Yasuɛ yella akked warrac nniḍen.

Acuɣer i d-yenna Yusef imi Yasuɛ yesɛa 12 iseggasen tura, " atan qrib d argaz"?

Deg yidles uday, ttwalin d akken aqcic n 13 n yiseggasen dayen yuɣal d amengaḍ, d amasay n tigawin-is.

Ɛni s tidet d Cciṭan i d illu n zzman-agi?

Ɣas akken Cciṭan ur yelli d Illu wala d Axellaq n ddunit-agi, amceggeɛ Bulus yura belli Cciṭan d illu n zzman-agi: “... i wid iwumi yesderɣel lefhama yillu n zzman-agi, wid ur nettamen ara”(2 Ikurintiyen 4:4 EEO). Xerṣum snat n tsuqqilin nniḍen n Tira Iqedsen ( EEO, EEB) sxedment tanfalit “illu n zzman-agi” di tseddart-agi. Rnu, Yasuɛ isemma Cciṭan d sselṭan n ddunit-agi ( Yuḥenna 14:30) Yerna ddunit merra attan ddaw leḥkem n umcum (1 Yuḥenna 5:19), ur ilaq ara ad nettu belli Yasuɛ iɣleb-it ( Iɛebraniyen 2:14) Run-yas, Yasuɛ yefka-yaɣ tazmert ɣef weɛdaw ( Matta 16:17, Luqa 10:19) Kenwi, ay arrac imecṭaḥ, Yillu yeɣleb ddunit (1 Yuḥenna 4:4, 5:4).

Acuɣer i d-seknem yiwen wurar hulugrafik d ukriṭ yerna yecmet? “Blades of Bedlam III” ittwaglem am akken ittunefk-ed i warrac n 17 iseggasen d asawen.

Deg idles amiran, igurdan zemren ad afen iman-nsen ttwasenden ɣer idellilen i wuraren tividyutin ukriṭen. Nebɣa ad sen-d-nesken belli ur ilaq ara ad serḥen i wuɣurru akked lḥers n imddukal-nsen.

Acuɣer Yusef d Meryem ur ɛqilen ara Ɣiles akked Lunǧa n "Nuwil Amezwaru"?

Ixemmimen n Yusef akked Meryem llan ttwaceɣben s unadi n Yasuɛ Yerna, tili ad rǧun d akken Ɣiles akked Lunǧa ad sɛun 12 n iseggasen ugar seg wasmi i d-ilul Yasuɛ.

Acuɣer i texser tremmant-nni imiren kan mi tt-yeṭṭed Lusifar?

Nessexdem ttesriḥ n usnulfu iwakken ad d-neken belli Cciṭan yettawi-d lmut d nnger Yasuɛ yenna-d yiwet n tikkelt ‘Amakar ittruḥu-d kan i wakken ad yaker, ad izlu, ad issexser. nekk, ruḥeɣ-d i wakken ad sɛunt tudert, yerna ad tt-sɛunt s ṭṭaqa.(Yuḥenna 10:10 EEO).

D acu i d-yeqsed Yasuɛ mi d-yenna belli ilaq ad d-ilhu s lecɣal n “Baba-s”?

Di tedwilt, Yasuɛ yenna i Meryem d Yusef, “Acuɣer i tettnadim fell-i? Ur teẓrim ara? Ilaq ad d-lhiɣ d lecɣal n Baba."(Luqa 2:49 EEO) Iqsed-d Illu yellan d Baba-s n igenwan yerna ad yili deg ixxam n baba-s, yeɛni Afakan. Di tsuqilt nniḍen n Tira Iqedsen, Yasuɛ yenna i yimawlan-is, “Meɛna acuɣer i tuḥwaǧm ad tnadim? Ɛni ur teẓrim ara belli ilaq ad iliɣ deg uxxam n Baba?”(EEO)

Lemmer ad d-ɣliɣ seg ucruf, ad yi-d-yeṭṭef yiwen n lmelk am akken i s-ixdem yiwen n lmelk i Ɣiles?

Illu yesɛa lmuluk yesseḥbibiren fell-aɣ, lameɛna ur ilaq ara ad nɣil belli yiwen n lmelk ad ɣ-isellek seg uɣelluy. Ur ilaq ara ad nestehzi neɣ ur nettḥadar ara. D anemgal , ilaq ad d-nessebgen belli nettḥadar yerna d ukyisen. Akken i d-yenna Yasuɛ, “Ur ttjerrib ara Ssid, Illu-yik.'(Luqa 4:12 EEO).

Acuɣer i d-seknem Cciṭan ileḥḥu deg igenni?

Nessexdem ttesriḥ n usnulfu iwakken ad d-nesken acḥal yeḥrec Cciṭan yerna yeẓwer akken ad ɣ-idegger ad nedneb. Di liḥala-agi, ittɣuru Yasuɛ akken ad d-ineggez seg Ufakan. Amceggeɛ Bulus yura ɣef Cciṭan, “i wakken ur aɣ-ittɣurru ara Cciṭan, axaṭer nessen leɛzayem-is” (2 Ikurintiyen 2:11 NLT).

D acu n tgeldiwin yemxallafen i s-d-isken Cciṭan i Yasuɛ?

Ɣas akken Tira Iqedsen ur d-nnint ara d anwa-tent tgeldiwin-agi i d-ittwaseknen, nesken-ed kra n tugniwin n Ruma, aɣrab n Ccinwa, leǧnanat iɛelqen n Babil, tizamugtin n Lǧiza akked lefnar n Tiskendriyt.

D acu xeddment lmalayekkat mi akken isersent ifassen-nsent ɣef Yasuɛ?

Nessexdem ttesriḥ n usnulfu iwakken ad d-nesken amek i t-sǧehden mbeɛd tuẓamin-is n 40 wussan akked uɣuru-is sɣur Cciṭan. Tira Iqedsen nnant-aɣ-d : Imiren, Cciṭan ittaxxer fell-as; dɣa lmalayek qerrben ɣur-s i wakken ad qedcen fell-as (Matta 4:11 EEO).

Bulus akked Bar-Naba

D acu-t asebnu-nni ameqqran deg usayes amezwaru?

Yella d Afakan di Yarucalim.

Anwa-ten sin-nni n yergazen deg Ufakan i gheddren ɣef wacu i ylaq ad s-txedmen i yinelmaden?

Nessexdem ttesriḥ n usnulfu iwakken ad d-nesken sin iɛeggalen n usqamu ɛlayen uday i gheddren ɣaf wacu ilaq ad txedmen ɣef wayen yeɛnan inelmaden. Yiwen ufarisi isem-is Gamalyil d win i gettdeggiren ɣer lemḥadra, lameɛna Lmuqeddem Ameqqran ur iwufeq ara.

D acu-t umeqyas-nni imddeheb imceɛel i d-ibanen uqbel ad d-ikcem lmelk ɣer taxxamt n lḥebs?

Nessexdem ttesriḥ n tnaẓurit iwakken ad d-nesken tawwurt n umaḍal n rruḥ ɣer umaḍal agmawi.

D acu-tt tafat-nni timddehebt i d-yezzin i Bulus uqbel ad iɛeggeḍ ɣef useḥḥar-nni?

Nessexdem ttesriḥ n tnaẓurit iwakken ad d-nesken belli Bulus yeččur d Rruḥ Iqedsen yerna iṭṭef-ed yiwen lexbar n uciri nɣur Illu. Tira Iqedsen nnant-aɣ-d belli Cawul, yettwasnen daɣen s yisem n Bulus, yella yeččur d Rruḥ Iqedsen yerna imuqel aseḥḥar-nni s allen. dɣa yenna....(Lecɣal n Yimceggɛen 13:9-10 NLT).

D acu i d ini-nni aciban i d-yettbanen deg ugilal mi d-ittciri Bulus ɣef useḥḥar-nni?

Nessexdem ttesriḥ n tnaẓurit di tmuɣli n useḥḥar-nni, amek i yebda iẓri-s ittnerfaɛ. Tira Iqedsen nnant-aɣ-d, Imiren kan, ṭṭlam akked leɣmam ɣlin-d fell-as; isderduf, ittnadi anwa ara as-iṭṭfen afus.(Lecɣal n Yimceggɛen 13:11 EEO)

Acuɣer Bulus d Bar-Naba cerggen iceṭṭiḍen-nsen mi d-qedsen imezdaɣ ad qeddmen iseflawen deg ifakanen n wid iɛebden irebbiten n lekdeb iwakken ad ɛuzen Bulus d Bar-Naba.?

Di Lɛaddat-nsen, acerreg n iceṭṭiḍen yessebgan-d ccedda meqqren. Di liḥala-agi, rfan mliḥ imi lɣaci ɣilen-ten d irebbiten yerna qesden-d ad qeddmen iselflawen iwakken ad ten-ɛuzzen.

D acu n tseddarin i sxedmen Bulus akked Bar-Naba mbeɛd mi d-yekker Bulus seg urǧam?

Llan heddren-d seg Ihellilen 138: Ɣas ɣerqeɣ di ccedda, Tettarraḍ-iyi-d rruḥ, Tteẓẓleḍ-d afus-ik ɣef yiɛdawen-iw yerfan; Ayeffus-ik ittsellik-iyi. (ts 7 EEO) Ad d-yessufeɣ UMEƔLAL iɣawasen-is i tudert-iw... ( ts 8 EEO)

Acuɣer i tɛeddam ɣer tsuqilt nniḍen n Tira Iqedsen i tseddart tis 8 n Tira usawen-agi?

Nettwali belli taseddart-agi 8 n tsuqilt-agi teshel-asen i warrac ad tfehmen s shala.

D acu yeḍran mi yewwi Adlis n Tmusni Ɣiles, Lunǧa akked Gizmu yerna qqimen ttwaɛelqen deg igenni?

Adlis n Tmusni yewwi-ten seg yiwet n tenqiṭ deg wakud ɣer yiwet n tedyant deg imal deg umezruy n Tira Iqedsen. Imi Adlis n Tmusni yebɣa ad fehmen liḥala anda i ten-yewwi, isken-asen-d tidyanin yesɛan azal i d-yeḍran ger snat-nni n tenqiḍin deg wakud.

Filibus

D acu-tent tugniwin-nni yellan deg lḥiḍ n uxxam n useḥḥar-nni ?

D isekkilen n tugniwin n wid ittkacafen s yitran.

D acu-t ccuɛ-nni imddeheb i iɛeddan ɣef urgaz nni ikerfen mi yeẓẓul fell-as Filibus?

Nessexdem ttesriḥ n tnaẓurit iwakken ad d-nesken tazmert n Yillu i t-isseḥlan. Tira Iqedsen qqaṛent-aɣ-d, “Lɣaci, akken ma llan, rran ddehn-nsen ɣer lehdur n Filibus, mi slan yerna walan limarat i ixeddem.... Aṭas n yiɛibanen akked yiquḍaren i iḥellun. Illa-d yiwen n lferḥ d ameqqran di temdint-nni. (Lecɣal 8:6-8, EEO).

Mi akken Buṭrus d Yuḥenna llan deg Samarya, acuɣer ur ɛqilen ara Ɣiles d Lunǧa seg tidyanin iɛeddan am di tadyant nni n ‘unker n Buṭrus”?

Nebɣa tadwilt ad treṣṣi kan ɣef tadyant n Tira Iqedsen i d-yellan imiren. Rnu, iwakken tidwilin d Udlis n Tmusni ad ilint d timekdiyin ugar ɣer umezruy, udmawanen n Tira Iqedsen ur ccefun ara mliḥ ɣef Ɣiles, Lunǧa akked Gizmu di tedwilt ɣer tayeḍ.

Rnu, iwakken tidwilin d Udlis n Tmusni ad ilint d timekdiyin ugar ɣer umezruy, udmawanen n Tira Iqedsen ur ccefun ara mliḥ ɣef Ɣiles, Lunǧa akked Gizmu di tedwilt ɣer tayeḍ.

Nessexdem ttesriḥ n tnaẓurit akken ad ten-id-nesken ṭṭfen-d Ṛṛuḥ Iqedsen. Tira Iqedsen qaṛṛent-d, “Imiren Buṭrus akked Yuḥenna sersen ifassennsen fell-asen dɣa ṭṭfen-d Ṛṛuḥ Iqedsen.” (Lecɣal 8:17 EEO).

Ɛni teskenḍ-d isamariyen yumnen heddren s tutlayin?

Ih. Adlis n Lecɣal n Yimceggɛen beggenen-d belli yella wacu i d-ibanen mi d-yers Rruḥ Iqedsen. Yura, “Mi iwala Cimɛun belli Rruḥ Iqedsen ittunefk-d s trusi n yifassen n yimceggɛen, ifka-yasen idrimen iwakken ad d-yaɛ tazmert-nni” (Lecɣal n Yimceggɛen 8:18 EEO) Rnu-yas, Tira Iqedsen ḥkant-ed belli ass nni n wass wis xemsin, mi akken ččuren lmumnin s Rruḥ Iqedsen, bdan heddren tutlayin ur ssinen: “Ččuren meṛṛa d Ṛṛuḥ Iqedsen, dɣa bdan heddren s tutlayin-nniḍen, akken i asen-d-ifka Ṛṛuḥ ad t-id-inin. (Lecɣal 2:4 EEO).

D acu yeḍran mi yewwi Adlis n Tmusni Ɣiles, Lunǧa akked Gizmu yerna qqimen ttwaɛelqen deg igenni?

Adlis n Tmusni yewwi-ten seg yiwet n tenqiṭ deg wakud ɣer yiwet n tedyant deg imal deg umezruy n Tira Iqedsen. Imi Adlis n Tmusni yebɣa ad fehmen liḥala anda i ten-yewwi, isken-asen-d tidyanin yesɛan azal i d-yeḍran ger snat-nni n tenqiḍin deg wakud.

Mi d-qerben wid i s-d-yezzin i Wukuci-nni, d acu n ṣṣut i isla Filibus?

D Rruḥ Iqedsen i s-d-ihedren i Filubus. Tira Iqedsen, “Rruḥ Iqedsen yenna i Filibus: "Qerreb, qḍeɛ akerrus-ihin!" ( Lecɣal n Yimceggɛen 8:29, EEO)

D acu-t weḥric-nni n Tira Iqedsen i gella Ukuci-nni yeqqar?

Tella d tasuqilt tagrigit n Icɛaya 53:7-8:” "Am tixsi i wwin ɣer tmezliwt, Am yizimer zdat win i t-itellsen, iggugem, ur d-inṭiq ara. Ittwaḥqer, ittwakkes-as lḥeqq-is. Anwa ara yeḥkun ɣef tarwa-s? Axaṭer ittwakkes si ddunit."( Lecɣal n Yimceggɛen 8:32-33, EEO)

Amek i teẓriḍ ɣef acu i ihedder Filibus akked Ukuci-nni

Nessexdem ttesriḥ n usnulfu akken ad d-nesken Filibus as-yettmeslay. Tira Iqedsen qqaṛent-aɣ-d, “Amexṣi-nni yenṭeq ɣer Filibus, yenna-yas: "Di leɛnaya-k, ɣef wanwa i d-inna nnbi ayagi? Ɣef yiman-is neɣ ɣef wayeḍ?" Filibus ildi imi-s dɣa yebda seg uḥric-agi yettbeccir-as Linǧil n Yasuɛ.” (Lecɣal 8:34-35 EEO).

D acu-tt ufeǧǧeǧ nni i d-ibanen ɣef ukuci mi akken yettwaɣdes?

Nessexdem ttesriḥ n tnaẓurt iwakken ad d-nesken Rruḥ Iqedsen yers-ed ɣef yiwen Ukuci.

D acu-tt tbuciḍant-nni n tafat tuwraɣt i yewwin Filibus deg igenni?

Nessexdem ttesriḥ n tnaẓurt iwakken ad d-nesken Rruḥ Iqedsen yewwi Filibus ɣer wemkan nniḍen. Tira Iqedsen ḥkant-ed ayen yeḍran, “Mi d-fɣen seg waman, Rruḥ n Ssid yewwi yerfeɛ Filibus. Amexṣi-nni ur iɛawed ara ad t-iwali meɛna ikemmel abrid-is s lferḥ. Di lweqt-nni, Filibus yufa-d iman-is ugar deg ugafa, di temdint n Acdud. Deg ubrid-is, ittbeccir Linǧil di temdinin merra iɣef yettɛeddi armi i yewweḍ ɣer Qiṣarya (Lecɣal n Yimceggɛen 8:39-40 EEO).

D acu i d-yeḍran mi akken Adlis n Tmusni yewwi Ɣiles, Lunǧa akked Gizmu yerna iɛawed yeǧǧa-ten ɛelqen deg igenni?

Adlis n Tmusni ibɣa ad sen-d-isken ayen yeḍran mi akken yettwarfeɛ Filibus d wayen yexdem sakin.

Talalit n Musa

Acuɣer sɛan asebdad n ufrux ?

Wagi d asebdad Hurus, d yiwen n urebbit amaṣri n lekdeb.

Acuɣer imaṣriyen sɛetben Iɛebraniyen?

Mi akken yella Yusef d lḥakem wis sin di tmurt n Maser, iɛebraniyen sfaydin di tallit n lemzeyya. Lameɛna, yekker-d Ferɛun nniḍen ur nesli ara ɣef Yusef i gessefran targit n Ferɛun yerna yella d lḥakem wis sin n tmurt n Maṣer. Ferɛun-agi ajdid iwala belli iɛebraniyen simmal ttnernin yerna ttiǧhiden, dɣa imaṣriyen ugaden d akken iɛebraniyen ad d-kren ad nnaɣen yid-sen. Tira Iqedsen qqaṛent-aɣ-d:

Di tmurt n Maṣer, ikker-d yiwen n ugellid-nniḍen ur nessin ara Yusef. Inna i ugdud-is: "Atnan wat Israyil uɣalen d agdud yeftin; ǧehden akter-nneɣ. Yyaw ad nmuqlet amek ur ittnerni ara, Axaṭer lemmer ad d-ikker ṭṭrad, ad iddu d yiɛdawen-nneɣ i wakken ad nnaɣen yid-neɣ, Imiren ad iffeɣ si tmurt." Dɣa sbedden fell-as imeqqranen ara t-iɛetben s lecɣal iweɛren. S wakka i yebna timdinin n Bitum akked Ramsis, d timdinin yerra Ferɛun d lemxazen. Meɛna simmal sseɛtaben-t, simmal ittzid, ittnerni; daymi i kerhen At Israyil. Imiren, Imaṣriyen rran azaglu n tkelwa i ugdud n Israyil; Ssareẓgenasen ddunit s lecɣal iweɛren; s lebni n talaɣt akked llajur, s lecɣal merra n lexla; Yeɛni s lɣecc i asen-ttaken lecɣal agi merra iweɛren. (Tuffɣa 1:8-14).

Ayɣer i tessekneḍ amaṣri yesseqdacen ajekaḍ ?

Nebɣa ad nili ɣef wayen yeɛnan amezruy d imekdiyen ɣef liḥalat iweɛren n tkelwa, lameɛna nḥezzeb d akken ur d-neskanay ara alebɛeḍ yettewet s ujelkaḍ. Lameɛna, nessekcem-d ṣṣut n ujelkaḍ akked leɛyaḍ n yiwen wakli aɛibrani iwakken ad d-nesken liḥala.

Iwumi ssexdamen llajur-nni?

Ssexdament i lebni n temdinin. Tira Iqedsen nnant-aɣ-d; “ Swakka i yebna timdinin n Bitum akked Ramsis, d timdinin yerra Ferɛun d lemxazen”(Tuffɣa 1:11 EEO).

Lemɛahda n Ugrud

D acu i yeǧǧan Ɣiles, Lunǧa akked Gizmu ad ḥerken ugar n kra n lmitrat deg tedyanin n Tira Iqedsen?

Adlis n Tmusni usnulfa-d yiwen n tqubbet tafrawant ara ten-yeǧǧen ad walin tidyanin, lameɛna ur heddren ara akked iwudam n Tira Iqedsen.

Acuɣer iwudam n Tira Iqedsen ur walan ara Ɣiles d Lunǧa ttmuqulen-ten-id?

Taqubett-nni deg waydeg llan ur sen-iɛemed ara i iwudam n Tira Iqedsen ad ten-walin neɣ ad sen-slen.

Mi akken i tella tettmuqul Lunǧa leǧnan n Ɛidin dɣa tenna "dihin". Muqlet. D Illu!”, d anwa i twala, d Illu Ababat neɣ d Illu Ammemit?

Nesken-d Illu Ababat ileḥḥu s lɛaḍima deg leǧnan. Tira Iqedsen beggenent-ed belli Axellaq yelha s tidet di tlemmast n txelqit-is: “Tameddit n wass, slan i ṣṣut n Umeɣlal Illu ileḥḥu di leǧnan, dɣa Adam akked tmeṭṭut-is ffren ɣef Umeɣlal Illu ger ttjur n leǧnan” (Laṣel n ddunit 3:8)

Mi akken Ɣiles d Lunǧa akked Gizmu ttwaɛelqen deg yigenni , ttwalin ineḍruyen deg ṭṭiqan, anda llan?

Adlis n Tmusni yewwi-ten ɣer tgelda taniglawt akken ad walin s lemɣiwla kra n tedyanin tigejdanin seg Tira Iqedsen mebla ma yella saklen deg akud .

D acu-ten yimeslayen n tezlit n n tfaska n tlalit n Ɣiles akked Lunǧa?

" Lemɛahda n Ugrud "

Isebtar ḥekkun-d amezruy n uxleq,
Tamacahut ur nettfakka i ttɣennant lmalayek ,
I tmurt n wadda n tmanegt n yigenni,
Lemɛahda n ugellid i d-ilulen.

Yefren deg leǧnan,
Lɛib seg wayen ara iẓer.
Lemɛahda akked Adam,
Lemɛahda yettwaxedmen i Ḥewwa.

Sɣur Abraham d Sara,
Timekdit-ines tettwasken-d.
Seg Isḥaq ɣer Yeɛqub,
Tafat ara iwelhen abrid.

(Tasetna)
Lemɛahda n ugrud,
Qrib ad d-iban.
Lemɛahda n ugrud,
Leslak iqeṛṛeb-d.
Iẓḍa deg isebtar,
Iṭṭenṭṭun di tsuta.
Taxelqit temṣalaḥ.
Lemɛahda n ugrud,

Akked lɛerc n Yahuda,
Inaw daɣen yettwasla
Si Ccariɛa n Musa,
D Tissin n Wawal.

D ammemit ageldun n Dawed,
Aqcic ara yuɣalen d agellid.
D lḥakem n leǧnas,
Iɣef cennun lmalayek.

(Tasetna ad ttuɛawed)
Din, tasebḥit yettuɛeḍmen tuli-d,
Iḍ anda i d-ilul Yasuɛ Lmasiḥ!
Di leɛnaya-k am ttawil akked imdanen akken ad zedɣen,
Yasuɛ Ɛimanu-Il-nneɣ!

(Tasetna ad ttuɛwed)
Lemɛahda n ugrud,
Leslak ata da tura.
Lemɛahda n ugrud,
Leɛqed-ines Iban-ed.
Iẓḍa deg isebtar,
Iṭṭenṭṭun di tsuta.
Taxelqit temṣalaḥ,
S lweɛd n yiwen wegrud.

Azref n umeskar: Aẓeṭṭa n Radyu Amasiḥi
Ccna sɣur: Kurt Heinecke & Mike Nawrocki
Imeslayen sɣur: Mike Nawrocki
Yettwanulfa-d sɣur: Kurt Heinecke
Taɣect tagejdant: Shannon Chan-Kent
Agiṭar Makfirsun: Dennis Dearing
Anemhal n taɣect : Lori Casteel
Talilt n yigerdan: Mary Chandler Hicks, Ella Rose Klein, Elsa Kummer, Hannah West

D acu i d anemek “nemṣalaḥ”?

“Nemṣalaḥ” anemek-is d akken Illu ikkes-aɣ-d si liḥala n yeɛdawen-is i nella yerra-yaɣ d arraw n Yillu. Ixdem ayenni s lmut n Yasuɛ ɣef ddnubat-nneɣ iwakken ad nettwaɛfu s leɛnaya, s ttawil n liman. Tira Iqedsen qqaṛent-aɣ-d,“Axaṭer, ma yella, mi akken i nella d iɛdawen n Yillu, issemṣaleḥ-aɣ d yiman-is s lmut n Mmi-s, xelliɛad tura mi nemṣalaḥ, ad nettwasellek s tudert-is.” (Irumaniyen 5:10 EEO)

D acu tebɣa ad d-tini tezlit-nni s "taxelqit yemṣalaḥen"?

Ayagi ibɣa ad d-yini belli Illu issemṣaleḥ taxelqit yid-es. Mektit-d d akken Adem akked Ica ttwaxelqend ass wis setta n txelqit n ddunit, ( Laṣel n Ddunit 1:26). Nukni nettekka di txelqit-is dɣa nemṣalaḥ yid-es mi ara namen s Yasuɛ. Illu ad issemṣaleḥ taxelqit merra, am akken i t-d-tennant Tira Iqedsen: “Neẓra belli ar assa taxelqit meṛṛa tettnazzaɛ yerna tettneɛtab si lewjuɛ n tarrawt” (Irumaniyen 8:22 EEO).

D acu i d anamek n “leslak”?

"Leslak" anamek-is d akken Illu isellek-aɣ si ccer mi imekken Yasuɛ ixelleṣ ssuma n ddnubat-nneɣ. Tira Iqedsen nnant-ed, “Teẓram belli mačči s wayen ifennun, s lfeṭṭa neɣ s ddheb, i d-tettucafɛem si tikli-nni ur nemɛin, tin akken i d-twertem sɣur lejdud-nwen, Meɛna s yidammen ɣlayen n Lmasiḥ, amzun d idammen n yizimer ur nesɛi lɛib wala ccama”(1 Buṭrus 1:18-19 EEO).

Niqudimus

Ɣef wacu i ttalint ttṣubbunt tixxamin n tilifirik?

Imessiwan n ski ssexdamen iguta iselkimen. Tafat-nni tazeggaɣt d agmuḍ n agaman utlayan n tulya tamirant , d yiniten yemgaraden ttxebbiren imeskiyen ɣef iberdan yemgaraden anda ittawin iguta-nni.

Acuɣer i iceggeɛ Udlis n Tmusni Ɣiles d amkan imgaraden ɣef win n Lunǧa akken Gizmu?

Adlis n Tmusni yesɛa ayen yemgaraden ara yesselmed i Ɣiles.

D acu-t uḥric seg Tira Iqedsen i d-yeɣra ugraz nni seg isekkilen deg ufrag n ufakan?

Yeɣra-d seg Icɛaya 53:6-8.

D acu-tt ccuɛ-nni imddeheb i d-ibanen ɣef uderɣal akked urgaz nni ikerfen mi yeẓẓel Yasuɛ afus-is fell-asen?

Nessexdem ttesriḥ n tnaẓurt akken ad d-neglem tazmert n ḥellu n Yillu.

D anwa aḥric i d-yeɣra Niqudimus seg Ḥizqiyal?

Yeɣra-d seg Ḥizqiyal 36:25-27.

Anta taseddart i d-yebder uḥekkay ɣer tagara n tedwilt ?

D Irumaniyen 10:9-10 si tsuqilt n Tmezdayt Tanǧilit n Iwaḍiyen Ma tcehdeḍ-d s yimi-k belli Yasuɛ, d Ssid, ma tumneḍ deg wul-ik belli Illu yesseḥya-t-id si ger lmeggtin, Illu ad k-yeqbel yerna ad k-isellek, ma yella tumneḍ s tidet s wayagi yerna ad tiniḍ i wiyaḍ.”

Zakay

D anta taseddart seg Tira Iqedsen i d-yefreq Gizmu ɣef uɣḍas deg aman?

Yeɣra-d deg 1 Buṭrus 3:21 : “Aman-nni... ur illi ara d asizdeg si lewsex n tfekka, Meɛna d asuter i Yillu ad issizdeg lxaṭer, s ḥeggu n Yasuɛ Lmasiḥ”

Mi akken Yasuɛ iteddu ɣer Yariḥu yerna Zakay yella sufella n ttejra, acuɣer i d-seknem Yasuɛ yeḥbes uqbel ad yezzi ad yehder i Zakay?

Nessexdem ttesriḥ n usnulfu akken ad d-nesken Yasuɛ iwelleh-it Ṛṛuḥ Iqedsen ɣef acu i yebɣa Ababat Igenwan ad t-yexdem.

Mi akken llan tetten ɣer Zakay deg uxxam-is, amek i teẓriḍ belli yella d acu i s-yenna Yasuɛ i Zakay?

Nessexdem ttesriḥ n usnulfu akken ad d-nesken Yasuɛ la s-yeqqar ameslay udmawan yesɛan azal i inullen ul n Zakay.

D acu-tt tẓallit nni n leslak i teẓẓul Lunǧa?

Nettat teẓẓul: “Ay Illu, steɛrfeɣ belli d tamednubt, yerna bɣiɣ ad sɛuɣ asseɣ d yid-k Txil-k ɛfu-yi akk lecɣal n ddir ixedmeɣ Umneɣ seg ul-iw d akken Yasuɛ yemmut yerna yeḥya-d akken ad yekkes ddnub-iw yerna sttaɛrefeɣ belli Yasuɛ Lmasiḥ d Ssid-iw d Amsellek-iw. Txil-k ččar-iyi d Ṛṛuḥ-ik Iqedsen akken ad k-illiɣ d timekdit. Tanemmirt imi i yi-tsellkeḍ yerna terriḍ-iyi d yelli-k. Txil-k mmeslay-iyi-d rnu ɛawen-iyi akken ad sleɣ i ṣṣut-ik yerna ad tebɛeɣ abrid-ik. Ferḥeɣ imi ad sɛidiɣ lweqt yid-k ama d agi di lqaɛa neɣ deg igenwan. Deg isem n Yasuɛ, amin.”

Aselmed deg udrar

Acuɣer ur d-tseknem ara Yasuɛ iwexxer ɣef ubrid mi d-iqeṛṛeb ukeṛṛus lɛeskker s lemɣiwla?

Nessexdem ttesriḥ n usnulfu akken ad d-nesken belli Yasuɛ yeẓra lɛesker ad teddun akken ad meslayen yid-s yerna nutni ad ḥebsen di lawan. Ihi yeqqim yettraǧu s ttawil deg ubrid

Ayɣer i t-ḥesben diri-t i umdan uday ad yekcem ɣer uxxam n yiwen ur numin ara?

Yiwen n lamer n wat Israyil yeqqar-ed belli yiwen uday yettuɣal yenǧen deg uɣawas n tfugla ma yella yekcem s axxam n win ur nettamen.

Acuɣer i gewjed Yasuɛ ad yerreẓ lɛada ur ikeččem ara yiwen ɣer wexxam n win nelli ara d uday?

Yasuɛ yexdem ayen akk i s-d-iweḥḥa Rruḥ Iqedsen belli d lebɣi n Yillu. Yasuɛ inṭeq, inna: "Amin, amin, ad awen-iniɣ, Amemmit ur izmir ad ixdem acemma s yiman-is, Ayen akk ixeddem Ubabat, Siwa ayen yettwali ixeddem-it Ubabat. Amemmit ixeddem-it daɣen ula d netta”(Yuḥenna 5:19 EEO). Yasuɛ yerreẓ daɣen lɛadda n wudayen ɣef wayen yeɛnan aseḥlu deg wass n usteɛfu (Walit Yuḥenna 7:21-24).

Acuɣer i d-yenna Yasuɛ belli ur iwala ara liman am win n uqerru n meyya n lɛesker di Israyil merra?

Axaṭer aqerru n meyya iɛsekriwen yefhem belli Yasuɛ yesɛa tazmert ɣef waṭṭan yerna ad d-yini yiwen wawal kan n ḥellu si lembɛid— dɣa ad d-yili ḥellu.

D acu n tseddart i d-ḥkan Yasuɛ akked Lunǧa di tqaɛett n lakul akked twacult n dda Meqqran di taggayt n tlelli?

Yasuɛ ihder-ed ɣef Matta 7:13 ma d Lunǧa ɣef Matta 7:14

D acu n tseddart n Tira Iqedsen i yesken umeksa i Ɣiles?

D Zakarya 4:10 Ɣiles yeɣra aḥric amezwaru n tseddart: Ur ḥeqqret ara ibedduyen-agi imecṭaḥ , axater Ameɣlal iferreḥ-d mi iwali ccɣel yebda...” ( EEO).

Icɛaya

Anda i yella Icɛaya mi iwala aweḥḥi-nni?

Neglem-d Icɛaya deg ufrag n ufakan n Yarucalims mi gwala aweḥḥi n Yillu yeqqim ɣef ukersi n leḥkum sennig n ufakan

Anda i d-ittwabder tedyant-a di Tira Iqedsen ?

Aweḥḥi n Icɛaya yettwabder-d di Icɛaya 6:1-13

Deg uweḥḥi-nni , d acu-tent tlata-nni n lexliqat yettferfiren?

D lexliqat n igenni isem-nsent Isarafiyen Tira Iqedsen nnant-ed belli ḥedren-t i Yillu: “Isarafiyen bedden nnig-s; yal yiwen isɛa setta n wafriwen: Sin i wakken ad ttɣummun yis-sen udmawen-nsen, sin i wakken ad ttɣummun yis-sen iḍarren-nsen, sin i wakken ad ttafgen yis-sen” (Icɛaya 6:2 EEO).

Deg uweḥḥi-nni, d acu-tt lḥacya-nni n ddheb ?

Nessexdem ttesriḥ n tnaẓurit iwakken ad d-nmetel abernus n Yillu mi d-ittṣubbu si lɛerc-ines yerna yettaččar Afakan. Tira Iqedsen nnant-aɣ-d : " Deg useggas ideg yemmut ugellid Ɛuzya walaɣ Sidi, yeqqim ɣef ukersi ɛlayen aṭas; ijufar-is ččuren Afakan. (Icɛaya 6:1 EEO).

Acuɣer i s-yenna Illu i Icɛaya ad ibeccer lexbar ur qebblen ara?

Illu ittceggiɛ daymen lenbeyya iwakken ad s-ɛeggnen i wegdud-is s lḥisab i d-itteddun. Di liḥala-yagi, Illu iwala ulawen n wegdud n Yahuda, dɣa yeɛqel belli ur qebblen ara lexbar-nni ara yawi Icɛaya.

D acu-tt takurt-nni n tmes i d-izegren igenni deg iḍ yerna tkeččem ɣer iqiḍunen?

D lmelk n Illu

Acuɣer i txedmem akken ad tmetlem lmelk n Illu s takurt n tmes d tazeggaɣt deg umkan ad icbu lmelk?

D lmelk n Illu

Acuɣer i d-seknem lmelk n Umeɣlal imfaraq ɣef waṭas n takurin n tmes mi akken i d-iṣub ɣef lemḥella n Icuriyen.?

Nessexdem ttesriḥ n tnaẓurt akken ad d-nenesken d akken lmelk-nni iɛedda akk ɣef lemḥella n icuriyen.

Ittwaɣḍes!

Acuɣer i d-seknem Gizmu ixeddem-d aḍu iǧehden s yiwet n tferfart?

Nɛemed i Gizmu ad yexdem akkeni iwakken ad d-nessekcem cciṭ n taḍṣa di tedwilt; lameɛna yella Ɣiles i s-yennan ad issens tamacint-nni n waḍu yerna ad d-yekcem ɣer zdaxel.

Acuɣer i glaq ad yili weɣḍas n Ɣiles d Lunǧa di berra mačči zdaxel?

Kra n yemdanen ttwaɣeḍsen di berra am wid di lweqt n Tira Iqedsen. Di lemtel, Yasuɛ yettwaɣḍes deg asif n Urdun s ufus n Yeḥya Aɣeṭṭas ( Matta 3:13) Di tama nniḍen, aṭas n tmezdayin sseɣḍassent zdaxel di lewqat n lɛibada-nsent. Ayenni ittak tagunit i tmezdayt akked wid i d-irezzun ad ḥedren s shala n wid ara iɣeḍsen!

Acuɣer Ellie teddem abrid n diri di lɣar-nni askudan n Udlis n Tmusni?

Imi tella Ellie deg umkan yemgaraden ɣef Ɣiles d Lunǧa, lɣar-nni askudan-is yewweḍ-d ɣer tama akken ad yaweḍ win anda yella Ɣiles akked Lunǧa. Axaṭer ayagi d tirmit-is tamezwarut n lɣar-nni askudan, nettat tetteḥdaqer yerna tetteɛraḍ ad d-aff lwelha-s.

D acu i yeṭṭef Butrus akked yirgazen nni nniḍen rrif n ugelmim?

Nutni ssirden icebbaken-nsen. (Luqa 5:2).

Amek i d-ṭṭefen annect-nni n lḥut?

Illu ixdem lberhan akken ad d-yettwaṭṭef annect-nni n lḥut (Luqa 5:1-11).

D acu-ten yimeslayen n tezlit nni i d-yettwacnan deg uɣḍas n waman?

“Uɣaleɣ d ajdid”

Illu yuɣal d leslak-iw
Ad ttekleɣ yerna ur tagadeɣ
S lferḥ ad d-agmeɣ seg aman
Yerna ad cnuɣ ccna agi deg ussan-iw meṛṛa

(Tasetna)
Nekk uɣaleɣ d ajdid
Tessardeḍ akk icamiḍen
Ččuṛeɣ d leḥmala-k
Ṛṛuḥ-ik yezdeɣ deg-i
Isaffen n waman n tudert
Ad ttfegiḍen seg ul-iw
Nekk uɣaleɣ d ajdid
Nekk uɣaleɣ d ajdid

Kečč d alɣuɣ-iw d amsellek-iw
Nekk tedduɣ di trennawt-ik
Aɛudiw d umnay is ṛẓen
Yerna tizlit-iw ad tili dima
(Tiqenṭert - Tiɣri akked Tririt)
Taɣect tagejdant: Uh, suɣ yerna ɛeggeḍ
Talilt: Yettwaɛeḍem

Taɣect tagejdant: Ccnut s taɣect ɛlayen
Talilt: Yettwaɛeḍem

Taɣect tagejdant: Attan tulɣut-nneɣ
Talilt: Ulac win yellan am Yillu-nneɣ

Azref n umeskar: Aẓeṭṭa n Radyu Amasiḥi
Imeslayen sɣur Rebekah Schafer
Ccna sɣur Rebekah Schafer and Kurt Heinecke

Yasuɛ—Ameddakel n yimednuben

Mi llan ttheggin yigerdan iman-nsen i lbiɛ n lgaṭu, d acu i yella Gizmu ixeddem?

Gizmu i tikkelt tamezwarut iteddu am ccix akewwac arrumi. Mbeɛd ayagi, iteddu am ukewwac amusnaw aṭelyani.

Deg uheggi n lbiɛ n lgaṭu , tella yiwet n teqcict isem-is Betina i yesɛan aɣdebbu. N wansa-tt?

Betina, n tmurt n Brizil.

Acuɣer Adlis n Tmusni yewwi Lunǧa ɣer yiwen n umkan iferrqen ɣef Ɣiles d Gizmu?

Adlis n Tmusni yesɛa tamsirt tuzzigt ara yesselmed i Lunǧa, yerna nettat ad telmed akter mi ara tebɛed ɣef Ɣiles d Gizmu nettat la thedder akked Matta.

D acu n tseddart i d-ittwabedren ɣer tagara n tedwilt?

D Matta 10:40: “Win yestreḥben yis-wen isterḥeb yis-i, win yestreḥben yis-i yesterḥeb s win i yi-d-iceggɛen”( EEO)

Ttwaselken!

Anda truḥ terbaɛt n yilmeẓyen i usikel n tuɣdaṭ ?

Ruḥen ɣer yiwet n temnaḍt n udrar ibeɛden , di leǧwahi n Marikan Talaṭinit .

Acuɣer i d-seknem yiwen usayes iǧehden n Cadrax, Miycax akked Ɛabid-Nagu di tmes?

Am akken i d-ḥkant Tira Iqedsen, fɣen-d salamat! (DAnyil 3:25) Lberhan-agi yessewhamen yerra lɛaḍima i Yillu!

Acuɣer i d-yenna Ugellid Nabuxadnuẓur belli d yiwen n lmelk i d-iselken Cadrax, Miycax akked Ɛabid-Nagu?

Isteɛref belli yella-d lberhan, lameɛna lefha-ines ɣef lumur n rruḥ tesɛa tillas s lɛibada-ines n irebbiten n lekdeb.

Deg uḥric-nni ɣef Juna, acuɣer i t-steqsan ibeḥarren d acu i ilaq ad s-txedmen iwakken ad teḥbes tbuciḍant-nni?

Ɣilen belli Illu irfa ɣef Yuna dɣa ma yella d netta i d ssebba, ayenni ad ishedden urrif n Yillu.

Acḥal i d telqayt n tlata n tiyita n iɣallen?

Azal n 18 n lmitrat di telqayt.

Acuɣer i d-seknem igurdan ttwaḍeggren-d si lbabur yerna ttwasbelɛen akked Yuna?

Nessexdem ttesriḥ n usnulfu iwakken ad d-nesken Ɣiles akked Lunǧa ttmeslayen akked Yuna zdaxel n uḥutiw-nni ameqqran yerna smeḥsisen i tẓallit-is i Yillu.

Ɛni Illu ibeddel abrid n uẓru?

Ih. S tririt i tẓallit n Matyu, Ɣiles d Lunǧa, Illu ibeddel abrid n uẓru s lberhan .

D anta taseddart ideg i d-yehder Adlis n Tmusni ɣef Umeɣlal i ttselliken agdud-is?

Wagi d lqem wezzilen n Ihellilen 91:14-15: Imi i yi-iḥemmel, nekk ad t-sellkeɣ... Ad d-indeh ɣur-i, ad as-d-rreɣ awal”

D acu-t yisem n tezlit-nni i d-tecna Lunǧa, d wacu-ten yimeslayen-agi?

Isem n tezlit-nni " Ttwaselkeɣ!” Nerna-d imeslayen d imcettel ddaw-a :

“Ttwaselkeɣ!”

Ttɛaraḍeɣ ad kkreɣ, ad ẓleɣ afus,
Iɛdawen-iw jebden-iyi ɣer deffir,
Atan yizmawen zzin-iyi-d, ulac anda ara rewleɣ,
Aremmez-nsen yeṭṭenṭun di ṭṭlam
Lliɣ ǧehdeɣ zik ih,
Ur ẓmireɣ ara ad ɣelḍeɣ,
Zemreɣ ad sedduɣ s yiman-iw
Tura weḥd-i deg lɣar, sawaleɣ-d tikkelt-nniḍen,
Uh, aql-i uyseɣ yerna ḥwaǧeɣ lemɛiwna-ik

(Tasetna)
Asuɣu
Ad nettɛeyyiḍ ɣef lemɛawna
Asuɣu
Asuɣu n lemɛawna, lemɛawna (Tasetna ad ttuɛwed)

Qrib mmuten mi d-ttalin wawam
Lemwaji i d-yekkaten ɣef uqerry-iw
Ɣas akken iɣezran sseblaɛen-iyi
Fecleɣ , ur ttwaliɣ acemma .
Yerna ṭṭlam la d-yettqerrib s tɣawla
Ay Ameɣlal ur ǧhideɣ ara annect a
I kečč uɣur bɣiɣ ad cabiɣ
Ur zmireɣ ad sferkeɣ aya weḥd-i
Akken ad d-leḥqeɣ ad nefseɣ
Illu, ad siwleɣ di tẓallit
I lberhan
Ḥwaǧeɣ lemɛiwna

(Tasetna)
Taẓallit
Taẓallit ɣef lemɛawna.
Taẓallit
Ad nẓal ɣef lemɛiwna, lemɛiwna.
Aql-ik-in
Eyya-d ɣer lemɛawna-nneɣ
Ataya
Eyya-d ɣer lemɛawna-nneɣ
Aql-ik-in
Eyya-d ɣer lemɛawna-nneɣ.
Ataya
Eyya-d ɣer lemɛawna-nneɣ, lemɛawna-nneɣ.

Azref n umeskar: Aẓeṭṭa n Radyu Amasiḥi
Ccna sɣur: Kurt Heinecke & Mike Nawrocki
Imeslayen sɣur: Mike Nawrocki
Yettwanulfa-d sɣur: Kurt Heinecke

Bulus yeṭṭef di liman

Anda yella Bulus mi yettwaḍegger ɣer lqaɛa yerna yettwaṭṭef?

Yella deg ufrag n ufakan di Yirucalim.

Di tmesgida n sbiṭar, d acu i d-yettaken aḥulfu belli leḥyuḍ d izegzawen yerna ttḥerriken? Yerna acuɣer i ttwaxedmen akken?

Tamesgida tesɛa tala deg lḥiḍ akked tafat tazegzawt. Ṣṣut ḥlawen n waman n tliwa d yini azegzaw rennun-d asemdu i yimdanen i yettẓallan deg tmesgida.

D acu i yebɣa ad d-yini Ɣiles mi d-yenna belli Niru ɣur-s sin neɣ tlata n yiduren n umezgun ameqqran?

Yebɣa ad d-yini belli tazmert n tmusni n Niru ur llint ara yakk din. S imeslayen nniḍen, yettban-d am umeslub.

Anida yella uḥric si Tira Iqedsen anda i d-teɣra Julya ɣef Fibi?

Yella deg Irumaniyen 16:1-2.

Acimi i d-yeskan isuyas iweɛren am win i deg ineggez yizem ɣer tyuga n yimasiḥiyen?

Nebɣa ad d-nbeggen s tewzel belli Imasiḥiyen ttwaqehren mliḥ meɛna ṭṭfen di liman-nsen.

Deg usayes aneggaru akked Bulus di lhebs, d anwa i yellan yettaru imeslayen-is?

D Luqa. Netta iqeddec am umɛawen i Bulus akken imeslayen-is ad ttwaferqen akked wid yumnen akken ad ten-issebɣes yerna ad ten-yesselmed deg ayen iɛnan taflest.

Bulus akked Yillu ur Yettwasnen Aḥric 1 akked 2

Ɛni Adlis n Tmusni yeẓra belli QBIT yella daxel n yidmaren n Gizmu mi akken kecmen ɣer tnifift n Udlis n Tmusni?

S tidet, Adlis n Tmusni d Tira Iqedsen, Awal i yura Yillu. Yerna Illu mebla ccekk yeẓra belli QBIT yella din.

Ayɣer i d-yenna QBIT belli isɛedda tirmit n ilem tajebda?

Yenna-d akken axaṭer nutni ssaklen mebla taẓayt deg tinifift n Udlis n Tmusni.

D anwa-ten isebdad igrikiyen?

Nutni sebganen-d irebiten lekdeb n Diyunysus, Niyk, Eros, Ifaystus, Irus, Zyus akked Sybel.

D acu i xedmen yimdanen sdat n isebdad?

Ttɛebbiden yerna ttaken tukciwin i irebbiten lekdeb.

D acu i d Aryu-Bagus ?

Yella d tiɣilt deg Atina i yesɛan imukan s iblaḍen i usqamu nni i d-yettnejmaɛen. Deg lqem n King James n Tira Iqedsen, yettwasuqel akka “Tiɣilt n Meɣres” (Lecɣal 17:22). Awal “ Aryu-Bagus” yezmer ad d-yini d asqamu s timad-is.

S wacu tutlayt i yura ujerred “Illu ur yettwasnen ara”?

Yella deg Tegrigit, s yisekkilen imeqranen.

Ɛni Gizmu ixleq-d aferṭeṭṭu n tidet ?

Ala, ala Illu i izemren ad yexdem ayen nni. Gizmu yesseqdec tatiknulujit n tfekiwin akken ad d-yesnulfu askan hulugraf.

Ḥemmel iɛdawen-ik

Acuɣer Kan yesɛa amsawal atrar afrawan am Ɣiles d Lunǧa?

Kan yebɣa ad yesɛu asawal yelhan ugar i wesleɣmu n tkurt n uḍar.

D acu-tt ccuɛ-nni imddeheb mi yesseḥla Yasuɛ ameẓẓuɣ n uqeddac?

Nessexdem ttesriḥ n tnaẓurt akken ad d-nessufeɣ tazmert n usseḥlu n Ṛṛuḥ Iqedsen.

Acuɣer i ternam aferdis imesli mi yesseḥla Yasuɛ tameẓẓuɣt n uqeddac n umeqqran n lmuqeddmin?

Imi ur d-nbeggen ara srid lǧerḥ n uqeddac, yerna afus n Yasuɛ iɣum ameẓẓuɣ n uqeddac-nni, nekni nessexdem ttesriḥ n tnaẓurt akken ad nɛiwen azayez ad yefhem belli ayen nni d tniglawt i yeḍran.

D acu-tt ccuɛ-nni imddeheb ini-yis am ureɣ i iɣumen Stifanus?

Nessexdem ttesriḥ n tnaẓurt i wakken ad d-nbeggen tiilin n Ṛṛuḥ Iqedsen yeččuren Stifanus akken ad yefreq ameslay sɣur Yillu. Tira Iqedsen qqaṛent-aɣ-d: “Wid akk yennejmaɛen deg usqamu-nni n ccraɛ ččan-t s tmuɣli, dɣa walan udem-is am wudem n lmelk.” (Lecɣal 6:15).

Mi akken Gizmu yerfed ɣiles d Lunǧa ɣer ṭṭaq ɛlayen, acuɣer tasɣimt ideg qqimen ur tesɛi ara taɣeggaḍt-nsen n laman?

Gizmu yella yettwaqenneɛ belli ad ilin di laman, yerna ma yella kra ara yeḍrun yezmer ad ten-id-yeṭṭef.

Acuɣer i d-seknem Stifanus yettwarjem s yidɣaɣen?

Nebɣa ad nili d imekdiyen ɣer Tira Iqedsen d umezruy n urjem mebla ma nessuneɣ idlifen.

Acuɣer i d-sekneḍ Yasuɛ s idammen ɣef umidag?

D taswiɛt yesɛan azal i Ɣiles, anida i d-yemmekta belli Yasuɛ yessuref i wid i t-isemmren. deg usayes-agi, nella nebɣa ad nili d imekdiyen ɣer Tira Iqedsen d umezruy n wayen iɛnan agama n usemmur, mebla ma nessuneɣ idlifen.

Akken i t-id-yessummer gizmo uqbel akayad n temyikla taneggarut, ɛni Illu iger-d iman-is akken ad yeǧǧ Kan ad yesruḥ aḍegger-is s iswi?

Ala, ur t-yexdim ara. Kan ur yessaweḍ ara axaṭer ur yerri ara ddehn-is s lekmal ɣef tiyita-ines imi ur d-icliɛ ara yerna yerfa ɣef Ɣiles.

Tum d bu ccekk

Acuɣer ur d-tseknem ara lmelk-nni i iswexxer ablaḍ zdat uẓekka? Tira Iqedsen qaṛṛent-aɣ-d, “Taswiɛt kan, tezlez lqaɛa, Axaṭer yiwen n lmelk n Ssid iṣubb-d seg yigenni, iqerreb, iswexxer ablaḍ-nni dɣa yeqqim fell-as.(Matta 28:2).

Nessexdem ttesriḥ n usnulfu akken ad nreṣṣi ɣef iferdisen igejdanen n usmekti n userdas, lmeɛna-s, lmelk anezmer i ban-d dɣa lǧetta n Yasuɛ tettwaɣba.

D acu-t uɛaqeb n yiserdasen iṛumaniyen i yellan gganen deg tɛessast?

Iserdasen ad ilin ttwaɛaqben mliḥ, ahat ula d timenɣiwt.

Nwiɣ Ɣiles d yiwen n yitri n ddabex uḍar, ihi ayɣer arrac n Beliz ur whimen ara s tiwezza-s?

Akken i t-id-yessefhem Ɣiles ɣer sdat di tedwilt, yetqelleq mi i d-yemmeslay i tikkelt tamezwarut i warrac ɣef Yasuɛ. Ɣef waya, ur yurar ara s ddabex am akken i yezmer ad yexdem yakkan.

Acuɣer Adlis n Tmusni yewwi Lunǧa s amkan imgaraden ɣef win n Ɣiles d Gizmu?

Adlis n Tmusni yesɛa lecɣal imgaraden i Lunǧa akked Ɣiles akken ad issinen yerna ad lemden.

Amek i teẓram Tum yella yesɛa gma-s d iken?

D ayen i d-sbegnent Tira Iqedsen deg kra n tsuqilin titrarin. Amedya, tasuqilt “The New Living Translation” qqaṛent-aɣ-d, “Tuma, iwumi i qqaren Didimus, yeɛni Iken, yenna i yinelmaden-nniḍen: "Kkret ad nruḥ ula d nekni, i wakken ad nemmet akked Yasuɛ” (Yuḥenna 11:16).

Acuɣer ur ɛqilen ara sin-nni n yirgazen Yasuɛ, meɛna umbeɛd din din ɛeqlen-t?

Tira Iqedsen qqaṛent-aɣ-d belli deg umezwaru, Illu yeqqen allen-nsen i yirgazen nni ad t-ɛeqlen: “Meɛna allen-nsen qqnent, ur t-ɛqilen ara.” (Luqa 24:16). Umbeɛd, Illu iɛemmed ad t-ɛeqlen d anwa i yella: “Ldint wallen-nsen, ɛeqlen-t; imiren ixfa, iɣab fell-asen.” (Luqa 24:31)

Acuɣer Illu ur sen-iɛemmed ara ad ɛeqlen Yasuɛ, acuɣer i d-seknem Yasuɛ s uqelmun yerna iṭij yettfeǧǧiǧ deg allen n yirgazen nni?

Nessexdem ttesriḥ n usnulfu wakken ad nɛiwen arrac imecṭaḥ ad fehmen belli sin-nni n yirgazen (akked Lunǧa) ur ɛqilen ara Yasuɛ di tazwara. Lemmer ulac ttawilat agi n tmuɣli, arrac yettmuqulen ur fehhmen ara acuɣer inelmaden-agi n Yasuɛ ur t-ɛqilen ara.

Yerna, nebɣa arrac imecṭaḥ i yettmuqulen ɣer uhanay ur ẓerren ara belli d Yasuɛ, armi sin-nni n yirgazen ad t-ɛeqlen. Akka, arrac imecṭaḥ ad ḥulfun s uwham nni i wehmen sin-nni n yirgazen.

Amek i yeɣba Yasuɛ mi akken i t-ɛeqlen sin-nni n yirgazen, yerna amek i d-iban din din di teswiɛt-nni i terbaɛt nni n yinelmaden deg uxxam ?

Mbeɛd ḥeggu, Yasuɛ iban-d deg lǧetta tamaynut i t-yettaǧǧan ad d-iban neɣ ad iɣbu akken i s-yehwa.

Asaḍen n Tira Iqedsen

Ɛni s tidet Gizmu ilaq ad iḥader Ɣiles d Lunǧa?

Ih, s tidet. Asusnaw Kantum yesnulfa-d Gizmu akken ad iḥarreb ɣef Ɣiles. Iban kan ma yella tella Lunǧa akked Ɣiles, amusnaw ad yebɣu si Gizmu ad iḥarreb fell-as daɣen.

Imi Gizmu yewwi-d fell-as ad iḥarreb ɣef Ɣiles, acuɣer ihi i yugad s shala?

Aḥulfu n tugdi n Gizmu yezmer ad yili d alɣu i Ɣiles, i s-d-yettmalen d akken ilaq ad iḥader neɣ ad yeḥbes ayen ixeddem.

Mi d-nelmed aṭas n leḥwayeǧ seg Udlis n Tmusni ɣef wazal n Tira Iqedsen d tudert Tamasiḥit, acuɣer Ɣiles yedha mliḥ sɣur Hulu-9?

Axaṭer yufa-d belli ileqman ineggura n wuraren Hulu-9 i iḥemmel sewhamen yerna sedhayen. Yal yiwen ger-aneɣ yezmer ad yedhu s tɣawsiwin deg tudert-nneɣ, ama nella d imectaḥ neɣ d imeqranen. Tikwal ilaq-aɣ ad nerr kra n tɣawsa yessedhawen ɣer ṭṭerf akken ad nizmir ad nerr lwelha-nneɣ ɣer tɣawsiwin i yesɛan azal ugar.

Acuɣer Adlis n Tmusni yeǧǧa Gizmu deffir-s?

Adlis n Tmusni yeẓra belli Gizmu ameqran ad yili deg icaliyen iɛeddan ma yella Ɣiles d Lunǧa uḥwaǧǧen lemɛiwna.

Imi Ɣiles iḥemmel aṭas asaḍ Hulu-9, acuɣer Adlis n Tmusni ur yewwi ara Ɣiles akked Lunǧa ad walin nnbi i ixedmen lberhan neɣ amelway n tredsa irebḥen?

Adlis n Tmusni yebɣa ad yelmed Ɣiles d acu i d lmeɛna s tidet ad ttiliḍ d asaḍ.

Imi yella Gizmu d ameqran deg icaliyen-nsen iɛeddan, acuɣer Ɣiles d Lunǧa ur llin ara d imeqranen deg kra n tedwilin yezrin?

Adlis n Tmusni ur yebɣi ara i Ɣiles akked Lunǧa ad steqnɛen s ucali-nsen iɛeddan. Yebɣa ad ɛawden ad ddren icaliyen-a akken Ɣiles ad yelmed tamsirt tamaynut.

Ɛni s tidet iɣersiwen lḥan armi d lbabuṛ-nni wa deffir wa?

Nessexdem ttesriḥ n usnulfu akken ad d-nessebgen belli Yillu yewwi-d iɣersiwen ɣer lbabur s tyugiwin . Tira Iqedsen qaṛṛent-d; “Ad teskecmeḍ daɣen ɣer lbabur-agi, tayuga seg wayen akk yeddren, si yal lḥiwan, i wakken ad ttwasellken yid-k: Yiwen ad yili d ddker, wayeḍ d nnta. Si yal ṣṣenf n leḍyur, n lmal akked yibelḥekkac iteddun ɣef uɛebbuḍ, ad teskecmeḍ yid-k tayuga i wakken ad ttwasellken” (Laṣel 6:19-20).

D acu-tent tseddarin i yefreq Ɣiles di tezrawt n Tira Iqedsen ?

Yella d Ihellilen: 90:17 “Nneɛma n Sidi, Illu-nneɣ, Ad tili fell-aɣ! Wenneɛ lecɣal n yifassen-nneɣ; Ih, wenneɛ lecɣal n yifassen-nneɣ! (EEO)

S umata

D acu-tt tsertit-ik ɣef usuffeɣ n tedwilin yemden n Udlis n Tmusni akked tividyutin deg targa YouTube, asebtar-nneɣ Facebook, neɣ asmel-nneɣ n tmezgida?

Ɣef ddemma n wuguren izemren ad d-ilin akked agatu-nneɣ n uɛeddi iɣelnaẓriyen akked igraɣlanen yellan, ur nezmir ara ad neǧǧ i wiyaḍ ad ssidren tidwilin yemden n Udlis n tmusni deg targa-nsen YouTube neɣ neɣ asmel-nniḍen n yimidyaten inmettiyen, neɣ ɣef yismal web n tmezgida neɣ udmawanen.

Ad nefṛeḥ imi terniḍ ɣer usmel-ik web aseɣwen ɣer yiwet n tedwilt ibanen neɣ tavidyut clip n uzrar n youtube unṣib n Udlis n Tmusni. Nerna ddaw agi yiwen n useɣwen ɣer usebter agejdan n targa n Youtube unṣib n Udlis n Tmusni: https://www.youtube.com/user/SuperbookTV

Ma tebɣiḍ ad tesqedceḍ yiwen neɣ ugar n uvidyu Adlis n Tmusni deg ukatar n uselmed-ik srid, tzemreḍ ad tessutreḍ agatu n ttesriḥ ur d-neffiɣ ara d ajdid akken ad tkemleḍ yerna ad t-d-ccegɛeḍ. Tzemreḍ ad tsutreḍ tiferkit deg usebter-nneɣ n unermis: https://us-en.superbook.cbn.com/contact

Ma ulac aɣilif ẓer belli agatu ad yeǧǧ kan afellay setta n tesdatin n tvidyutin deg tedwilt. Yerna akud n yal tvidyut ur yezmir ara ad iɛeddi i tlata n tesdatin. Ma ulac aɣilif, suter agatu n turagt ur nelli ara akken kan i d-teffeɣ akken ad tesɛiḍ ugar n telɣut.

Cciṭan iban-d deg aṭas n tedwilin n Udlis n Tmusni. Ayɣer i d-yettwaglem am uzrem yettferfiren s wafriwen d ujeḥniḍ ?

Tira Iqedsen ur d-teglement ara s wudem uzzig Cciṭan , i wumi qqaren daɣen lusifar neɣ Iblis, ihi nessexdem ttesriḥ n usnulfu akken ad d-nbeyyen uɣur yezmer ad d-yecbu . Deg tedwilt “Di tazwara,” Mi akken Lusifer iban-d am lmelk deg igenwan, netta iban-d am lxelq ucbiḥ yesɛan acekkuḥ aɣezfan acelhab. Mi gɛuṣa Illu, yuɣal d taxelqit tamcumt, dɣa icebbuben-nni-ines iserḥen uɣalen d acciwen. Daɣen, tafekka-s tuɣal tecba azrem, am win yellan di leǧnan n Ɛidin. Walit Laṣel n Ddunit 3:1) Ur nebɣi ara ad d-nesnulfu cciṭan akken ad yecbu awadem ara yettwafehmen am umcum yelhan. Nebɣa ad fehmen warrac belli yella s tidet uɛdaw, yerna diri-t.

Acuɣer ulac ugar n temgirda n yidelsan deg tvidyutin n Udlis n Tmusni?

Akken teẓriḍ, Illu iḥemmel akk imdanen n ddunit meṛṛa (Yuḥenna 3:16), yerna Yasuɛ iweṣṣa inelmaden-is ad awin lexber n lxir i txelqit meṛṛa yellan di ddunit (Matta 28:19). Rnu daɣen, imdanen n yal lǧens, yal adrum, akked yal tutlayt ad ilin deg igenwan (Aweḥḥi 7:9) Ma yella tḥerzeḍ tidet agi deg alleɣ-ik, tarbeɛt Adlis n Tmusni txeddem ayen akk ilaqen akken tirebuyaɛ n warrac i yesɛan iẓuran-nsen mgaraden daxel n tedwilin n Udlis n Tmusni. Tzemreḍ ad twaliḍ ugar n temgirda di kra n tedwilin n tsemhuyt tamezwarut, yerna ad tɛeqleḍ belli llant temgirda n tedwilin deg tsemhuyin i d-iteddun.

Acuɣer tividyutin n Udlis n Tmusni ttɛeddint-d deg tbadut ɛlayen (HD) ?

Tabadut taɛlayant (HD) tettak-d taɣara ifazen n tugna akked yimesli i tvidyutin. Acu kan, akken ad nefk i yal icriken-nneɣ tirmit ifazen akk, tidwilin streaming ad d-ɛeddint s usengel umḍin amutlay Ayagi yemmal-d belli ttafen-d s wudem awurman arured n tuqqna-ik internet dɣa seqɛden-t akken i iteddu. Ma yella tesɛiḍ tuqqna Internet iǧehden, tidwilin ad d-ɛeddint s HD. Ma yella tuqqna-ik internet ur d-tessaweḍ ara ɣer HD, tadwilt ad d-ɛeddi deg tabadut tizeɣt. Ma yella temmugreḍ-d uguren i d-yettuɣalen akked streaming, ma ulac aɣilif nermes asaǧǧaw-ik n unekcum ɣer internet.

Sɛiɣ ugur akken ad kecmeɣ ɣer tividyutin steaming n Udlis n Tmusni. Tzemrem ad iyi-tɛawnem?

Nefṛeḥ imi nefka i yiɛeggalen n Terbeɛt Adlis n Tmusni anekcum ɣer tvidyutin steaming n tsemhuyt tamezwarut n Udlis n Tmusni. Ma ulac aɣilif ḍmen d akken trebdeḍ Streaming Adlis n Tmusni ɣer usmel web yerna tḍefreḍ lewṣayat.

https://www.cbn.com/activate/superbook/default.aspx

Ad teḥwiǧeḍ uṭṭun n ucrik-ik akken ad tremdeḍ ameẓlu. Yezmer ad t-tafeḍ deg umagar n Tarbeɛt n Udlis n Tmusni. Ḍmen akken ad taruḍ tansa n yimayl akked wawal uffir n urmad axaṭer laqen i tuqqna ɣer streaming n Udlis n Tmusni deg usmel web Adlisntmusni.CBN.com, Asnas Adlis n Tmusni n Tira Iqedsen i warrac imecṭaḥ, akked CBN TV asnas Smart TV.

Ɛni tettheggim akken ad d-yeffeɣ Udlis n Tmusni deg Blu-Ray?

Nefṛeḥ imi d-teqqneḍ ɣer tvidyutin n Udlis n Tmusni, meɛna ur nhegga ara teswiɛt agi tuffɣa n Udlis n Tmusni deg Blu-Ray. Meɛna, Mi ara tjerrdeḍ ɣer Udlis n Tmusni, tzemreḍ ad tkecmeḍ ɣer tɣara steaming HD!

bɣiɣ ad bḍuɣ kra n tecɣebtin / iwenniten ɣef tidwilin ibanen. Amek i zemreɣ ad d-remseɣ?

Ma ulac aɣilif ssit ɣef “Nermes-aɣ-d" ɣer tama n usebter-a akken ad tazneḍ iwenniten-ik .

Ɣur-k isteqsiyen-nniḍen ɣef umazrar Adlis n Tmusni ? Siwel ɣer 1-866-226-0012 neɣ tzemreḍ ad tafeḍ ugar n telqayt dagi : www.cbn.com/superbook

Aselmad Kwantum I & T ,TANEGMA

Ɛni Yasuɛ d netta kan i d abrid s igenwan?

Sit Dagi Akken Ad Twaliḍ Tiririt >>>

Acu n umaynut

Yasuɛ Ittẓalla
Illu ibeggen-d Iman-is
Danyil Yedder
Danyil di Tesraft

Tividyutin Yettwasnen Aṭas

Agellid Hiṛudus akked Yasuɛ
Timlilit d Gulyat
Leḥkkem n Cciṭan Ibda
Azrem-nni Yettwanɛel

Uraren Yettwasnen Aṭas Uraren Akk >>

Lḥut Ameqqran
Anadi ɣef Tetbirt
Aserkeb n Gizmu
Tamyegrant Beṛṛa